| Originaltitel | Dialekt | Informant | Genre Form | Genre Inhalt | ID | glossiert | Audio |
|---|---|---|---|---|---|---|---|
| jalpuːsojka kajsow. | northern mansi (NM) | Tasmanov, Jakov; Pakin, Semeon | prose (pro) | Mythological Texts (myt) | 1071 | – | – |
| Textquelle | Herausgeber | Sammler |
|---|---|---|
| Kannisto, Artturi / Liimola, Matti. 1951. Wogulische Volksdichtung I, pp. 349-359 | Liimola, Matti | Kannisto & Liimola (KL) |
| Englische Übersetzung | Deutsche Übersetzung | Russische Übersetzung | Ungarische Übersetzung |
|---|---|---|---|
| "Magical Song of the Old Man of the Holy City." | "Zauberlied des Alten der Heiligen Stadt." | – | – |
| by Kannisto, Artturi |
| Zitation |
|---|
| Kannisto & Liimola: OUDB Northern Mansi Corpus. Text ID 1071. Ed. by Janda, Gwen Eva. http://www.oudb.gwi.uni-muenchen.de/?cit=1071 (Accessed on 2024-11-22) |
| jalpuːsojka kajsow. |
| jalpuːsojka kajsow. luːptauj xuriŋ uːs, | liptuj xuriŋ uːs, | xajtne luw silmaŋ uːs, | minne luw silmaŋ uːs kotʲlʲəmt uːnleɣm. | punəŋsamp saːt uːtʲsʲi xalt, | punəŋsamp xoːt oːtər xalt | numitoːrəm aːsʲəmn lawsuweːsəm | nʲurəmwoj uːntwoj kit xuril. | nʲuːrəmxulax saɣlam palʲ xuːntlakem eːrt | pupiɣ saːsam iŋkam eːt | saːt juːr uːnlən taɣləŋ jiw, | xoːt juːr uːnlən taɣləŋ jiw | nʲuwitane sujti. | rakʷ patmaŋ saːt tur uːlt, | woːt patmaŋ xoːt tur uːlt | nʲuːrəmwoj uːntwoj kit xuril | xaːr patne saːt patil oːtər patiləm, | uj xajtne xuːrəm uːsil oːtər patiləm, | iniɣjiːwəŋ saːt ur, | sosiɣjiːwəŋ xoːt ur. | tuːjatowlʲ kuwsʲəm nʲirwəs, | takʷsitowlʲ kuwsʲəm nʲirwəs. | aːɣipasʲal uːnleːn, | piɣpasʲal uːnleːn! | tiɣ uːntsəm saw kojəm, | tiɣ uːntsəm saw waːsəm | teːrən xojtaːl pasʲal uːnleːn! | man saɣrapnal urəŋ joln xoːjasən, | man kasajnal urəŋ joln xoːjasən, | xaːr liltne xarəs suːp | tiɣ lujɣələn! | numitoːrəm asʲəmn lawsuweːsəm, | maːxar jalne saɣn toːrəm, | witxar jalne weːsʲəŋ toːrəm | oːtər lawsuweːsəm. | toː xoːtal teːrənsaj waːriɣlasəm, | toː xoːtal xulʲsaj waːriɣlasəm. | kaːtan patne woːŋxa:ŋ ma am at sunseɣm, | laɣlan patne sʲaxləŋ ma am at waɣləm. | xotalʲ oːlne towləŋ toːrəm janitəl | toxəŋ xar jir numpaːlən kaːstawem, | aːnʲtəŋ xar jir numpaːlən namajawem. | sʲisʲkililiowleːn namajaːlweːsəm, | woːrsliliowleːn namajaːlweːsəm. | amki uːnlən xajtne luw xuriŋ uːsəmn | ti lʲuːlʲeɣm, | minne luw xuriŋ uːsəmn | ti lʲulʲeɣm. | punəŋsamp saːt uːtʲsʲi xaln, | punəŋsamp xoːt uːtʲsʲi xaln ti lʲuːlʲeɣm. | oːtərjir xoltəm xuːrəm kojəm, | teːrn xojtaːl sajk pasʲal xulʲteːn, | najjir xoltəm nʲila waːsəm. | xulʲ xojtaːl sajk pasʲal xulʲteːn! | iniɣjiːwəŋ saːt ur oːtər xoltiləm, | sosiɣjiːwəŋ xoːt ur oːtər xoltiləm. | amki uːnlən sosəlpitʲimn oːtər lʲuːlʲeɣm, | amki uːnlən juːrpitʲimn oːtər lʲuːlʲeɣm. | toːrəm laːwm jalpəŋ ma loːmtəmn, | oːpəlʲ laːum pasəŋ ma loːmtəmn | ti lʲuːlʲsəm. | jalpuːsojka kajsow. luːptauj xuriŋ uːs, | liptuj xuriŋ uːs, | xajtne luw silmaŋ uːs, | minne luw silmaŋ uːs kotʲlʲəmt uːnleɣm, | puŋke xantaːl wiɣr uj supəŋ kol uːnleɣm, | leɣe xantaːl seːməl uj supəŋ kol uːnleɣm. | aːwiŋ kol konipaːləm | nʲaːləŋ xoːt oːtərn joːŋxawe, | jowtəŋ saːt oːtərn joːŋxawe. | seːməl uj supəŋ pitʲi, | wiɣr uj supəŋ pitʲi uːnəlnem xalt | kislakʷ minam laːkʷəŋ toːrəm | janitəl xuːntleɣm, | suwkis keːrtəm laːkʷəŋ toːrəm | janitəl xuːntleɣm: | aːɣilili oːwəln suːxərmane sujti, | piɣlili oːwəln suːxərmane sujti. | xoltaːl oːlne nʲoxspun uːliŋ pojkəl | pinnem sujti, | saːt nʲal pinəm luməŋ paːrt numpaːlən | pojkenem sujti. | juwtoxrən tajtəŋ saxi tajtəm | juw kos toxriɣliləm (or toxraliləm), | tuːrsoːrnʲi jalpəŋ nomtəm ta xoːlmati. | laɣləŋ saːt toːrəm ta kos iseɣt tax | aːɣilili at aːlmawe, | piɣlili at aːlmawe. | naiŋ saːt sam janitəl | aːɣilili oːltmaŋ nʲowlam turəl | uːlilawem, | piɣlili oːltmaŋ nʲowlam turəl | uːlilawem. | saːt nʲuːswoj lʲuːlʲit soːrnʲi aːsʲəmn | nʲuːrəmuj kit xuril saːtsuweːsəm. | sowəŋxuːrpa jalpəŋ ma numpaːlt | aːɣilili oːltmaŋ xoːn saːtsuweːsəm. | xajtne luw silmaŋ uːsəm | sispal oːlne tuːxiuj ta xuːlʲəsləm. | nʲoːrsʲisirp sirəŋ kol konipaːlən | ta joxtəsəm. | xuri saːŋki saɣlam palʲ | juwlʲe xuːntleɣm. | anʲmaləŋ: aːɣilili oːwəln suːxərmima, | piɣlili oːwəln suːxərmima. | nʲuːrəmuj kit kaːtlal | poxəŋ kol poxe | noːŋx ta nʲoumtaptasləm. | saːt nʲal pinəm luməŋ paːrt | tarməl uːntsləm. | tuːjasʲisʲki lujmaŋ tur ta lujɣiləm. | nʲaːle puwəm saːw piɣəm, | jowte puwəm saːw piɣəm! | man eːŋəntaːl sun site xartijin, | man sittaːl sun site xartijin? | numitoːrəm aːsʲəmn saːtsuweːsəm | neː jaliɣlan lʲuːlʲ pors xalt jaləŋkʷ, | xum jaliɣlan lʲuːlʲ pors xalt jaləŋkʷ. | aːɣiŋ paːwl konipaːlən konakʷaːlsəm, | piɣŋ paːwl konipaːlən konakʷaːlsəm. | nʲaːle towləm nʲaːləŋ piɣəm | saɣtalʲəx xuːrəm uːje, | aːttalʲəx xuːrəm uːje | attulʲap tulʲaŋ kaːtəl puwssanəm, | akʷ ta saːt nʲaːl pinim luməŋ paːrt numpaːlən | oːs ta uːntsəm. | saɣtalʲəx xuːrəm uːje | masəm saxi jurttiɣ, | masəm nʲaːra jurttiɣ | saːtaːtpa aːtəŋ puŋke numpaːlən | xujne uːləm saːt sawlat numpaːlən xanlijanəm. | jiːwnəl pilne xuri uj | sak ul xurimen! | kaːtən patne sʲaxləŋ ma | am at xoːntnem xurip. | maːnʲsamp saməŋ rakʷ rakəwi ke, | luwiɣ luwiteːlən, | maːltipnʲolpa nʲoləŋ woːt woːti ke, | nʲowlʲiɣ nʲowlʲiteːlən! | nʲaːle puwəm saːw piɣəm, | jowte puwəm saːw piɣəm! | soːrnʲisaɣp saɣəŋ xoːtal | saɣe xumlʲe puːnsi, | aːɣi xajtne jisəŋ xoːtal | akʷ tox eːlalʲ puːnseːn! | juːntpe puwəm urinaj xuːrəm aːɣim! | aːɣi jisəŋ jisəŋ saːnsəl uːnleːn, | piɣ jisəŋ jisəŋ saːnsəl uːnleːn! | aːɣim uːliŋ sajk pasʲal xulʲteːn, | piɣəm uːliŋ sajk pasʲal xulʲteːn! | |