1. piːtʃiŋɣəliən oːpisɐːən βɑɬɬəɣən. piːtʃiŋəli ɬiːt-ot kənʈmin jɑŋqɯɬəɬ. oːpiɬ jɑqqən. tʲuː piːtʃiŋɣəli jɑŋqɯɬəɣ jɑŋqɯɬəɣ. əj ɬɐːtnə mɛŋk-iːki qɒːtɐ joβət. mɛŋk iːki jɑqqn əntem. mɛŋk-iːki qɒːtnə noːmən ɬɒːjɐɣtə poɬʲtʲi puːt ojəɣtəs. toɬ ɬiːs. toɬ jɑqqənɐm mənnəs. oːpiɬɐ jɑqqə joβət. oːpiɬɐ jɐːstəɬ: „mɐː mɛŋk iːki qɒːtnə poɬʲtʲi puːt ojəɣtəm, poɬʲtʲ ɬiːsəm.” oːpiɬ jɐːstəɬ: „mɛŋk iːki nɵŋ leːkəni əntə jəɬ məβə.“ əj ɬɐːtnə piːtʃiŋəli qoːɬəntəɬ: mɛŋk iːki jəttɐːɣə rɐːŋəpəɣ. „oːpəli, məɣ-βoːŋq qɯːntɬəmən!” oːβpi jɛtʃtʃəɣɐ məɣ-βoːŋq qɯːntsəɣən. oːpiɬ jɐːstəɬ: „tʲi məɣ-βoːŋq məβəɬi βɛrtɐːɣə qɯːntsi.” „tʲet qoːtɐ poriɬ tojjəm. oːpeli, tʲuː poriɬ təβtɐ pɑntɐːə mɒːstɬ.” təβtɐ pɑntsi. tʲuː poriɬ nɐːjnə ɐːɬɐs. əj ɬɐːtnə βərtəm nojtɐɣtə qorɐsəpɣə tʲi jəs. „mɐː, oːpəli, qɑnʲɐɣtəɬɬəm, teːm oːβpi-βəs teːm poriɬnʲɐt ɬɐːəɬɬem.” əj ɬɐːtnə qoːɬəntəɬ piːtʃiŋɣəli: mɛŋk iːki jətɐɬ setʲɬʲ. oːpiɬɐ jɐːstəɬ: „oːpili, ɯːɬə qɑnʲɐɣtɐ!” oːpili ɯːɬə qɑnʲɐɣtəs. piːtʃiŋɣəli poriɬ kɐːtɬmin oːβpinə ɒːməstɬ, keːβrəm poriɬ kɐːtɬmin. mɛŋk iːki jətɐɬ setʲɬʲ. „tʲi jəβ, tʲi jəβ mɛŋk iːki!” əj ɬɐːtnə piːtʃiŋɣəli qɒːtɐ tʲi joβtəs. oːβpi puːnsətəɣ mɛŋk iːki. „teːm piːtʃiŋɣəli qoɬnɐm mən?” piːtʃiŋɣəli sɛmɐt əntem. „teːm piːtʃiŋɣəli oːpiɬ qoɬnɐm mən?” tʲuːtpɐ əntem. jɑqqə ɬɑŋtɐːə kɵtʃ rɐːŋəpəs, oːβpi jɛtʃtʃəɣɐ qɯːnəm məɣ-βoːŋqɐ kɵrɣəs. piːtʃiŋɣəli noq uːrtəmtəs poriɬ kɐːtɬmin. meːŋk iːki puːj-βəsi keːβrəm poriɬɐt piːtʃiŋɣəli qɐːjiɬtəstəɣ. piːtʃiŋɣəli βiːjkətəs oːpiɬɐ: „oːpəli, təɣɣə jəβɐ!” oːpəliɬ tʲeːɣə qoːβɬəs. „oːpəli, ɬɐːjəm βəjɐ teːm mɛŋk iːki sɛβrtɐːə!” oːpiɬ ɬɐːjəm leːβəmtəs. tom mɛŋk iːki toβ sɛβərsi ɬɐːjəmnɐt. oːpiɬ jɐːstəɬ: „teːm mɛŋk iːki qɑɬi qotti βɛrɬtəmin?” „ɬɵk quːtɬɐ jɑŋqɯɬtɐːə mɒːstɬ.” oːpiɬ jɐːstəɬ: „məβəɬijɐt toβə jɑŋqɯɬtɐːə.” piːtʃiŋɣəli jɐːstəɬ: „mɛŋk iːki qɒːtnə poɬʲtʲi-puːt.” tʲuːt ɬiːttɐːə toβə məntsəɣən. tʲuː poɬʲtʲi-puːt ɬiːttɐɣə rɐːŋəpɣən.
2. tot məβ əj qɑtɬ βɑɬsəɣən məβə kɐːt qɑtɬɣən βɑɬsəɣən. oːpiɬ jɐːstəɬ: „tʲi poɬʲtʲi puːt jɑqqə tuːtɐːə mɒːstɬ.” jɑqqə tuːstən. jɑqqə joβətsəɣən. mɛŋk iːki tʲuː məɣ-βoːŋqnə tot ɐːɬɐɬ. piːtʃiŋɣəli jɐːstəɬ: „teːm mɛŋk iki qotti βɛrɬtəmin?” oːpiɬ jɐːstəɬ: „pɐː tɐːəjɐ mənɬəmən.” pɐː tɐːəjɐ məntsəɣən. qɒːt βɛrtɐːə rɐːŋəpɣən. poːm tʃəkpɐ ɐːr əjɣə ɐːniɬəɣɣən qɒːt βɛrtɐːə. poːm tʃəkpɐ ɐːr əj pɐːjɐ pɑntsəɣən. əj quːər tɐːɬ əj pɐːjɐ pɑntsəɣən.
joβən torrəm pəttəɣɬəɣ. tʲuːt ɯːɬ pɛlləkɐ ɬɐːətɬəɬiən ɐːɬtinnə. torrəm qotɬəɬ: toɬ noq kitɬəɣən. piːtʃiŋɣəli oːpiɬ jɐːstəɬ: „ɬiːt-ot quːɬ kəntʃtʃɐːə mɒːstɬ.” toːəp βɑɬɬəɣən, toːəp βɑɬɬəɣən toβənə. tʲi βɑɬɬəɣən, tʲi βɑɬɬəɣən. əj mət ɬɐːtnə, oːpiɬ jɐːsteɬ: „mɛŋk iːki βɒːjɣətnə nʲɯːtʃi ɬiːβi. toβə jɑŋqɯɬəɬmin!”
toβənɐm məntsəɣən. toβə joβətsəɣən. teːmi βɒːjɣətnə əjnɐm ɬiːβmɐɬtɐːə. oːpiɬ jɐːstəɬ: „mətɐ βɑɬɐ.” piːtʃiŋɣəli jɐːstəɬ: „tʲeːt jəm jəm! quːtminɐ jɑqqə mənɬəmən.” quːtinɐː ɬəɣ jɑqqə məntsəɣən. toβə βɑɬmɐɣtəsɣən. jɑqqən βɑɬɬəɣən. qoɬɐtinɐm əntə jɑŋqɯɬəɬɣən. tʲuː poɬʲtʲi puːt ɬiːβmin əj ɬɐːtnə βɑɬɬəɣən.
3. ɬoŋin torrəm βɒːtɣə jəɬ. jəŋk qɒːnəŋnə nʲeːβər ɬiːβmin suːtʃəɣtəɬɣən. polləŋq-βɒːjəɣ ɬiːβmin jɑŋqɯɬəɬɣən. toβənə βɑɬɬəɣən. tompəjɐ tɐːrəm βɒːtɣə jəɬ. tʲiːmintnə jəŋk-qɒːnəŋnə nʲeːβər ɬiːβmin suːtʃəɣtəɬɣən.
toβənə βɑɬtin sɐːət jəppəɣnə ojəɣtiɣən. jəppəɣ jɐːstəɬ: „teːm mɛŋk iːki məβɐt ɯːɬə βɛɬtən?” „mɐː ninɐt tʲuː mɐːβəɬ ɯːɬə βɛɬɬəm.” ɐːɬəŋ ɬɐːtnə oːpiɬ ɬiːsi. tʲuːt pɯːrnə piːtʃənɣəli kɐːtɬsi, oːs piːtʃiŋɣəli noq ɬiːsi jəppəɣnə. |
