| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| eːkʷaɣ ojkaɣ akʷ aːɣi onʲsʲeɣ. […] | northern mansi (NM) | Jänderov, Vasilij; Pakin, Semeon | prose (pro) | Mythological Texts (myt) | 786 | – | – |
| Text Source | Editor | Collector |
|---|---|---|
| Liimola, Matti | Kannisto & Liimola (KL) |
| English Translation | German Translation | Russian Translation | Hungarian Translation |
|---|---|---|---|
| "The Moːsʲ-Woman and the Por-Woman" | "Die Moːsʲ-Frau und die Por-Frau" | – | – |
| by Kannisto, Artturi |
| Citation |
|---|
| Kannisto & Liimola: OUDB Northern Mansi Corpus. Text ID 786. Ed. by Janda, Gwen Eva. http://www.oudb.gwi.uni-muenchen.de/?cit=786 (Accessed on 2024-11-25) |
| eːkʷaɣ ojkaɣ akʷ aːɣi onʲsʲeɣ. […] |
| eːkʷaɣ ojkaɣ akʷ aːɣi onʲsʲeɣ. xosa man waːtʲi oːlssiɣ, aːnʲtsup xaːr teːn paːlteːn joxtəs. eːkʷaɣ ojkaɣ xaleːnt tumajteɣ: “meːji ti aːnʲtsup xaːrəl aːɣikemeːn akʷ kolən sʲoːpitijaɣmeːn.” xosa man waːtʲi oːlssiɣ, eːkʷa aːlpəl tuw ta jalanti aːɣit paːlt. akʷ xoːtal aːlpəl eːkʷa tuː minas, anʲmaləŋ aːɣi sʲama raɣatam. lowtxatimeːt oləntulʲat xot mus suːpən maɣme, tur xosit juːminam, laptaxam. sʲaːnʲe ta lʲuːnʲsʲi ta kapərti. xolit woːrən totne pora ta joxtəs. eːkʷaɣ ojkaɣ xaleːnt tumajteɣ ti saːlite xolit taweːn keːrəŋkʷ. xolitan mir ta minast. saːlite keːrwes, woːrən ti totawe. totimeːt saːli tumajti: “am anʲ tuw joxteɣm, usʲ ti teːləm nʲirn os neɣnuwem, usʲ ti teːləm pumən os neɣnuwem!” anʲ mir ta ruːpiteɣt. anʲ mir tox ruːpitaneːnəl sis anʲ saːli jiːwtaɣlup suneːt anʲ ta suːlinti. tox suːlintimeːt (or suːlintimate) anʲ neː jiːw kiːwərt powaraːlimeːt noːŋxjalti: oləntulʲa konraɣati. anʲ saːliteːn uːsəŋ oːtər ojk uːsən tuw totwes. uːsəŋ oːtər ojk maːnʲ piɣən neːɣəɣ wojwes. uːsəŋ oːtər janiɣ piɣe porne onʲsʲi. anʲ totim ne moːsʲne. xosa man waːtʲi oːlssiɣ, porne eːlʲaŋ oːri xansaŋ oːri onʲsʲəs, akʷ sup aːmp, akʷ sup eːləmxoːlas. anʲ moːsʲneːte soːrnʲiŋkaːtup nʲawram onʲsʲas. ta oːleɣt. xosa man waːtʲi oːlsət, moːsʲne xottalʲ jals, juw joxtəs: nʲawram aːtʲim. ta oːleɣt. porneːn anʲ nʲawram totwes, mir puːrlaxtnuːran tuw i totwes, pupɣət nupəl laːwi: “nas eːrt teːnut ajnut kinsijən, am naːnan teːnutəl ti totsanəm, taːi!” anʲ mir xosa man waːtʲi oːlssət, puːrlaxtnpora ta joxtəs. uːran joxtəst: uːra akʷ oːwlət saːp soːsantane. maːxəm laːweɣt: “aman xoː man eːkʷa tiɣ jals saːp soːsantaŋkʷ?” tuwl anʲ puːt peːtsət, anʲ aːni uːnttəst. toːn oːrəmt nʲawram uːra kiːwərt lʲuːnʲsʲaltaxtəs, anʲ mir toːn kyːmt tuːp akʷ laɣl osʲsət, juwojast. anʲ peːtim puːt anʲ uːntim aːni tox ta xulʲtsət. eːtʲims, tuwl porne jis, anʲ peːtim puːt uːntim aːni tuːp taːjen! tuwl teːs, aːstəs, anʲ nʲawram uːraːnəl konnʲartəmtaste: “jaɣn tem aːŋkwən tem tamlʲe pupɣət! naːnan am teːnutəl totiɣlasanəm, ajnutəl totiɣlasanəm, teːm osən aːtʲim, onʲsʲam osən aːtʲim. naːn teːŋkʷe at ke xaːssən, sar am tawe teːne ma xonteɣm.” tuwl totaste, totaste, sawəŋkanən totaste, jiːw noːŋxmanəmtaːls, tuw xalʲtəmtaste: “jaɣn tem aːŋkwən tem, tamlʲe tamlʲe xoːlat!” laːwi. “teːnut kissən, taːi! ti totsanəm.” ta oːleɣt, ta oːleɣt. xosa man waːtʲi oːlssət. anʲ sawəŋkanən minne pora joxtəs. paːwltaɣl eːkʷ sawəŋkanən ta joxtəst. jiːw ak oːwln sunseɣt: nʲawram saːp soːsantane. xalanəlt potərteɣt: “aman xoː man eːkʷa tiɣ joxtəs, nʲawram saːp tiɣ soːsantane?” anʲ puːt waːreɣt, saːn uːnteɣt. puːtanəl peːtsət, saːnanəl uːntəst. toːn oːrəmt jiːw kiːwərt nʲawram ta lʲuːnʲsʲaltaxtəs. anʲ moːlal xumit ojast, anʲ eːkwarisʲt akwaɣ ta ojast. eːtʲjiɣ jeːmtəs, porne minas. anʲ peːtim puːt uːntim aːni tuːp taːjen! anʲ nʲawram noːŋxmanəmtaste, laːwi: “teːŋkʷeːk at xaːssən, sar am tawe teːne ma xoːnteɣm.” leɣmataste, tuwl witkasʲ eːkʷaɣ ojkaɣ paːlt tuw ti sʲeːltəmtaste: “teːnut kinsjən, ajnut kinsjən, neːnaːn am teːnutəl ajnutəl ti totsaɣm, taːi!” anʲ moːsʲne ta oːli ta oːli. anʲ eːlʲaŋ oːri xansaŋ oːri aːlpəl mini os eːtʲi mus jali. anʲ moːsʲne paːnte kitiɣlaŋk patəste: “naŋ xoːtal xotalʲ jalanteɣn?” “am xotalʲ jalanteɣm? aːpsʲikem paːlt mineɣm, meːn xoːtal tot ta jonɣimeːn.” moːsʲne laːwi: “neːn xoːt jonɣijən, aːnəm tuw toteːlən!” sitamən ta minasiɣ. tuw joxtsiɣ, laːwi: “witiɣ maːɣəɣ paːsən xottujtxateɣm, tax aːpsʲin nʲaːl paɣpaːxʷtəŋkʷ pati, naːləw nas ul lajeːn, kaːtəl majeːn!” toːn oːrəmt nʲawram jowtəŋnʲaːləŋtaɣl noːŋxxulʲmats. kaŋke laːwi: “ja nʲaːlaːn paɣpaːxʷteːn!” paɣ i paːxʷtsane. kaŋke nupəl laːwi: “nʲaːlanəm akʷan ateːn, tiɣ majeːn!” kaŋkeːn atweːst. kaŋke nupəl laːwi: “naːləw lajeːn!” tuwl kaŋke laːwi: “kaːtanameːn akʷan taktimeːn, naŋ wojeːn!” tuwl kasʲe laːwi: “xum mus akʷan taktimeːn? eːrəŋ teːnajne kulʲ oːli.” kaŋke laːwi: “xoːt oːləm teːnajne kulʲ! teːnajne kulʲ aːtʲim.” kaːtaneːn akʷan ti taktijaneːn. sʲaːnʲe numpaːlənnuw ti patsiɣ. toːn oːrəmt sʲaːnʲeːn ta puwawe. anʲ nʲawram ta roːŋxi: “am teːnajne kulʲn ti puwweːsəm, am teːnajne kulʲn ti puwweːsəm!” toːn oːrəmt anʲ witkasʲ eːkʷaɣ ojkaɣ noːŋx ta xulʲəmtaxtsiɣ. eːlʲaŋ oːri laːwi: “xoːt oːləm teːnajne kulʲn puwwes! tawki sʲaːnʲeːn puwwes.” anʲ witkasʲ eːkʷaɣ ojkaɣ laːweɣ: “sʲaːnʲeːn puwwes ke ta puwwes.” akʷan ti patsət. aːs aːləmpaːlən ti minəŋkʷ patsət, waːssiɣ tit at oːleɣt. taːn saːt pisʲanəlt, xoːt pisʲanəlt tuw joxtəst, kol teːls. akʷ xoːtal oːlssət, man kit xoːtal oːlssət, alɣalʲ sunseɣt: kit kaːraplʲi ta neɣləs. tiɣ joxtəst, tinalaxteɣt, waːtalaxteɣt. kitəntiɣ kaːraplʲipaːl pusən jowtwes, mire luːteːt jiːwe luːteːt. anʲ waːtaxum laːwi: “uːsəŋ oːtər uːsən akʷ jot jalimeːn!” sossa xumit laːwi: “am at mineɣm. ti eːlʲaŋ oːri taw os jali!” kaːraplʲipaːl uːsəŋ oːtər uːsən ta mini. tuw joxtəst. uːsəŋ oːtər kantli, laːwi: “ti eːlipaːlt mat saːwit kaːraplʲi neɣlali, mat urəl tiɣ ti joxtaleɣt.” anʲ waːtaxumit laːweɣt: “ta xurip xum xoːntsəm, not palit tinalaxtsmeːn, nomtən kitxaliɣ at oːlneːt maːɣs akʷ kaːraplʲipaːl tiɣ totsəm; naŋ nomtən lʲuːlʲ ke at oːlnuw, pusən jowtnuwane.” juwlʲe minəŋkʷ ta patsət. anʲ uːsəŋ oːtər ojk maːnʲ piɣ laːwi: “xoːtal am ta kaːs ta sʲeːs sunsəŋkʷ tuw os ussənuwm.” toːn oːrəmt onɣe laːwi: “man sʲeːs onʲsʲi, man kaːs onʲsʲi?! ta ma jeːləm saːmt, ta ma toːrəm saːmt akʷ xurip saːt jatri tit oːlnuw ke, sʲeːs osʲnuwt kaːs osʲnuwt.” paːnte laːwi: “am nas potərtaːleɣm, at unseɣm.” anʲ kaːraplʲipaːl juw ta minəŋkʷ pats. anʲ eːlʲaŋ oːri juw joxti kitɣaɣepaːlt. kitɣaɣeːn kitiɣlawe: “xumlʲe potərteɣt?” taw laːwi: “uːsəŋ oːtər ojka kantli: «mat saːwit kaːraplʲit joxtaleɣt, mat urəl tiɣ ta joxtaleɣt. man wite losʲit maːn, maːte losʲit maːn maɣtalijanəm?» waːtaxumit laːweɣt: «am ta xurip xum xoːntsəm, naŋ nomtən lʲuːlʲ ke at oːlnuw, pusən jowtnuwet.»” eːtʲiɣ jeːmtəs ta xujeɣt. kitɣaɣe ta ojwesiɣ, eːlʲaŋ oːri at ojawe. konkʷaːlapəs, puŋke xotalʲ oːli, nʲole xotalʲ oːli, ta suːlinti. xosa suːlintəs, waːtʲi suːlintəs, anʲmaləŋ ta xurip soːrnʲiŋ xaːlʲ, saːt jatri kaːtəŋ osʲmar waːreɣt, laɣləŋ osʲmar waːreɣt. tox waːrneːnəl xalt eːlʲaŋ oːri nomsi: “anʲ akʷ man xaːlʲ saw jola os pattanuwt!” tox wolktaneːnəl kaːssiɣ akʷ saw jol ta pattawes. taw ta puːluwjəste, towməste, juw ta totite. xosa totəste, waːtʲi totəste, kolsiseːn juw ta totəste, taːrmataste. juwsʲaltəs, puŋke same maːnʲməts, jolaxujas. xolit aːlpəl noːŋxsajkalameːt kole jaːŋkkol tujtkol. kitɣaɣe jun aːtʲimiɣ. konkʷaːləm eːrt soːrnʲiŋ xaːlʲ kolsisən joxtəm; anʲ saːt jatri kaːtəŋ osʲmar laɣləŋ osʲmar waːreɣt; xotalʲ oːlne mir tuwlʲe oːsʲetamt sunseɣt. juw ta sʲaltsət, anʲ soːrnʲil xaːlʲ jolalʲ ta owi. oːleɣt, xuːleɣt. akʷ xoːtal oːlimanəl xuːrəm kaːraplʲi aləl uːlt ta neləst. xosa jist, waːtʲi jist uːstaːltən ta joxtəst. waːtaxumijanəl kona kʷaːlssət, kit kaːraplʲi mire luːteːt jiwowle luːteːt pusən jowtweːst. tinalaxtast, waːtalaxtast. kaːraplʲiŋ kyːsʲaj laːwi: “meːn uːsəŋ oːtər aːsʲ uːsən akʷ jot jalimeːn!” sossa xumit laːwi: “am wos at ti mineɣm”, laːwi. “ti eːlʲaŋ oːri, xansaŋ oːririsʲəm taw os jali!” ti minmiɣtast. uːsəŋ oːtər ojka waːrmalʲiɣ lʲawti: “ti eːlipaːlt mat saːwit kaːraplʲi naːtəltaːlawe, mat urəl tiɣ ti joxtaleɣt.” “taw, rumojka, ta xurip xum xoːntsəm, not palit at ke tinalaxtsmeːn, tiɣ loːmte at joxtənuw.” uːsəŋ oːtər maːnʲ piɣe laːwi: “xoːtal ta kaːs ta sʲeːs sunsəŋkʷ tuw os ussənuwm.” onʲɣe laːwi: “taw man kaːs onʲsʲi, man sʲeːs onʲsʲi?! ta ma jeːlmsaːmt, ta ma toːrəmsaːmt tawki tumranlaxtəne tumran oːli. tati ti maːt ke oːlnuw, sʲeːs osʲnuw, kaːs osʲnuw. tumranlaxtəŋkʷ pati, xotalʲ oːlne towləŋ uj, xotalʲ oːlne laɣləŋ uj pusən atxati.” tinalaxtast, waːtalaxtast, juwlʲe ti mineɣt akʷ kaːraplʲijanəlt. eːlʲaŋ oːri xansaŋ oːri taːra ti totawe, witən poriɣməs, pawle toriɣ anʲ ta uji. kitɣaɣe paːlt joxtəs, kitiɣlawe: “xumlʲe potərteɣt?” “uːsəŋ oːtər ojka waːrmalʲiɣ lʲawti: «ti eːlipaːlt man saːwit kaːraplʲi neɣlali, mat urəl pusən tiɣ ti joxtaleɣt.» tuwl kaːraplʲiŋ waːtaxum laːwi: «rumojka, am ta xurip xum xoːntsəm, not palit at ke tinalaxtsmeːn, akʷ kaːraplʲi loːmt tiɣ at joxtənuw.» uːsəŋ oːtər ojka maːnʲ piɣ laːwi: «am xoːtal ta kaːs ta sʲeːs sunsəŋkʷ tuw os ussənuwm.» toːn oːrəmt onʲɣe laːwi: «taw man kaːs onʲsʲi, man sʲeːs onʲsʲi! ta ma jeːlmsaːmt, ta ma toːrəmsaːmt tawki tumranlaxtəne tumran ti maːta ke oːlnuw, sʲeːs osʲnuw kaːs osʲnuw.»” jola ta xujast. kitɣaɣe ta oilmatwesiɣ, taw at ojawe. ta kos xujas, ta kos xujas, kon kʷaːlapəs. puŋke xotalʲ oːli, nʲole xotalʲ oːli, ta suːlinti. xosa suːlintəs man waːtʲi suːlintəs, akʷ maːt koln ti neɣls. aːwit paːliɣ xuji. juwlʲe sunsi: mulisaːm patitət tawki tumranlaxtən tumran tot lʲuːlʲneːt naːŋki. “man urəl kosən pati?” nomsi. rotiɣ juː poriɣmaːls, kotʲlʲeːnəl puːluwjəste, kona! jujil ti nʲawlawe. nʲawlimate noməsi: “am eːrɣəm k eːla mini, am mojtəm k eːla mini, ta xurip toːrəm os waːri, eːlit ul os naːŋki, jujit ul os naːŋki!” ta xurip toːrəm xomxats, eːlit at naːŋki, jujit at naːŋki. xosa suːlintəs, waːtʲi suːlintəs, kolsiseːn ta joxtəs. tuw tuːsʲtiɣpaste. juw sʲaltəs jolaxujas. xosa xujas, waːtʲi xujas. noːŋxsajkalameːt kitɣaɣe aːtʲimiɣ, kol jaːŋkkol tujtkol. kon ta kʷaːli, anʲmaləŋ mir pusən tuw oːsʲetamt kolsisən. xotalʲ oːlne towləŋ uj laɣləŋ uj pusən atxatamt. pojtsət, juw sʲaltsət. anʲ xoːtalanəl oːlssət, kitit xoːtaliɣ jeːmtəs. aːs aːləmpaːlən sunseɣt: maːnʲ xaːp ti unsi. xasʲne paːsən joxtəs, anʲmaləŋ tawki xumite! lʲapa joxtəs, aːwit keːrəl laplʲaskəweːst (or lappantweːst). anʲ xum aːwitən joxtəs, ta kos xopliɣti, xopliɣti, juw at taːratawe. oːs eːlən ti jali, jali, oːs xopliɣti, xopliɣti, juw at taːratawe. akʷ mat eːrt aːwit keːranəl xot i wojweːst. oːs joxtəs, juw ti taːratawes. anʲiɣlaxteɣt, sipiɣlaxteɣt. taw man akʷ eːt oːlsət, man kit eːt oːlsət, anʲ xum juw ti unsəs pawleːn, uːseːn. juw joxtəs. onʲɣe akʷ paːle rot luwəl keːrəste, akʷ paːle xuri luwəl keːrəste. luwiɣ ti kotərtasaɣe, kotʲlʲeːnəl paːliɣ manəmtawes. neːte paːlt usʲ ti unsi. ta sʲunʲanəlt ta xuːlənəlt anʲ ta oːleɣt, anʲ ta xuːleɣt. |