| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| rɯːt βɛrtɐːə | paasonen yugan khanty (PA) | prose (pro) | Tales (tal) | 1315 | by Schön, Zsófia | Audio |
| Text Source | Editor | Collector |
|---|---|---|
| Vértes, Edith (2001): Heikki Paasonens surgutostjakische Textsammlungen am Jugan. Neu transkribiert, bearbeitet, übersetzt und mit Kommentaren versehen von Edith Vértes. In: Mémoires de la Société Finno-Ougrienne, 240. Helsinki: Suomalais-Ugrilainen Seura. 17--42. | Vértes, Edith | Paasonen (PA) |
| English Translation | German Translation | Russian Translation | Hungarian Translation |
|---|---|---|---|
| "To Make a Boat" | "Ein Boot machen" | "Делать лодку" | "Csónakot építeni" |
| by Eckmann, Stefanie | by Vértes, Edith In: Vértes, Edith (2001): Heikki Paasonens surgutostjakische Textsammlungen am Jugan. Neu transkribiert, bearbeitet, übersetzt und mit Kommentaren versehen von Edith Vértes. In: Mémoires de la Société Finno-Ougrienne, 240. Helsinki: Suomalais | by Snigirev, Yury | by Csepregi, Márta |
| Citation |
|---|
| Paasonen 2001: OUDB Yugan Khanty (1901) Corpus. Text ID 1315. Ed. by Schön, Zsófia. http://www.oudb.gwi.uni-muenchen.de/?cit=1315 (Accessed on 2024-11-21) |
| rɯːt βɛrtɐːə |
| 1. iːmiɣən iːkiɣən βɑɬɬəɣən. iːki jɐːstəɬ: „rɯːt βɛrtɐːə mɒːstɬ. mɐː rɯːt-juːf kəntʃtʃɐːə mənɬəm.” iːki mənnəs rɯːt-juːf kəntʃtʃɐːə. mənnəs, mənnəs, βont ontnə ɑnnə juːβ ojəɣtəs. iːkinə ɬɐːjəmnɐt ɯːɬə ɛββətsi. iːki rɯːt βɛrtɬ. βɛrrəs, βɛrrəs, ɬɐːjəm pɛɬɬəɣ jəs. iːki poŋɬəɬi ɬiːstɐn noq βəs. ɬɐːjəm ɬoβətsəttəɣ. rɯːt βɛrtɐːə oːs rɐːŋəpəɣ. rɯːt βɛrɬətəɣ, βɛrɬətəɣ, iːttən torrəm pəttəɣɬəs. iːki jɑqqənɐm mənnəs. jɑqqə joβtəs. iːmi jɐːstəɬ: „rɯːt-juːβ ojəɣtən?” „ojəɣtəm.” „rɯːt-juːβ ɛβtən?” „ɛβtəm.” „rɯːte tərrəm?” „əntɐ, əntə tərrəm. tʃɯːməɬ βɛrrəm, tot qɯːtʲ. qoɬtɐːəɬ ɐːɬəŋɣə jəsi oːs toβə mənɬəm rɯːt βɛrtɐːə.” 2. mənnəs. toβə joβət. tuːriɬ sɒːrtɐːə βɛrsi. jəŋk kəntʃtʃɐːə rɐːŋəpəɣ. jɑŋqɯɬəɣ. jɑŋqɯɬəɣ, əj tɐːənə ɐːj jɐːβnəli ojəɣtəs. jəŋk jeːnʲtʲtʲɐːə qɑmmətɣə ɐːɬintəs. jəŋk onti mətɐnə kɐːtɬsi. ɐːɣən tuːsi mori. „jɑqqən pɑɣ tɑjɬən?” „tɑjɬəm.” „ɛβi tɑjɬən?” „tɑjɬəm.” „pɑɣɐ mɐːntem kiːtɬe qoɬtɐːəɬ, pɑɣɐ mɐːntem mɒːstɬ!” „kiːtɬem.” iːki jɑqqə mənnəs, jɑqqə joβət. iːmijɐ jɐːstəɬ: „jəŋk ontnə mətɐnə kɐːtɬəɣɬoːjəm.” „iːki, məβəɬi toβə kiːtɬən?” „pɑɣɐm toβə kiːtɬem qoɬtɐːəɬ.” pɯːrə qɑtɬ pɑɣəɬ toβənɐm kiːtsətəɣ. „pɑɣ, mɐː ɬiːstɐnem tot qɯːtʲ.” pɑɣ mənnəs toβənɐm. toβ βɐːnɐ məs. teːmi əntɬ qoː tot ɒːməstɬ. toβə joβtəs, tot kɐːtɬsi əntɬ qoːnə. „jəɣɣən mɐːntem ɛβi ɐːrəɣtəs.” „məβ ɛβi ? jəɣɣəm ɛβi əntə tɑjeɬ. jəɣɣəm ɬiːstɐn tʲeːti, nɵŋ mɐːntem məje!” „sɐːr qoɬtɐːəɬ jəβɐ!” tʲuː pɑɣ jɑqqə mənnəs jəɣɣəɬɐ, jɑqqə joβət. „mɐː ɬiːstɐnem, pɑɣ, mɐːntem tuːse?” pɑɣəɬ jɐːstəɬ: „əntɬ qoːnə əntə məɬi. kɵtɬnə tɑjiɬtəɣ. qoɬtɐːəɬ məttɐːə jɐːstəɬ.” „qoɬtɐːəɬ toβə jɑŋqɯɬəɬi. tɛβɐːrəʃt βɒːɣmin.” „tɛβɐːrəʃt qojɐːə tuːɬoβ?” pɑɣəɬ jɐːstəɬ: „puːpi tuːɬoβ, por-βɒːjəɣ tuːɬoβ, oːs pɐːnə βoqɯ tuːɬoβ, pɐːnə tʃeːβər tuːɬoβ, pɐːnə kəmɬəɣ tuːɬoβ.” 3. jəɣɣəɬnə pɑɣ kiːtsi pɯːrə qɑtɬ ɬiːstɐn kəntʃtʃɐːə. ɐːŋkiɬ jɐːstəɬ: „pɑɣ, ɬɐːβnɐt mənɐ!” ɐːŋkiɬnə ɬɐːβɐt tuːsi. pɑɣ mənnəs ɬɐːβnɐt. əj tɐːənə məntɐɬnə ɬeːəɬəɬ: puːpi jəɬ. puːpi βɐːnɣə joβət. „iːmiən iːkiən pɑɣ, mɐːnt əntə tuːɬən?” „tuːɬəm.” əj ɬɐːtnə məntɐɬnə ɬeːəɬəɬ: por-βɒːjəɣ jəɬ. „mɐːnt jotɐ tuːɬən?” „tuːɬəm.” əj ɬɐːtnə məntɐɬnə ɬeːəɬəɬ: βoqɯ jəɬ. βoqɯ βɐːnɣə joβət. „iːkiən iːmiən pɑɣ, mɐːnt əntə tuːɬən?” „tuːɬəm.” βoqɯ tuːstəɣ. mənnəs, mənnəs, əj ɬɐːtnə tʃeːβər ojəɣtəs. tʃeːβər jɐːstəɬ: „mɐːnt əntə tuːɬən?” „tuːɬəm”, tuːstəɣ. mənnəs, mənnəs. əj tɐːənə kəmɬəɣ ojəɣtəs. kəmɬəɣ jɐːstəɬ: „mɐːnt əntə tuːɬən?” „tuːɬəm.” kəmɬəɣ tuːstəɣ jotɐɬ. 4. mənnəs, mənnəs, əj tɐːənə βont ontnə qɒːt ojəɣtəs. qɒːtɐ joβtəs. jɑqqə tɑŋɐs. qɒːtnə əj pɯːrəs iːmi. tʲuː pɯːrəs iːmi ɬoɬpə puːt keːβərtɬ. „tʲi βɒːjəɣɬɐ mɐːntem qɯːjiɬɐ!” toβə qɯːjsəɬɬ. puːpi toβə qɯːjsətəɣ, por-βɒːjəɣ toβ qɯːjsətəɣ, βoqɯ toβə qɯːjsətəɣ, tʃeːβər toβə qɯːjsətəɣ, tʲuːt pɯːrnə kəmɬəɣ qɯːjsətəɣ. 5. toɬ ɐːtɬnɐm mənnəs. mənnəs, mənnəs, əj mət ɬɐːtnə pɯːriɬnə mətɐ səj səjməɣɬəɣ. əj pɯːrəs iːmi tʲeːɬʲ jəɬ. „nɵŋ qoɬnɐm mənɬən?” „βɒːjəx kəntʃtʃɐːə mənɬəm.” iːmi βɐːnɣə joβtəm ɬɐːtnə juːβ tojɐ quːŋtəs. iːmi juːβɐ quːŋəttə qol əntə uːɬ. mɒːnʲ qoː juːβ tojnə ɒːməstɬ. pɯːrəs iːmi jɐːstəɬ: „mɐː nɵŋɐt βɛɬɬəm!” „mɐːnt qoɬnə βɛɬɬən? mɐː juːβ tojnə ɒːməstɬəm.” pɯːrəs iːmi məɣ oβtinə juːβ ɛβəttɐːə rɐːŋəpəs ɬɐːjəmnɐt. iːmi juːβ ɛβtɬ, ɛβtɬ. iːmi mɛtɬ. mɒːnʲ-qoː jɐːstəɬ: „nɵŋ, iːmi, məβɐt mɐːnt βɛɬɣiɬən?” „porɬɐ βɒːjəɣɬɐ pətɐn βɛɬɣiɬəm.” „iːmi, mɐː porɬɐm βɒːjəɣɬɐm təɣɣə βɒːɣɬəɬɐm.” iːmi jɐːstəɬ: „mɐː juːβ ɛβətɬəm sɐːr!” tʲuː qoː βɛɬtɐːə rɐːŋəpəɣ. „mɐː porɬɐm βɒːjəɣɬɐm təɣɣə jəβitəɣ!” kɵtʃ βiːɣəɬ, joβəttiɬ əntem. əj ɬɐːtnə puːpi qoːɬəntəɬ: ortəɬ βiːɣtɐɬ seːtʲɬʲ. puːpi jɐːstəɬ: „mənɬəβ! orteβ βiːɣtɐɬ seːtʲɬʲ!” qɒːti keːm ɬɵksət. ortiɬ leːki məntsət. məntsət, məntsət. əj ɬɐːtnə βɐːnɣə joβətsət. ɬeːəɬəɬt: pɯːrəs iːmi juːβ ɛβətɬ, ɬeːəɬəɬt: ortiɬ tʲuː juːβ tojnə ɒːməstɬ. tʲuː portət βɒːjɣət iːmi ɐːrɣə kɵsiɬ, ɯːɬə poriɬ, iːmi ɯːɬə βɛɬtsiɬ. mɒːnʲ-qoː juːβ toji ɯːɬə βoɣɬəs. „mɐːnt noq βəstəɣ. pɐːʃipiːtəɣ! qɒːtɐ mənɬəβ!” puːpi ɬɵβ jotɐɬ jəs, por-βɒːjəɣ ɬɵβ jotɐɬ jəs. βoqɯən tʃeːβərɣən ɬɵβ jotɐɬ jəsɣən, kəmɬəɣ ɬɵβ jotɐɬ jəs. 6. məntsət qɒːtɐ pərɣi. qɒːtnə əj pɯːrəs iːmi ɒːməstɬ. „mɐː porɬɐm βɒːjəɣɬɐm muːnt təɣɣə qɯːtʲəptəɬɐ.” „quːntə jɑqqənɐm mənɬən?” iːmi jɐːstəɬ. „qoɬtɐːəɬ jɑqqənɐm mənɬəm.” qoɬtɐːəɬ jɑqqənɐm mənnəs. puːpi qot ojəɣtəstəɣ, jəm uːɬəm βɛrsəɣən puːpinɐt. toɬ mənnəs, mənnəs. por-βɒːjəɣ qot ojəɣtəstəɣ, jəm uːɬəm βɛrsəɣən por-βɒːjəɣnɐt. toɬ mənnəs. əj tɐːənə βoqɯ qot ojəɣtəstəɣ, jəm uːɬəm βɛrsəɣən βoqɯnɐt. toɬ mənnəs βoqɯ. tʃeːβər qot ojəɣtəstəɣ, tot jəm uːɬəm βɛrsəɣən tʃeːβərnɐt. toɬ tʃeːβər oːs mənnəs. kəmɬəɣnɐt mənɬəɣən. kəmɬəɣ qot ojəɣtəstəɣ, jəm uːɬəm βɛrsəɣən kəmɬəɣnɐt. kəmɬəɣ toɬ mənnəs. 7. tʲuːt pɯːrnə ɐːtɬnɐm piːtəs, ɐːtɬnɐm jɑqqənɐm məntɬ. mənnəs, mənnəs. əj ɬɐːtnə jɑqqə joβətəs. „pɑɣɐli, jɑqqə joβətsən?” „ɐːtʲi, jɑqqə joβətsəm.” „məβ βɛr uːsən?” „jotɐm puːpi jɑŋqɯɬəs, por-βɒːjəɣ jotɐm jɑŋqɯɬəs, βoqɯ jotɐm jɑŋqɯɬəs, tʃeːβər jotɐm jɑŋqɯɬəs, kəmɬəɣ jotɐm jɑŋqɯɬəs. juːβ tojɐ mərɐ təɣɣəɬsoːjəm, βɐːɬtɐːə βɛrrəntoːjəm.” „toɬ qoɬnə ɬeːɬəŋɣə jəssən?” „puːpinə ɬeːɬəŋɣə βɛrsojəm, por βɒːjəɣnə ɬeːɬəŋɣə βɛrsoːjəm, βoqɯnə ɬeːɬəŋɣə βɛrsojəm, tʃeːβərnə ɬəɬəŋɣə βɛrsoːjəm, kəmɬəɣnə ɬeːɬəŋnə βɛrsoːjəm. ɐːtəm tɐːəjɐ joβtəɣɬəm. tʲuː βɒːjɣətnə ɬeːɬəŋɣə βɛroːjəm. əjnɐm quːt qoː βɑɬsoβ.” „pɑɣ, oːs qoɬɐtteːnɐm ɐːɬ mənɐ!” iːki jɐːstəɬ. ɐːŋkiɬ jɐːstəɬ: „pɑɣɐli, ɐːɬ mənɐ!” 8. jɑqqə βɑɬmɐɣtət. „mətɐ pɯːər kəntʃtʃɐːə mɒːstɬ.” „ɬɵβ, pɑɣɐli, qoɬʲ kənʈɬi? tom pɛlləknə tʲɒːrəs tompinə torrəm-qɒːn βɒːtʃ βɑɬɬ. pɑɣ, toɬ sɐːət iːmijɐt βəttɐːə mɒːsɬən torrəm-qɒːn βɒːtʃi. torrəm-qɒːn βɒːtʃnə βɒːtʃəŋ ort puːβəɬəŋ ort iːki βɑɬɬ. βɒːtsʲəŋ ort puːβɬəŋ ort iːki qoːɬəm ɛβi tɑjɐɬ. toɬ əj ɛβijɐt βəttɐːə mɒːsɬən.” „ɬəɣ tɐːsəŋ jɐːɣ. məŋ ɬɵβɐti mət-ot əntem. toɬ məβəɬiːnɐt βəɬɬəβ?” iːki jɐːstəɬ. pɑɣəɬ jɐːstəɬ: „mɐː əj jəm βoqɯ βɛɬɬəm.” pɑɣəɬ əj jəm βoqɯ βɛɬ. „βɒːtʃəŋ βort puːβəɬəŋ-βort iːkijɐ tʲi jəm βoqɯ tuːtɐːə mɒːstɬ. nʲɯːtʃi əj ɛβijɐt məɬ teːm jəm βoqɯnɐt.” „ɐːtəβnɐm qoɬnə βɑɬɬoβ. mətɐ ɬɐːtnə toβə jɑŋqɯɬtɐːə mɒːstɬ.” ɐːtiɬɐɬnɐm βɑɬɬət; əj ɬɐːtnə pɑɣ jɐːstəɬ: „jəkkən ɐːŋkiən, toβə jɑŋqɯɬəɬɬoβ!” toβə məntsət. βɒːtʃəŋ βort puːβɬəŋ βort-iːkijɐ joβətsət. „βɒːtʃəŋ βort puːβəɬəŋ βort-iːki, əj ɛβijɐt əntə məɬɬən?” „mɐːntem məβəɬi tuːstəɣ?” „nɵŋɐti əj jəm βoqɯ tuːsoβ!” „təɣɣə tuːittən ɬeːəɬtɐːə!” pɑɣənə jɑqqə βəsi βoqɯ. „tətti nɵŋɐti tuːβəm βoqɯ!” iːkijɐ toβə məstəɣ. βɒːtʃəŋ βort puːβɬəŋ βort iːkinə ɬeːəɬəɬi. ɬeːəɬəsi, iːkinə ɑssəm oβtəjɐ pɑntsi. iːki ɐːjəɬ kɵtɬəɣ ɒːməstɬ. oːβ ɛstɬmin ɒːməstɬ. əj ɬɐːtnə uːβəɬ noq ɐːɬəpsəttəɣ. „tʲi βoqɯ sɐːət ɐːɬə qotti βɛrɬi əj ɛβi məɬɬəm”, βoːtʃəŋ βort-puːβɬəŋ βort-iːki jɐːstəɬ. 9. məstəɣ. jɑqqə məntsət. jɑqqə joβtət. toβə βɑɬmɐɣtəst. tʲuː iːki pɑɣəɬnɐt quːɬ βɒːjəɣx kəntʃtʃɐːə jɑŋqɯɬəɬɣən. βɒːjəɣ βɛɬɬəɣən, quːɬ βɛɬɬəɣən. toβənə. 10. əj ɬɐːtnə iːki jɐːstəɬ: „pɐː tɐːəjɐ məntɐːə mɒːstɬ.” məntsət, məntsət, əj puːβəɬɐ joβətsət. „teːm puːβəɬnə qɑntəq-qoː jɑqqən βɑɬɬ?” „βɑɬɬ.” „məkim qoː teːm puːβəɬnə βɑɬɬ?” əj iːmi qɒːti keːm ɬiːβət, jɐːstəɬ: „teːm qɒːtnə qoːɬəm qoː βɑɬɬ. əj qoː mənnəs ruːtʲɐ qɑntəɣɐ quːɬ məttɐːə, əj qoː ruːtʲɐ qɑntəɣɐ βɒːjəɣ məttɐːə mənnəs, əj qoː ruːtʲ qɑntəɣ suːrəɬtɐːə ɬiːttɐːə mənnəs. nəŋ tət βɑɬitəɣ jɐːɣ joβəttə motʃtʃə!” toβə βɑɬtɐːə rɐːŋəpsət. əj ɬɐːtnə qoːɬəm qoː jɑqqə joβətsət. „qoɬnɐm jɑŋqɯɬəstəɣ?” əj qoː jɐːstəɬ: „ruːtʲɐ qɑntəɣɐ quːɬ məttɐːə jɑŋqɯɬəssəm.” əj qoː oːs pɯːriɬi: „qoɬnɐm jɑŋqɯɬən?” „ruːtʲɐ qɑntəɣɐ βɒːjəɣ məttɐːə jɑŋqɯɬəm.” oːs əj qoː pɯːrijəɬ: „nɵŋ qoɬnɐm jɑŋqɯɬən?” „ruːtʲ qɑntəɣ suːrəɬtɐːə, ɬiːttɐːə jɑŋqɯɬəm.” „qojɐːənə ɬiːttɐːə nɵŋɐti piːrtɐt?” „torrəmnə piːrtɐt, məɣnə piːrtɐt. ɬiːttɐːə.” „məβɐt ɬiːɬɬɐ?” „torrəmnə tʲeːənə piːrtɐt. məɣ oβtinə ruːtʲ qɑntəɣ tompəjɐ ɐːrɣə jəɬ. ruːtʲ qɑntəɣ qoɬnə sɐːrnɐm βɑɬɬ? ruːtʲ qɑntəɣ ɬiːɬən, ruːtʲ qɑntəɣ məɣ oβtiːnə qoɬnə βɑɬɬ? qoɬnə βɑɬɬ? teːm qɑtɬnə ɐːj nʲeːβrem sɛmɐ piːtɬ. teːm qɑtɬnə qoː suːrɐɬəɬ, məɣ oβtiːnə ruːtʲ qɑntəɣ ətʲ ɐːrit. pɯːrəs jɐːɣ suːrɐɬtɐːə mɒːstɬ.” 11. toβənə βɑɬɬət, toːəp βɑɬɬət, toːəp βɑɬɬət. əj ɬɐːtnə iːkijɐ tʲuː qoː jɐːstəɬ: „mɐː nɵŋɐt ɬiːɬəm. torrəmnə mɐːntem pɐːrso.” ɒːməstəɬ sɐːət əj pɯːtʃ qopimtəɣ, suːrɐɬəɣ. tʲuː qoːnə ɬiːsi. ɐːtiɬ iːmi qoːɬəm pɯːrɐ qɯːtʲət. pɯːrəs iːmi suːrɐɬəs. pɑɣ ɐːtɬnɐm qɯːtʲəs iːmiɬnɐt. jəɣɣəɬ ɐːŋkiɬ suːrɐɬəqqən. tʲuː pɑɣ məntɐːə βɐːrksətɐə rɐːŋəpəɣ. tʲuː qoːnə ənt ɛstɬiɣən. „qoɬnə miːnɐt ənt ɛstɬən?” „torrəmnə mɐːntəm piːrtottən. əj ɐːɬ kɐːtɣən βɑɬittən!” əj ɬɐːtnə tʲuː qoː jɐːstəɬ: „sɒːt ɐːɬ βɑɬsəɣən.” „nɵŋ iːme noq ɬiːɬem.” iːmi noːmən suːtʃəɣtəɬ. suːtʃəɣtəttə sɐːət kɵrɣəs iːmi. qoː jɐːstəɬ: „iːmi, noq kiːɬɐ!” iːmi səj əntə βɛrtɬ. qoː noq ɬʲɒːɬəs. toβə mənnəs iːmi suːrɐɬəməɬtɐːə. tʲuː qoːnɐm jɐːstəɬ: „mɐː iːmem ɬiːse?” „ɬiːsem.” „mɐː tət βɑɬtɐːə kiːtʃəm əntem, jəkkəɬɐm ɐːŋkəɬɐm ɬiːsɣəɬɐ, tʲuːt pɯːrnə iːmem ɬiːsən.” „qoɬnə tət βɑɬtɐːə kiːtʃən əntem. torrəmnə mɐːntem piːrto.” „nɵŋ qoɬnə torrəmnə tʲeːənə piːrto?” „sɒːt ɒːɬ mɛrrə βɑɬsən.” 12. əj ɬɐːtnə tʲuː qoː jɐːstəɬ: „mɐː nɵŋɐt oːs ɬiːɬəm!” „əntɐ, mɐː nɵŋnə ɬiːttɐːə kiːtʃəm əntem.” torrəmɐ mənnəs. toːrrəmɐ joβtəs. „ruːtʲ qɑntəɣ məβɐt ɬiːttɐːe piːrte?” torrəmɐ jɐːstəɬ. torrəm jɐːstəɬ: „ruːtʲ qɑntəɣ mɐː tʲeːənə ɐːrjəɬɬem. sɐːr ɯːɬə βɯːɣɬɐ.” ɯːɬə βoːəɬ. məɣ oːβtiːnə qɯːnʲɬʲuŋq toβə joβtəs. „jəɣɣəm qoɬnə nɵŋɐti jɐːstəɬ?” „sɐːr məttə ɯːɬə βɯːɣɬɐ!” ɒːməstəɬ sɐːət suːrɐɬəs, qɯːnʲɬʲuŋqnə ɬiːsi. |