| nas patum tunra sʲaxəl pawlt aɣiɣ pəɣəɣ oleəɣ. sʲanʲ at onʲsʲeəɣ, asʲ at onʲsʲeəɣ. ta oleəɣ. apsʲite jalasan janitəɣ jemtəs. minuŋkʷe patəs, ta minas. minimete nomsi. – am minasum jaɣajum ta sawali. jaɣaɣite lʲaɣalas, luwe siset pəɣət oli. taw at waɣte jaɣaɣe taw jote oli man ati. akʷ mat jola pojtəs. jaɣaɣite lawi tijt eln-kol oli. kolt xurəm xum oleɣt. tuw joxtimen luwen kon neɣiln. xurəm xum jot teŋkʷe patjen, naŋ, lawi, ul nomsen, jaɣaɣən teŋkʷe taŋɣi. tox ke nomsejin, ten waɣten, tox ul nomsen. minasəɣ pawln ta joxtisəɣ. juw sʲaltəs. sʲaj pajtwes sʲaj ajuŋkʷe patsit. sʲaj ajeɣt. akʷ ert nomelmatas: – am tejum, jaɣajum teŋkʷe ta taŋxi. xurəm xum lʲaɣalasət. jaɣajən ke onʲsʲejn manrəɣ juw at wowiln. juw wowsanel sʲaj ajuŋkʷe. sʲaj ajsət. xurəm xum laweɣt: – jaɣajin manawen majeln? taw lawi – am kosʲaj atim, jaɣajum takʷi kosʲaj. – man paltuw olen. apsʲite jaɣaɣite nupəl lawi: – tijt olejn? – aɣaɣite apsʲite nupəl lawi anum mislen, an xumus at olejum. apsʲite ta minas, taw ta xulʲtəs. xosa minas, man molʲax minas akʷ mat ja watan joxtəs. ta xolʲt xotal lʲalʲt jomas wata. ula tem aŋkʷaləɣ luwe ta saŋxwaste. xotal reəŋ watat ta xuji. xujəs tujaɣ ti jemtəs, was minuŋkʷe ta pats. akʷaəɣ was, xotaŋ mini lunt mini. akʷ ert akʷ lunt takʷet minnet naŋki. ti xum (ekʷa pərisʲ) lunt xuril ti warxatas akʷ lunt minnete naŋki, taw tuwle ta naulaste. lunt jot oluŋkʷe ta pats. sʲarasʲen minasəɣ sʲarəsʲet olsəɣ, xurəm lunt pəɣrisʲ repəs. ta janmaltasanen. mortim man minuŋkʷe ta patsǝɣ. ta minasǝɣ. molal xujam maten ta joxtǝs, taw ta tujtipaxtas. lunte ta minas, nawramane ta minasǝt, taw tujtxatas. tan tawe kinsuŋkʷe juw joŋsǝt. ta kos roŋxeɣt, ta kos roŋxeɣt at xontjanel, ta minasǝt. taw ta xulʲtǝs, tot ta oli tal palit tot ta ols. tujaɣ was os ta minuŋkʷe pats. xurǝm lunt joxtesǝt os tawe kinseɣt. ta kos kissǝt ta kos kissǝt at xontjanel. sʲarsʲen ta minasǝt. taw tijt ta xuji. sʲarsʲen jalsǝt. takʷsəjiɣ jemtǝs os ta mortim man ti mineɣt. xot tujtxatam mat os ta kinseɣt. kissǝt, at xontsanel. ta minasǝt mortim man minne lunt nomsi – naŋ xuripan jomas xum manrəɣ tamle nomt warilasen! lunt tox lawne porat, kʷalapas, ta nʲawlxatas. lunt jot mortim man ta minas. mortim man ta joxtesǝɣ. lunt jot mortim mat ta ols. mortim mat ekʷaǝɣ ojkaǝɣ oleǝɣ. mortim ujt mortim ekʷa sas ulta jomeɣt. ekʷa sas jomjanel towlanel xoraməŋəɣ jemteɣt taw os jomuŋkʷe mini kos, at taratawe, sas ulta minuŋkʷe at taratawe xanʲsʲawe, taw elmxolas. mortim ekʷan at taratawe. mortim ekʷa taw aɣite lunt xuril sʲarasʲ nupəl jalam. lunt xuril jalam, taw ekʷa piɣrisʲ xanʲsʲeste. ten lunt xuril akʷ jot sʲarasʲen jalsəɣ, mortim man joxtasəɣ ekʷa taw lunt xuril kos oli, mortim ekʷan xansʲawe. mortim ekʷa aɣin akʷan ta sʲopitaxtasəɣ mortim ekʷa pawlet ta olsəɣ. ekʷa piɣrisʲ mortim ekʷa wapsəɣ ta jemts. lunt minne pora jemtəs mortim ujt tiɣəl sʲarsʲen minuŋkʷe patsət. ten os tan jot minuŋkʷe ti patsəɣ. ta minasəɣ. xotal reeŋ wataten ta minasəɣ. lunt xuril ta joxtasəɣ. luwe saŋxwasaste, luwəɣ ta jemtəs. xotal reəŋ watatet luwe sat tal ta ols. mortim ekʷa aɣite, ekʷa piɣrisʲ elmxolasəɣ ta jemtesəɣ. luwen sisen ta talsəɣ luwen sisen talsəɣ, jaɣaɣiten palt ta minasəɣ. jaɣaɣiten palt ta joxtesət, sʲaj ajuŋkʷe ta patsət. sat xotal mujlasəɣ. nas patum tunra sʲaxəl pawln ta minasəɣ. ta minasəɣ. jaɣaɣite at xulʲti, jot minas. akʷ jot juw ta minasət. juw ta joxtesət. jun oluŋkʷe taŋki pawlanelt ta patsət. |
