radʲiot, tʲelʲevʲidʲenʲijat os svʲazʲt rupitan jatil, tinəŋ maxum! man, jugra ma zakonodatʲelʲnɨj sobranʲijate dʲeputatət, nanan radʲio xotaləl janitlijanuw! ti jalpəŋ xotal kastəl man nanann saw jomas, siməŋ latəŋ lawew. radʲio warim pasəl not palətəɣ ti jemtəs! ma janitəl olne mir saka jomas, erne warmalʲ katn pattəs – maxum eli xon mat olne xotpa tursuj xuntamlasət. radʲio telne juipalt naukat os texnikat rupitan maxum lʲaxxal tiɣlʲe tuwlʲe ketiɣlan maɣsəl sawsər erne maʃɨnat waruŋkʷe patsət! radʲio naj tene warmalʲn os elʲektronʲikan saka janiɣ parəs totəs, warəs.
anʲ ti jis xotpa lʲaxxaltal oluŋkʷe at wermi. tʲelʲevʲizor os radʲio xosit lʲaxxal man molʲaxnuw xuntamlew. tʲelʲevʲizor xosit lʲaxxal potərtan elmxolas nupəl man sunsew, taw man lʲalʲtuw sunsi, potrami. os radʲio xosit potərtan xotpa tursuje xuləluw, soma taw man lʲapawt lʲulʲaxoli, man lʲalʲtuw sunsi os potrami. tii maɣəs tʲelʲevʲidʲenʲije os radʲio sunsuŋkʷ os xuntluŋkʷ manawn jomas.
nan tarwitəŋ rupatan man saka eruptəluw. nan warne pʲerʲedaʨanənt man saw jomas, puməsʲ potər xuntamlaŋkʷe wermew. os tʲelʲevʲizor xosit sirje sir lʲaxxal, sawsər jomas pʲerʲedaʨat sunsew. radʲio xuntlən mirn, tʲelʲevʲizor susne mirn nan tai maɣəs erəŋəsʲ onʲsʲawen, saka eruptawen os janitlawen. ti jalpəŋ xotal kastəl am nanann saw jomas, siməŋ latəŋ laweɣum. pustaɣəl olen, jomas nomtəl olen, elalʲ os akʷtox saw tal rupiten, saw jomas pʲerʲedaʨat waren, sotəŋəsʲ olen. |
