| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| eːli xoːn maːt xanʲisʲtaxtasuw | northern mansi (NM) | prose (pro) | Journalism (jou) | 1231 | glossed | – |
| Text Source | Editor | Collector |
|---|---|---|
| Mʲerova, Tamara. (2005). "Eːli xoːn maːt xanʲisʲtaxtasuw". In: Решетникова, Раиса. Лу̅има̅ сэ̅рипос 2005 Chanti-Mansijsk: Департамент Общественных связей ХМАО - Югры. | Luima Seripos (LS) |
| English Translation | German Translation | Russian Translation | Hungarian Translation |
|---|---|---|---|
| "We studied in a faraway country" | "Wir studierten in einem weit entfernten Land" | – | – |
| by OUL | by OUL | by OUL |
| Citation |
|---|
| Luima Seripos 2005: OUDB Northern Mansi Corpus. Text ID 1231. Ed. by Janda, Gwen Eva. http://www.oudb.gwi.uni-muenchen.de/?cit=1231 (Accessed on 2024-11-28) |
| eːli xoːn maːt xanʲisʲtaxtasuw |
| ti taːl janiɣpoːlʲ eːtpost maːn nʲila sossaŋ xoːtpa gʲermanʲijan jalsuw. maːn lʲudvʲig-maksʲimʲilʲian nampa unʲivʲersʲitʲetət mʲunxʲen uːst xanʲisʲtaxtasuw. tot fʲinnougrovʲedʲenʲie os uralʲistʲika xanʲisʲtan kol oːli. maːn ruːt laːtŋanuw nʲemʲets maːxmətn puːmsʲalawet os xanʲisʲtawet. ruːt laːtŋəl potərtan maːxum tuw waːtʲixal woːwinʲtaːlawet os taːn akwjot ruːpiteːɣət. anʲ mʲunxʲen uːs unʲivʲersʲitʲetən xuːrum xanti xoːtpa jalsət, tiji sʲergʲej kobzʲev, nadʲeʒda kurʲenkova (sas jugut xanʲisʲtaxtən xoːtpaɣ) os valʲentʲina solovar, jugut xanti laːtəŋ xanʲisʲtan neːɣ ruːpiti. maːnʲsʲi xoːtpanəl am amttem oːlsum. akʷ maːnʲsʲi aːɣi minne sʲirəl oːs oːləs kos, jujioːwəlt at minas. maːn tot nʲemʲetskʲij laːtŋəl potərtaŋkwe xanʲisʲtawesuw. moːtpal maːnəl oːlum utɕonɨjətn maj saːw peːs potranuw neːpakn xasweːsət. potranuw pussən nʲemʲetskʲij laːtŋəɣ tolmasʲlim oːleːɣət. tuwəl matər aːtʲi jilʲpi nomtət utɕonɨjət oːs taːntʲi laːtŋanəlt xansijanel. maːnawn anʲ taːnanəl torɣamtan maːɣəs ti laːtəŋ waːŋkʷe eːri. polina veber, nʲemʲets laːtəŋ xanʲisʲtan neː, maːnaw kaːsəŋ xoːtal potərtaŋkwe manos lowinʲtaŋkʷe xanʲisʲtaste. maːn neːpakn atim toːwa peːs xanti potrət nʲemʲets laːtəŋnəl rusʲ laːtŋəɣ tolmasʲlasanuw. gerzon klumpp, nʲemʲets xum, vengr ruːt laːtŋuw oːwəltit sire-sir waːrmalʲit potərtas, tuwl maːn laːtŋaɣuw jot aːrtalaste. man akʷjot akwxurip laːtŋət saːw xoːntsuw, tuwəl taːnanəl moːt ruːt laːtŋət palt oːs kissanuw. jelʲena konstantʲinovna skrʲibnʲik, mʲunxʲen unʲivʲersʲitʲetət ugrovʲedʲenʲija os uralʲistʲika xanʲisʲtan kolt kuːsʲaj neːɣ oːli. maːnaw tuw xanʲisʲtaxtuŋkʷe anʲ taw ti woːwiɣlasane. neː maːnaw neːpak lowinʲtan kolnakət sussiltas. tot ruːt laːtŋət oːwltit xansum saːw neːpakət akʷan atimat. taːn os siretsir moːt laːtŋəl xansim neːpakət sussanuw. nʲemʲets laːtŋəl xansim konipal neːpakit vʲengʲerskʲij, fʲinskʲij, anglʲijskʲij laːtŋəl xansim oːleːɣət. tuwəl toːwa neːpakət fʲinno-ugorskʲij ruːt laːtŋəl xansim oːs oːleːɣət. anʲ eːtpos sis maːn, waːjim, saːw neːpak lowinʲtaŋkʷe at aːlimasuw. saːw jomas, eːrne nomtit maːnaw jelʲena konstantʲinovna xuːltəs. utɕonɨjitn xansum maːnʲsʲi manos xanti slovarʲ neːpakət xotmus xasʲtaːləɣ xansim oːleːɣət. matər eːrne laːtəŋ kinsuŋkʷe oːwəlteːɣən tʲe, taːra at xoːntxati. tan nasatʲi neːpakanəl mosʲ moːt sʲirəl xansijanəl. maːn ti waːrmalʲ anʲ taːra pattəsluw, ta jujipaːlt matər aːtʲi eːrne utanuw kuːstirəɣ xoːntsanuw. janiɣpoːlʲ eːtpos sis maːn saːwsir xasʲtaːl waːrmalʲn xanʲisʲtawesuw. maːnawn anʲ maːnki maːxmanuw oːwəltit matər potər xansuŋkʷe eːris, tuwəl potruw nʲemʲetskʲij laːtŋəɣ tolmasʲlaŋkwe os taːnanəln lowinʲtaŋkwe eːrəs. maːxmanum xanti laːtŋanəl urəl potərtasət, am os maːnʲsʲi kaːtposət urəl potərtasum. anʲ potranuw xuːntlam maːxmət laːwneːnəl sʲirəl, maːn potranuw jomasʲakʷ, taːn torɣamtaneːnəl mos lowinʲtasanuw. taːnanəln puːməsʲ xuːntluŋkʷe oːləs, taːn maːn maːxmanuw oːwəltit maːtər aːtʲi oːs waːŋkʷe patsət. maːn aːnʲ pussən tuw jalmuw maːɣəs, tot xanʲisʲtaxtamuw maːɣəs janiɣ puːmasʲiːpa laːtəŋ laːweːw. tamlʲe xanʲisʲtaxtən waːrmalʲit palt novosʲibʲirskʲij gosudarstvʲennɨj unʲivʲersʲitʲet (ngu) puŋktoti. ti unʲivʲersʲitʲet tarməl junesko nampa kafʲedra ruːpiti. tuwəl maːnʲlat luːjimaː xoːtpat gʲermanʲijan eːlalʲ xanʲisʲtaxtuŋkʷe teːtiɣlaŋkʷe patawet. ti xanʲisʲtan waːrmalʲ rusʲ sʲirəl tamlʲe nam oːnʲsʲi: „rasʃɨrʲenʲije vozmoʒnostʲej korʲennɨx narodov sʲibʲirʲi v polutɕenʲii obrazovanʲija vɨsokovo urovnʲa“. xanʲisʲtan waːrmalʲit pussən jevropʲejskʲij komisʲːijan sunsəɣlawet. taːn „podʲːerʒka dʲemokratʲii i prav tɕelovʲeka“ xansum neːpak oːnʲsʲeːɣət, anʲ ti laːtŋanəl joːrəl ngu taːn jotanəl ruːpiti. maːn tot xanʲisʲtaxtamuw os oːlmuw maːɣəs jevropʲejskʲij komisʲːija oln ojtəs. tamara mʲerov |