| Originaltitel | Dialekt | Informant | Genre Form | Genre Inhalt | ID | glossiert | Audio |
|---|---|---|---|---|---|---|---|
| anʲsʲəx joɒ̯ aŋkəʃk olsəɣ kujəsəɣ | pelym mansi (PM) | Ljalkin, Andrei Petrovich | prose (pro) | Tales (tal) | 1262 | glossed | – |
| Textquelle | Herausgeber | Sammler |
|---|---|---|
| Kannisto, Artturi - Liimola, Matti (1956): Wogulische Volksdichtung gesammelt und übersetzt von Artturi Kannisto, bearbeitet und herausgegeben von Matti Liimola. III. Band. Märchen. In: Mémoires de la Société Finno-Ougrienne, 111. Helsinki: Suomalais-Ugrilainen Seura, 126-131. | Liimola, Matti; Jeblankov, Feodor Ljepifanovich | Kannisto & Liimola (KL) |
| Englische Übersetzung | Deutsche Übersetzung | Russische Übersetzung | Ungarische Übersetzung |
|---|---|---|---|
| "There was an old man and an old woman" | – | – | – |
| by Riese, Timothy |
| Zitation |
|---|
| Kannisto & Liimola 1956: OUDB Pelym Mansi Corpus. Text ID 1262. Ed. by Eichinger, Viktória. http://www.oudb.gwi.uni-muenchen.de/?cit=1262 (Accessed on 2024-11-25) |
| anʲsʲəx joɒ̯ aŋkəʃk olsəɣ kujəsəɣ |
| anʲsʲəx joɒ̯ aŋkəʃk olsəɣ kujəsəɣ . ten atʲ oɒ̯ɣ ænʲsʲiːɣə atʲ pyw ænʲsʲiːɣə . anʲsʲəx taxtjyw ʃaɣrəx tultkats . anʲsʲəx taxtjyw ʃaɣrəs . æk mæt sʲitəl polʲwuj kʷæn tæ tusʲtəkats taxtjywpæɣn keːrpoɒ̯l . tʲi polʲwujnə wystə joɒ̯ kʷæl keːn jyw tatəstə aŋkəʃkeæ̯t palt . aŋkəʃkeæ̯t tixtəx tultkats polʲwujnə . polʲwuj æk mæt sʲitəl jæləmkolsəɣ tʲ intəs . polʲwuj wantəl wyx koɒ̯rx . polʲwuj wantəl i wæjws . polʲwuj nʲuːp æjn-teːnə jannɘɣt . polʲwuj taɣleæ̯t kyːr keːn noɒ̯l tʲi paltows . polʲwuj wyːrəɣ koseæ̯rs , kyʃnys mænʲtəl kʷæn waxtʲəkats . mans polʲwuj tæ sʲitəl . jeːkeæ̯t kiʃlaxtəx minx tʲ intəs , polʲwujkɘmeæ̯t kiʃʃələx . tæw tæ joːmeæ̯səs , joːmeæ̯səs . joːms , joːms , kʷælnə tʲi joxts . kʷæʃ jyw tus joɒ̯ aŋkəʃk næxeæ̯t wunli . “ wuː ”, latti , “ næŋk joxteæ̯sən , næŋk jyw tuːsən !” “ no ”, latti , “ tixtən , æjtən , tæ sʲitəl kiteæ̯lən !” aŋkəʃk tixtəst , æjtəstə , kitəliːtə :“ kʷotəlʲ ”, latti , “minəntɘɣn ?” “ kʷotʲəlʲ minəntɘɣm ? polʲwuj næmp kum kiʃʃələx minənteæ̯m . næɣ ”, latti , “ at lʲə wasʲəntoɒ̯liːnə , oɒ̯kəmaŋkəʃk , at lʲə kanʲsʲiːnə ?” “ oɒ̯tʲ ”, latti , “ at wasʲəntoɒ̯liːmə , at kanʲsʲiːmə . rasʲə eæ̯kənanʲsʲəx ”, latti , “ kottə wasʲəntoɒ̯liːtə . eːtʲəɣeæ̯n eæ̯kənanʲsʲəx joxti , am kitəlɘɣm , tæw rasʲə wasʲəntoɒ̯liːtə .” no eːtʲəɣeæ̯n anʲsʲəx tʲi joxts , sus kaŋəlpætʲtʲeæ̯ttə oɒ̯ləmtəs , teæ̯kteæ̯n tex aŋkəʃkeæ̯t jetəl . “ jeæ̯pt , sus kʷænjextlən !” jeæ̯pt sus kʷænjextləs . “ jeæ̯pt , sus noɒ̯lpeːtən !” jeæ̯pt sus noɒ̯lpeːts . sus poɒ̯itaxtəs i ponʃəs . tesɣə aŋkəʃkeæ̯t jetəl joɒ̯ jal t kujesəɣ . jal kujesəɣ , aŋkəʃk tʲ oməlʲti , latti :“ anʲsʲxoɒ̯ , polʲwuj næmp kum ”, latti , “ at lʲə wasʲəntoɒ̯liːnə at lʲə kanʲsʲiːnə ?” anʲsʲəx oːsʲtəs , tʲɨɣl kʷeæ̯tərtiːtə , aŋkəʃk tæwuttə tusʲtəkats . anʲsʲəx nuŋk kʷals ta mans . neːɣ oːs kʷaleæ̯ps tæ joːmeæ̯səs . joːms , joːms , oːs kʷæln tæ joxts . aŋkəʃk tʲ oməlʲti neː toɒ̯r :“ næŋk joxteæ̯sən , næŋk jywtuːsən , at kitəleæ̯sən !” “ oɒ̯kəmaŋkəʃk , tixtən , æjtən , tæ sʲitəl kiteæ̯lən !” latti . neː tʲ oməlʲti :“ polʲwuj næmp kumnə ”, latti , “ at lʲə wasʲəntoɒ̯liːneæ̯n , at lʲə koɒ̯ʃəloɒ̯liːneæ̯n ?” oɒ̯keæ̯taŋkəʃk latti :“ oɒ̯tʲ”, latti , “ am atʲ mænər at kasʲsʲəm , atʲ mænər at wasʲəntalləm . takəlʲ ”, latti , “ joxti eæ̯kənanʲsʲəx , tæw palteæ̯t kitəleæ̯m .” eːtʲəɣeæ̯n anʲsʲəx tʲi joxts . oːs sus kaŋəlpeæ̯tʲəttə oɒ̯ləmtəs , kʷælkænnə rastəstə , jeæ̯ptnə rastəstə . “ jeæ̯pt , jextlaxtən !” jeæ̯pt jextlaxtəs . “ jeæ̯pt , noɒ̯lpeːtən !” jeæ̯pt noɒ̯lpeːtəstə . puːteæ̯n ponʃəs , aŋkəʃk pɘːkuːnsʲləstə , anʲsʲkeæ̯t jetəl tesɣə joɒ̯ jal i kujesəɣ . aŋkəʃk latti :“ anʲsʲxoɒ̯ , polʲwuj næmp kumnə at lʲə koɒ̯ʃəloɒ̯liːnə , at lʲə kanʲsʲəliːnə ?” anʲsʲəx oːsʲtəs , aŋkəʃkeæ̯n kʷeæ̯tərtəstə , aŋkəʃk jal tæ kujps . anʲsʲəx koːlteæ̯n nuŋkkʷaleæ̯ps , oːs tæ mans ijoːl aŋkəʃkeæ̯t palt . neː kʷaleæ̯ps tæ joːmeæ̯səs . joːms , joːms , oːs kʷælnə tʲ joxtəs . kʷælnə joxts , jyw tus . aŋkəʃk oməlʲti :“ at kitəlaxteæ̯sən , næŋk jyw tuːsən , joxteæ̯sən !” “ tixtən , tæ sʲitəl kiteæ̯lən !” aŋkəʃk tixtəstə . “ kʷotəlʲ ”, latti , “ minəntɘɣn ?” “ oɒ̯kəmaŋkəʃk ”, latti , “ polʲwuj næmp kumnə at lʲə koɒ̯ʃəloɒ̯liːnə , at lʲə kanʲsʲiːnə ?” “ oɒ̯tʲ , eæ̯pyk ”, latti , “ atʲ mænər at koɒ̯ʃəloɒ̯liːmə , atʲ mænər at kasʲsʲəm ”, latti . “ takəlʲ eːtʲəɣ eæ̯kənanʲsʲəx joxti , teæ̯wteæ̯n kiteæ̯lən , tæw mætər kanʲsʲi , mæn oɒ̯tʲə .” eːtʲəɣeæ̯n anʲsʲəx tʲ joxts . oːs sus kaŋəlpeæ̯tʲəttə oɒ̯ləmteæ̯pəs . sus rastows kʷælkænnə , jeæ̯pt rastows . “ jeæ̯pt , jextlaxtən !” jeæ̯pt jextlaxtəs . “ jeæ̯pt , noɒ̯lpeːtən !” jeæ̯pt noɒ̯lpeːtəstə . put ponʃəs . aŋkəʃk nʲowlʲ kuːnsʲli . anʲsʲəx jetəl tesɣə , jalkujəsəɣ . aŋkəʃk kiteæ̯li anʲsʲəxnə :“ polʲwuj næmp kumnə at lʲə kanʲsʲliːnə , at lʲə koɒ̯ʃloɒ̯liːnə ?” latti :“ am tæw palteæ̯t jæləntɘɣm , polʲwuj næmp kum palt .” “ næɣ ”, latti , kumlʲə jæləntɘɣn ?” “ am ”, latti , “ kumlʲə jæləntɘɣm ? lɘːlpætʲtʲeæ̯m jæptəl kowrɘɣm , jaləmpoɒ̯ləmnə rowtɘɣm , wytʲəŋ soɒ̯rsʲ nuŋk toːʃænti , tʲok ʃup tʲi minɘɣm . kʷoloweæ̯t ”, latti , “ tuspunəl poɒ̯lpunʃiːləm .” anʲsʲəx jal i oːjows . tawaj anʲsʲəx lɘːlpætʲtʲəɣ kowrəx ! tuspun kit kols kartsəɣ , kartsəɣ , tuspun meæ̯nətænnə oɒ̯məleæ̯n oɒ̯tʲəm . tawaj ʃaɣreæ̯pəl tuspun ʃaɣrəx ! tuskuːreæ̯t pælʲ tʲ ʃaɣrows . anʲsʲəx nuŋk tʲi kenʲsʲeæ̯təs , latti :“ kumlʲə am tuskuːrəm pælʲʃaɣrəkats ?” “ anʲsʲəx ”, latti , “ næŋk ʃaɣreæ̯pən punsnə , jalpeæ̯ts , tuskuːrən pælʲjextəsnə .” anʲsʲəx towl nuŋkkʷals joɒ̯ tæ mans . neː oːs kʷals joɒ̯ tæ mans soɒ̯rʃ ʃupəɣ . leːlpeæ̯tʲt kowrəmkart rowtænti , nuŋk tʲi toːʃænti , soɒ̯rʃ ʃupəɣ tæ mans . polʲwuj olnə mɘːnə tow tʲ joxts . kʷolow poɒ̯lpunʃəstə , tɘːrɨɣpyw kʷæl keːt jalloɒ̯li . neː kiteæ̯li , latti :“ polʲwuj næmp kum kunʲ joxteæ̯li ?” tɘːrɨɣpyw latti :“ molʲx joxti .” neː kʷot tujtkats . polʲwuj næmp kum joxteæ̯ps , ʃoɒ̯rjæɣteæ̯t nʲarəmtəs , jannəx wuntəlmæntəs . æk mæt sʲitəl ʃoɒ̯rjæɣt tɘːneæ̯t toːlmæntəs . oːs ʃaŋkəlʲtəx tultkats , ʃaŋkəlʲtæp tɘːneæ̯t toːlmæntəs . “ ox ”, latti , “ am jeːkəm ʃæm wɘːmkart kumlʲə tollɘɣt ?” tɘːrɨɣʃɨpeæ̯t jannəx wuntəlmæntəs , tɘːrɨɣʃɨpeæ̯t jannæltəs , oːs tɘːneæ̯t toːlmæntəs . tɘːrɨɣʃɨpeæ̯t ilwaxtʲəstə , kajtəx poreæ̯məs . poreæ̯məs kajtəx joɒ̯ jeːkteæ̯n jal tæ puwows . ækeæ̯n puːktəsɣə jekanʲsʲəx , teːŋk mɘɣeæ̯nnə jyw tæ minəsəɣ , sʲisʲeæ̯n tʲeæ̯tʲeæ̯n palt jyw tæ minəsəɣ . |