| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| maː eːntəptanə moːjt | northern mansi (NM) | Sontʲin, Kavrila Petoːrisʲ | prose (pro) | Mythological Texts (myt) | 1122 | – | – |
| Text Source | Editor | Collector |
|---|---|---|
| Munkácsi, Bernát (1892–1902): "Vogul népköltési gyűjtemény. I. kötet. Regék és énekek a világ teremtéséről". Budapest: Magyar Tudományos Akadémia, pp. 33-37. | Munkácsi, Bernát | Munkácsi, Bernát (MU) |
| English Translation | German Translation | Russian Translation | Hungarian Translation |
|---|---|---|---|
| "Tale of the Encircling of the Earth" | – | – | "A föld körülövezésének regéje" |
| by Munkácsi, Bernát |
| Citation |
|---|
| Munkácsi, Bernát: OUDB Northern Mansi Corpus. Text ID 1122. Ed. by Janda, Gwen Eva. http://www.oudb.gwi.uni-muenchen.de/?cit=1122 (Accessed on 2024-11-24) |
| maː eːntəptanə moːjt |
| 1. eːkʷaɣ oːjkaɣ oːleɣ. kʷoleːn janit maː-sʲaxəltə oːleɣ. maː-sʲaxleːn aman Numi-Toːrəm aːsʲeːnnə taːratawəs, aman joləl xulʲiɣls, akʷ-muːs at waɣteːn. lui woːt-ke woːti: ali sʲaːrisʲnə aːlmaweɣ; ali woːt-ke woːti: lui sʲaːrisʲnə aːlmaweɣ. taːle saːt, tuwe saːt tox oːlmeːn-sis neː-mat-xoti tuːw ata pum teːlsiɣ, ata poriɣ teːlsiɣ. akʷ-mat-eːrt eːkʷate kʷona kʷoss kʷaːli, muli-paːl kʷol-saːmət kasm talʲəxpa poriɣkʷe teːləm. juːw sʲalts, oːjkate-nuːpəl laːwi: ”taːle saːt, tuwe saːt tit oːlməmeːn-sis neːm-xuːnʲt ti xurip poriɣ at teːlsaːli; sar sunsən!” oːjkate laːwi: “juːw tuːleln!” eːkʷate jaːrmak-toːra kaːttə kʷona kʷaːltəste, kasm talʲəxpa maːnʲ poriɣkʷe jaːrmak-toːratəl lap leːpəmtəste, taːriŋ-taɣəl noːŋx leɣmatəste; noːŋx kʷoss aːlmejite: nʲawrəm eːlalʲ lʲuːnʲsʲəltaxts. nʲawrəm sʲaɣtəm kaːtəl, sʲaɣtəm laɣləl juːw tuːləste. oːjkate laːwi: “meːnki saːt taːl, saːt tuːw nʲawrəmtal oːləm kitiɣ; ti naŋ -os xotəl xoːntiɣpasən?” eːkʷate laːwi: “xotəl xoːntiɣpasəm? kaːsaləm porɣəm ti.” 2. eːriɣ-xum, moːjt-xum mana xosa janiɣmi?! ti xoːtəl oːsʲne taɣile xot-ariɣti, moːt xoːtəl oːsʲne taɣile oːs xot-ariɣti; jui-awəlt kʷol-kiwərt at laːpi. tox janiɣməme xaltə akʷ-mateːrt akiaɣe=aːkʷaɣe-nuːpəl laːwi: ”am kʷone woss kwaːlnuːm moːnt, kaːtəm marsʲimawəs, laɣləm marsʲimawəs iŋ.” aːkʷe takkate nʲawrəm kʷon at taːratite; oːjkate-nuːpəl laːwi: “nʲawrəm jot kʷaːleln, xotalʲ joːmi jot joːmiɣtaln, witne ul woss pati!” oːjka nʲawrəm kʷona kʷaːltəste; nʲawrəm jonɣime xotalʲ xajti, taw jot joːmiɣti. xosa joːmaseɣ, waːtʲi joːmaseɣ, akʷ-mat-eːrt oːjka waɣital pats; kʷolən juːw sʲaltəs. eːkʷate lʲawti: “naŋ manəraɣ juːw sʲaltsen? kʷona kʷaːlən, nʲawrəm sʲaːrisʲne pati!” oːjka oːs kʷona kʷaːls; nʲawrəm takʷoss kinsi, kinsi: akʷ-muːs aːtʲim. ti aːtʲim, waːssiɣ xotalʲ taxi?! juːw ti sʲaltəs. eːkʷate lʲuːnʲsʲime lʲawtuŋkʷe ti pats: “naŋ manəraɣ juːw sʲaltsən?! am moːnt laːweɣim: akʷ jot joːmiɣtaln, mosʲsʲakʷe tuːnuː ul taːrateln; anʲ sʲaːrisʲne ti pats.” oːjkate laːwi: “am xumlʲe waːriləm?! nʲawrəm saka xajtiɣti, taw jote am xuripəm matəm oːjka xotalʲ weːriteɣim.” 3. tox lʲawtnəteːn xaltə akʷ-eːrt matər-sir-mat xum kʷonəl rottiɣ juːw ti sʲaltəs. tuːlʲə kʷoss aːŋkʷateɣ: aːnʲ-maliŋ nʲawrəm tot ti lʲuːlʲi. kitapi: “akaɣəm-aːkʷaɣəm! neːn manəraɣ lʲawtijin?” – ”os naŋ xotalʲ jalsən? meːn naŋən xot-uːstsəmeːn!” – “am xotalʲ jalsəm?! am Sorni-Kʷorəs aːsʲəm-paːlt xaːŋxsasəm. – akiaɣe-aːkʷaɣe laːweɣ: “naŋ-os manər-maːɣəs xaːŋxsasən, manər lʲaːŋx totsən?” – “Sorni-Kʷorəs aːsʲəmnəl totəm lʲaːŋxəm ti: saːt eːt, saːt xoːtəl aːwiŋ kʷol aːwite, surmiŋ kʷol surme lap-toːrtəleːn; kʷon matər-keː-pəl suj sujti, kʷon ul kʷaːleːn; Sorni-Kʷorəs aːsʲuːw maː taːrati.” aːwiŋ kʷol aːwite lap ti toːrtəsanl, surmiŋ kʷol surme lap ti pantsanl. akʷ-mat-eːrt matər jiliŋ, matər kumriŋ suj ti teːləs. saːt eːt, saːt xoːtəl, akʷ-muːs kumriɣti; Sorni-Kworəs aːsʲanl maː taːrati. morsiŋ saːt xoːləme jui-paːlt kumriŋ suj ti pojtəs. nʲawrəm kʷona kʷaːls, uje sis-tarəm taːləs, keːnte xotaːlmejəste. ti keːnte aːlmejəme kuːmte saːt saːmən joxtaːli, Sorni-Kʷorəs aːsʲe taːratim maːte ta keːməl ti joːŋɣi. akiaɣe=aːkʷaɣe-nuːpəl laːwi: “am oːs noːŋx xaːŋxseɣim Sorni-Kʷorəs jaɣəm-paːlt, maːte matər-sir taːkəl woss taːkməltite, woss uːnttite; eːləm-xoləs jisiŋ toːrəm saːŋkəmti, eːləmxoləs notiŋ toːrəm saːŋkəmti, mana puxnʲit jaktim eːləm-xoləs weːriti?! maː akʷ-muːs joːŋxi, akʷ maːt at uːnti.” noːŋx ti xaːŋxəs. Sorni-Kʷorəs jaɣe-nupəl laːwi: “eːləm-xoləs uːnlənə maː taːratuŋkʷe ti taːrəmtaslən; xonal eːləm-xoləs jisiŋ toːrəm, notiŋ toːrəm teːli, mana laɣle talʲəxt lʲuːlʲne eːləm-xoləs weːriti?! ti makən matər-sir mat uːrəl taːkməltənuwːlən!” Sorni-Kʷorəs jaɣket laːwi: “saːt eːt, saːt xoːtəl aːwiŋ kʷol aːwite oːs lap woss toːrtawə, surmiŋ kʷol surme oːs lap woss pantawe; am maː eːntaptiləm.” saːt eːtiŋ xoːtəl lap toːrtaxtast; moːlal mana suj oːləs, mana kumriŋ oːləs, anʲ ti kʷoni-paːl suj, ti kʷoni-paːl kumriŋ teːləs. morsiŋ saːt towləme jui-paːlt kʷona kʷoss kʷaːleɣit, alɣalʲe ke sunseɣit: nʲoːr-owle sam-posne at joxtawe; loːŋxalʲe-ke sunseɣit: nʲaːr-owle sam-posne oːs at joxtawe. maː soxtiɣ tox ti uːnttime, eːləm-xoləs uːnluŋkʷe mortsiɣ ti jeːmtəm. 4. anʲ-maliŋ akiaɣe=aːkʷaɣe-nuːpəl kasm talʲəxpa poriɣ xuril jola waɣləm nʲawrəm Poləm-toːrəm naməl ti uːnli. Poləm-tumən waːtat oːlne jelpiŋ maːtet anʲ ti xoːtəle-muːse tot ta xuːtəxlawe, tot ta puːrlawe. |