tɔːβija jiti sʲi pitəs. xatɬəɬ isa meːlək βɔːt. kaːmən ʃɵːʃijəɬɬəβ. ɔːβ xaret jiŋkən amərɬəti pitsajət. xɔːt ɬaːŋəɬ ɬɔːnʲsʲət ɬoɬati pitsət. i jeːtən maː ɬuŋəttɛm kutən sʲaːsʲɛm lopijəɬ xiɬije kimɬi iʃni eːβəɬt βaːnta. maː aŋkərməsəm iʃni eːβəɬt. mattirən kaːmən βorŋa ɬaːtməɬ xɔːt ɔːβa. ɬaːtməɬ paː uβəɬ βaːrk, βaːrk.
sʲaɬta sʲaːsʲɛm pasan ɔːmsəɬtəs, lopijəɬ xiɬije βorŋa imena tam ʃaːj aːnen ɔːmsəɬte iʃni xɔːpa. maː ʃaːj aːnɛm iʃni xɔːpa ɔːmsəɬsɛm. kim ɔːβ xarija kaːβərtəm nʲoxi pulije ponsəm. βorŋa imen maː tɵːp joxi ɬoŋsəm ɬɛti sʲi pitəs. min sʲaːsʲɛm piɬa ʃaːjɬəmən pɔːriɬəsɬəmən, jaːnʲsʲəɬəmən. sʲi jupijən sʲaːsʲɛm lopijəɬ βorŋa – sʲit jam βɔːj. βorŋajen lopəɬ maː jaŋti marɛmən eːβi tajti xojat eːβi aːt tajəɬ, pox tajti xojat pox aːt tajəɬ. maː sʲi pɔːɬti paːjən kurŋəɬəm sʲi xɔːʃməɬɬəm.
sʲi jupijən sʲaːsʲɛm piɬa sʲi manti sɔːntəməsmən βɔːʃ βutpija. sʲaːsʲɛm mattirən tajmaɬ ʃaːβiman aːj pɔːɬti xirije βorŋa imi pata. jaŋxsəmən pɔːɬt ponsəmən sumət iɬpija. sʲitɛmən potərman paː joxi sʲi ʃɵːʃsəmən.
βorŋa mɔːrti muβ βɔːjət jeːɬpijən sʲi joxətəɬ. ɬuβ ʃanʃəɬən tɔːβi sʲi tɵːɬ jornət sʲiti lopɬət. |
