| Originaltitel | Dialekt | Informant | Genre Form | Genre Inhalt | ID | glossiert | Audio |
|---|---|---|---|---|---|---|---|
| mɐː βɑɬtə βarəm | surgut khanty (SK) | Pokačev, Vitalij Maksimovič | prose (pro) | Ethnographic Texts (eth) | 727 | – | Audio |
| Textquelle | Herausgeber | Sammler |
|---|---|---|
| Csepregi, Márta. (1998). Szurguti osztják chrestomathia. Studia uralo-altaica supplementum 6. Szeged: József Attila Tudományegyetem. 56-58. | Csepregi, Márta; Pokačev, Vitalij Maksimovič | Csepregi, Márta (CS) |
| Englische Übersetzung | Deutsche Übersetzung | Russische Übersetzung | Ungarische Übersetzung |
|---|---|---|---|
| "My life" | – | – | "Életem" |
| by Gugán, Katalin | by Csepregi, Márta In: Csepregi, Márta. 1998. Szurguti osztják chrestomathia. Studia uralo-altaica supplementum 6. Szeged: József Attila Tudományegyetem. 57-59. |
| Zitation |
|---|
| Csepregi, Márta 1998: OUDB Surgut Khanty Corpus. Text ID 727. Ed. by Schön, Zsófia. http://www.oudb.gwi.uni-muenchen.de/?cit=727 (Accessed on 2024-11-24) |
| mɐː βɑɬtə βarəm |
| 1. məŋ βɑɬtə tɒːɣinə … ɐːtʲemnɐt βɑɬɬəβ. ɐːtʲem pɐːn iːt ənəɬ oːpiβ quːtʲəŋnə βɑɬɬəβ, βɵŋəmnɐt. tʲuːt oːβtinə oːs məŋ quːtʲŋiβnə βɑɬɬ mɐː mɑnʲiɬɐm. mɐː ʉrəkkɐm oːs βɛt mɑnʲi tɑjɬəm. mɑnʲiɬɐm onəɬtəɣəɬtə βɛrɬɐɬ əjnɐm toβə ɛsəɬɬɐɬ. iːt … əj mətɐ qɯːtʲəm pɯːr ɒːɬnə oːs … mɑtʃɣɐɬ ɐːj mɑnʲem ʃkoːlɐ toβə qɯːjtəɣ. ɑntə … juːɣ onnɐm mənət tʲi pətən ɬʉβ ɑntə jɑqən βɑɬtɐ ɬɑŋqɬət, βɒːjəɣ-quːɬ kəntʃtʃɐ. oːs ɬəɣnɐm βiːtʃə βɑɬtə məɣiɬ oːβtinə βɑɬtɐ ɬɑŋqɬət. ruːtʲɣə βɑɬtɐ əntə ɬɑŋqɬət. tʲuːtɐt tʲi jɑqənɐm mənət. onəɬtəɣəɬtə βɛrəɬ toβə ɛsɬəɬ. mɐː iːt... mɐː kiːtʃɐɣəm... mɐː nuːm pɛlkəm jeːjim. pɐːnə tʲuːt pɯːrnə mɐː. mɐː iːt qoːs ʉrəkkə nʲəɬə ɒːɬɣə jəɣəm. iːt onəɬtəɣəɬɬəm qɑntəɣ sɒːɣət leːnʲin iːki βɒːtʃnə. sɐːrpi ɒːɬətnə tʲən toji, iːt… ot… sɐːŋkt peːtʲerburg, tot onəɬtəɣəɬɬəm. uːtʃitʲeɬɣə onəɬtəɣəɬɬəm. tʲuː onəɬtəɣəɬmɐm oːs qoːɬəm ɒːɬ onəɬtəɣɬəm, oːs kɐːt ɒːɬɣən qɯːtʲɣən. 2. mɑnʲiɬɐm iːt quːɬ-βɒːjəɣ kənmin βɑɬɬət, juːɣ ontnə. ɐːtʲem uːtʃ pɯːɣərtəɬət. ɐːtʲem ruːtʲ sɒːɣət quːntə iːnβɐlid βtɐːroj gruːpɯ, sɛmɣəɬ ɐːtəmɣə kəɬɬəɣən. quːɬ kənmin βɑɬɬ. quːɬ βɛɬɬ, tʲi quːɬɬɐɬ tiːnijəɬ, quːɬ tiːnitə mətɐ βɑɣ sɛməli qɒːɬəmtəɣəɬ. tʲuːtəɬnɐt tʲi βɑɬɬ. tʲuːt oːβtijɐ oːs mɑnʲiɬɐm quːɬ-βɒːjəɣ kənɬət. tʉɬɣin ɬɐːŋki kənɬət, ətʲə əjnɐm ənəɬ pɛlək qɑntəɣ jɒːɣ iːti. ɐːj nʲeːβrəmət iːti ɬɐːŋki kənɬət. tʉɬɣinə... sʉβəsnə pɐːn tɑβin ɐːntɐtər kənɬət. mətɐ pəkət... pɐː ɬɐːtnə βɑntər uːʃ kəntʃmin jɑŋqiɬəɬət. tʉɬɣin oːs βoqi kənɬət əj toβənə. pɐːn ɐːtʲiɬ ətʲə pɯːɣərtəɬət quːɬ kəntʃtʃɐ. pon βɛrɬət ɬoŋin. mɐː qɯːtʲəm pɯːr ɒːɬətnə uːttən βɑɬmɐm, uːttən jɑŋqmɐm mɐː βiːtʃə pon βɛrmin βoɬəm. jɒːɣnɐm jɐːstəɬi mɐː jəm juːβ βɛrtə mɐːstər βɑɬɬəm. tʲuː βɛrəm ɐːjəɬtɐ toβə ɛsɬəm. kɵtɐm mʉβ uːrnə – jɒːɣ jɐːstəɬət – kɵtʃɣɐm jəmɣə kɐːtəɬɬəm. jəm juːβ βɛrtə qoː βosəm. tʲi βɛrəm toβə əntə ɛsɬem quːntə, toŋkə jəm ɑβəɬət, rɯːtət tʲuː βɛritəɣɬəm. tʲuː βɛrəm toβə ɛsɬəm, mɐːnə-pə – əntə βəs mɐː βuːɬem – onəɬtəɣəɬtə βɛr pətɐn, mɐːnə toβə ɛsɬem. sɐːrpinə ʃkoːlɐ ətʲə toβə qɯːjtɐ βɛrətəɣɬəm. ɐːtʲemnə muːstəmin noq ɬʲeːβətəɬtojəm, pɐːn tʲuːt pɯːrnə onəɬtəɣəɬtɐ tʲi mənəm. nɑməqsəɬəm, ɬʉβ ɑntɐ mɐː ʉrəkkɐm jɑqən, mɑnʲiɬɐm jɑqən tʲi βɑɬɬət. mɐː oːs ruːtʲɣə βɑɬtənɐm məntə mətɐ nɑməs-pə əntə tojəm. tʲeːnə qoɬɐt tʃɑmə kʉrəmnə toɣnɐm onəɬtəɣəɬtɐ mənəm. tʲi məɣnɐm tʃɑmə kʉrəmnə mənəm. onəɬtəɣəɬtə βɛrəm tərəmtə pɯːrnə nɑməqsəɬəm sɐːrpin ʃkoːlɐnə roːpiɬtəɬəm. tʲuːt pɯːrnə ɑntə mʉβ tɒːɣijɐ piːtɬəm. tʲi tɒːɣin-pə tʲi roːpiɬtəɬəm. 3. məŋ jɑqən βɑɬtiβnə ɬʉβ ɑntə tʲə ənəɬ pɛlək qɑntəɣ jɒːɣ βɑɬtə iːti βɑɬɬəβ tʲi. tʉɬɣin, ɬoŋin əjnɐm nʲʉki qɒːtnə tʲi βɑɬɬəβ. mɐː sɐːrpi ɒːɬətnə jɑqə jɑŋqiɬtɐmnə βiːtʃə nʲʉki qɒːtnə tʲuː βɑɬɬəβ. tʉɬɣin kʉtʃ mʉk kiːm jeːɣɬin-pə nʲʉki qɒːtnə tʲuː βɑɬɬəβ. juːq qɒːt jɐː tojəβ, juːq qɒːt pəriliŋki. tʲi juːq quːtiβ jəmɐt ɒːsqɐɬɣə jəɣ. iːt ɬʉβ jɒːɣ juːq qɒːt əntə βɛrɬət. sɐːrpinə… sɐːrpi ɒːɬətnə βeːɬi ɐːr tɑjəm ɬɐːtnə βeːɬit uːtʃ pətən əj lɒːtnə βoɬət. iːt oːs βeːɬit tʃɯːməɬɣə jəɣət. mətɐ … sɒːt kiːm ɐːrit mətɐ βeːɬi. tʲi βeːɬit tʃʉkəlit tɑjtɐɣə βeːɬit pɯːri kɐːsɬiɬəmin jɑŋqɬi, βiːtʃə-pə nʲʉki qɒːtnə βɑɬɬi. pɐːn tʲi jʉkɐn… tʲi sɒːɣət oːs ɬoŋin βeːɬit pɯːri kɐːsɬiɬəmin jɑŋqɬi. βiːtʃə nʲʉki qɒːtnə βɑɬɬi. ɐːtʲem iːt sɛmɣəɬ ɐːtəmɣə kəɬtɐ jəkkən, βiːtʃə əj məɣnə βɑɬɬ, əj lɒːtnə tʲi ɒːməsɬ. quːɬ kəntʃəɬ, βɐːr tɑjəɬ, kiːt… kɐːtɣən-qoːɬəm βɐːr tɑjəɬ. tʲi βɐːrɬɐɬnə, ponɬɐɬnə quːɬ βɛɬəɬ. βeːɬit uːtʃət iːt mɑnʲiɬɐmnə tɑjɬɐt. ənəɬ oːpem quːtʲəŋnə βɑɬtə ot, βeːɬit tot tɑjɬɐt. ɬoŋin βeːɬit tɑjtə ənəɬ roːpɐtɐ tʲi. sɐːrpin mətɐ qoːɬəm sɒːt uːtʃ ʉrəkkə βeːɬi tɑjəm ɬɐːtnə jəmɐt ənəɬ tʃʉksəŋ tʲuː βoɬ. ɬoŋin jəmɐt ɐːr βɵβ tʲi mɒːsɬ roːpiɬtətɐ. nʲɐːrəɣ juːɣ ɛβətɬəɬi, mʉβ ɐːr juːɣ ɛβətɬəɬi pɐːnə tʲiːmint jəŋki məɣ, tʃɐːmətʃ nɛmpi məɣ ɛβətɬəɬi. tʉβət muːləmɐt pɑntɐ, tʉβət muːləmɐt ɛttɐ. tʲi roːpɐtɐ βɛrtɐ jəmɐt ɐːr βɵβ tʲi mɒːsɬ. ɐːt-qɑtəɬ pɐː ɬɐːtnə roːpiɬtəɬi. pɐːnə ɬoŋin βeːɬit məŋ quːtʲŋiβnə βɑɬɬət. sʉβəs pɛləknə ɐːrɣə mənɬət. sʉβəs pɛləknə ɐːrɣə mənɬət, pɐːnə oːs jiːɬəp ɬɒːnʲtʲ piːttə pətə motʃə tʲi ɬəɣnɐm kʉtiɬnə tʲuː βɑɬɬət, βont βeːɬiɣə jəɣiɬəɬət. pɐːnə ɬɒːnʲtʲ piːttə pɯːrnə, mətɐ kʉɬɣətʃək jətə kiːmnə, jətə pɯːrnə βeːɬit muːstəmin noq tʲi kəntʃɬɐt, əj pɐːjɐ əkətɬɐt. toɬ sɒːɣət pɐːnə βeːɬit tʉɬəɣ mɛrə əj pɐːjnə tʲi tɑjɬət. ətʲə kɐːsɬiɬəmin jɑŋqɬi, pɐː soŋnɐm pɐː kɐːsəɬɬi. 4. məŋ tʲuː βɑɬtə məɣəβ tʃəkə qoɬɐt ənəɬ əntem. mɐː tʲɑqɐ tʲən jɐːst… ənəɬ mətɐ məkkə tɑjtə kiːm əntem oːs. tʃəkə ənəɬ məɣ əntem. βeːɬi βɑɬtə tɒːɣi jɐː tʲi tɑjəɬ. ɬɐːntəŋ uːtʃɐŋ βɛr iːt qɯːtʲəm pɯːr ɒːɬətnə ɯːtɬəqqə jətɐɣə tʲi jəɣ. kɐːtʃəŋ pəkət ot… buːrɐβojət uːtʃət toβə ɒːmtiɬəɬɐt. ɬɐːnt əj tʃɯːməɬɣə jəɬ. tʲeːn sɐːrnɐm βɑɬtənə əj mətɐ ɬɐːtnə əjnɐm βeːɬiɬəɣ tʲi piːtɬəβ. teːm kɐːt ɒːɬɣən mɛr ənəɬ pɛlək βeːɬiɬəβ tʲəɣnɐm qoɬɐt mənət. əj mətɐɬit meːmitnə noq ɬiːβɐt, əj mətɐɬit rɒːɣəpɬətə ruːtʲətnə ɯːɬə ɬʲiːkɐt. əj mətɐ pɛlkəɬ ɬəɣnɐm βɑɬɬəɣ jəɣət. ɬiːtotəŋ βɛr ətʲə ɯːtɬəɣ. ɬiːtot məŋnɐm qɒːɬəmtəɬəβ. əj mətɐ ruːtʲət əj pɛləknə-pə əntə pɯːɣərtəɬojəβ, məŋnɐm ɬiːtot kəntʃɬəβ. lɐːpkɐɣɐ uːʃ jɑŋqtə ɬɐːtnə βɑɣ sɛməli qɒːɬəmtəɬi, ɬiːtot βəɬi. sɐːrpi βeːrtɐljotətnɐt jɑŋqəm ɬɐːtnə tʲuː βɛr sɒːrɣɐ βɛrɬi. iːt βertɐljotnɐt əntə jɑŋqiɬɬi, pɐːnə tʲuː βɛr ɯːtɬəqqə jətɐ jəɣ. ɬiːtot kəntʃtʃə βɛr ənəɬ tʃʉksəŋkə jəɣ. əj tʲi ɐːrət-pə sɐːrnɐm mətɐ uːrnɐm tʲi βɑɬɬəβ. |