| nusa eːkwaːɣ oːjkaːɣ os karr |
| nusa eːkʷaɣ oːjkaɣ oːleːɣ. eːkʷate ulʲa jiːwn miːnas. aːŋkʷal loxasas, karr kona neːɣlapas. karr lawi: „maːnər eːri?“ eːkʷa juw miːnas. juw joxtəs, xumite nupəl laːwi: „am aːŋkʷal junəɣtasəm, karr kon neːɣlapas.“ xumite laːwi: „minen karr nupəl, laːwen, kotli aːrt waːta xumiɣ wos jeːmtimeːn. eːkʷate ta miːnas. aːŋkʷale palt joxtəs, loxasaste. karr kon neːɣlapas: „maːnər eːri?“ eːkʷa laːwi: „kotli aːrt waːta xumiːɣ wos jeːmtimeːn“. „minen, jeːmteːɣiːn“. xolitan kʷaːlsəɣ, soːlʲ jeːmtmiːɣ. oːs laːwi: „minen os laːwen xoːn waːŋən xumiːɣ wos jeːmteːɣiːn“. neːte ta miːnas. aːŋkʷəle palt joxtəs, loxasaste, karr kon neːɣlapas. karr laːwi: maːnər eːri? eːkʷa laːwi: xuməm tox laːwi, ti sʲirəl oːluŋkʷe lʲuːlʲ. xoːn waːŋən xumiːɣ wos jeːmtimeːn. karr laːwi: minen, xolitan jeːmteːɣən. ta minas. xolitan kʷaːlsəɣ, xoːn waːŋən xumiːɣ jeːmtum. oːs eːkʷate nupəl laːwi: ta sʲirəl oːluŋkʷe lʲuːlʲ. minen, oːs aːŋkʷalən palt minen, oːs laːwen, ti sʲirəl oːluŋkʷe lʲuːlʲ. xoːniɣ wos jeːmteːɣum. eːkʷate ta miːnas. aːŋkʷale palt joxtǝs oːs loxasaste, karr kona neːɣlapas karr laːwi: maːnǝr eːri? eːkʷa laːwi oːjkam laːwǝs, ti sʲirǝl xoːn waŋǝn xumiːɣ oːluŋkʷe lʲuːlʲ, xoːniːɣ wos pateːɣum. mirum pussǝn amki kaːtum wos pati. miːnen, xolit jeːmteːɣǝn. ta miːnas, juw joxtǝs. xumite nupǝl laːwi: xolit xoːniɣ jeːmteɣǝn. xolit kʷaːlǝs solʲ xoːniːɣ jeːmtum. mire tawen puŋk xuːtǝltim pussǝn joːmeːɣǝt. oːs neːte nupǝl laːwi: ti sʲirǝl oːluŋkʷe lʲuːlʲ. miːnen oːs laːwen toːrmiːɣ wos jeːmteɣum. eːkʷate miːnas. tuw joxtǝs oːs aːŋkʷale loxasaste. karr kona neːɣlapas, maːnǝr eːri? xumim tox laːwi: toːrmiːɣ wos jeːmteːɣum! karr juw xassumtaxtas, at sujtiɣlas. juw ta miːnas, xumite palt joxtǝs. xumite laːwi: karr xumus laːwǝs? neːte laːwi: at sujtiɣlas. xolitan kʷaːlǝs, moːlal maːnǝr nusa totsiːɣ ta konipal nusa toteːɣ ti. |
