| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| kɐːt iːmiɣən | surgut khanty (SK) | Pokačeva, Fëkla Ivanovna (Sopočina) | prose (pro) | Tales (tal) | 735 | by Schön, Zsófia | Audio |
| Text Source | Editor | Collector |
|---|---|---|
| Csepregi, Márta. (1998). Szurguti osztják chrestomathia. Studia uralo-altaica supplementum 6. Szeged: József Attila Tudományegyetem. 74-80. | Csepregi, Márta; Sopočina, Agrafena Semënovna (Pesikova) | Csepregi, Márta (CS) |
| English Translation | German Translation | Russian Translation | Hungarian Translation |
|---|---|---|---|
| "The Two Women" | – | – | "Két asszony" |
| by Antalffy, Elaine In: Csepregi, Márta. 1997. Samples from the Genres of Ostyak folklore. In: Lázár, Katalin (ed.): Studies on Surgut Ostyak Culture. Budapest: Museum of Ethnography. 89-92. | by Csepregi, Márta In: Csepregi, Márta. 1998. Szurguti osztják chrestomathia. Studia uralo-altaica supplementum 6. Szeged: József Attila Tudományegyetem. 75-81. |
| Citation |
|---|
| Csepregi, Márta 1998: OUDB Surgut Khanty Corpus. Text ID 735. Ed. by Schön, Zsófia. http://www.oudb.gwi.uni-muenchen.de/?cit=735 (Accessed on 2024-11-21) |
| kɐːt iːmiɣən |
| 1. kɐːt iːmiɣən βɑɬɬəɣən. nʲoqsəŋ jɑβənnə, moːqqəŋ jɑβənnə kɐːt iːmiɣən βɑɬɬəɣən. kiːt qɒːtətnə βɑɬɬəɣən. quːjəɬ-pə ɬʉβnɐm qɒːtnə βɑɬɬ. tʲi βɑɬɬəɣən, nʲuːɬnɐm mɒːjəɬtɐɣə jɑŋqiɬɬəɣən. qɑtʲɐ tʲi βoɬɣən, βoɬɣən, əj ɬɐːtnə əj iːmiɬ ɬʉβ quːtəɬɐ ɬɒːɣətɬəmɐɬ-pə əntem. ontəɬnə noməqsəɬ, mətɐ tɒːɣiɬ kətʃɐɣə jəɣ. “jɐː, mɐː toβə jɑŋqiɬɬəm.” kɐːt iːmiɣən βɑɬɬəɣən. tʲi βɑɬtinnə, əj ɬɐːtnə əj iːmiɬ nɑməqsəɬ: “qɑntəq qoː-pə mʉq qorɐsəp sɛr? əj mətɐ soŋnɐm mənɬəm qɑtʲɐ sɛr. teːm ɐːtəmnɐmən βɑɬtɐmən...” əj niːŋəɬɐ noq əntə jɐːstətəɣ. pɐːnə əj mətɐ soŋnɐm tʲi mən. 2. tʲi mən, tʲi mən, ɑntɐ qoβ mən, ɑntɐ βɐːn mən, əj ɬɐːtnə iːttənɣə jəɣ, pətəɣɬətɐɣə jəɣ. əj ɬɐːtnə mɒːqi ɒːɬ ɛβtəm ɐːŋkɬətɐ joβət. tʲi mən, mən, əj ɬɐːtnə teːm ɒːɬ ɛβtəm juːɣ ɐːŋkɬətɐ joβət, pɐːnə tʲɑqɐ əj ɬɐːtnə sɐːrnɐm ɬeːjəɬ, tʲɑqɐ əj qɒːt tot ɒːməsɬ. tʲuːmint qɒːt ɒːməsɬ. tʲuːkim mɛt, ontəɬnə noməqsəɬ: “ tʲɑqɐ kʉtʃ mʉβəɬi βɑɬijɐt, ɬɑŋɬəm pɐːnə tʲeːtti jɑqə. pɐːnə jɑqə tʲi ɬɑŋ, jɑqə ɬɑŋmɐɬɐ tʲeːnə nʲɐːrəɣ βɛntʃɐt jɑqə ɬɑŋ. ontəɬnə noməqsəɬ: “kʉtʃ mʉβəɬi βɑɬɐ!” jɑqə tʲi ɬɑŋ, teːmi əj iːmi, əj pɯːrəs iːmi jɑqən ɒːməsɬ. teːmi nʲɑβəm: “ɛβmət nʲoqsəŋ jɑβən, moːqqəŋ jɑβənnə βɑɬtə iːmi, nʉŋ mʉβəɬinə təɣə βuːɣo? mʉβəɬinə təɣə muːnʲtʲo?” “ɐː ɬʉβ – nʲɑβmiɬəɬ – ɬʉβ əj mətɐ tɒːɣijɐ mʉβə joβətɬi!?” – jɐːstəɬ. 3. teːmi əj iːmi toβənə ɬeːjɬəɬ: əj qɒːt pɛlək pətəɣɬəm, əj qɒːt pɛlək neːβi, pɐː ɒːntpət jəmsi qɒːt pɛləkɐ qɑtəɬtəɬɬɐɬ, pɐː ɒːntpət pəɣi qɒːt pɛləkɐ qɑtəɬtəɬɬɐɬ. top nɐːmən, toβənə βɑɬəɬ. jɐː tʲeːt tʲɑqɐ tʲuː iːminə, tʲuː iːmi tʲuː mətɐ βɛrɬɐɬ toβə tərmət, tʲuː iːminə ɬiːtotɐt-quːɬɐt βɛrənti, ɬiːtotɐt-quːɬɐt ɬiːpti. pɐːnə tʲuː tʲiː, tʲuː iːminə ɑɬtə tɒːɣijɐt βɛri. jɐːstəɬ tʲɑqɐ: “mɛtəm – mɛtən quːntə, ɑɬintɐ, məttə.” 4. pɐːnə tʲuː iːmi ɯːɬə ɑɬintəɣ toβə, tʲuː iːmi pɐːnə ɑɬintəɣ tʲɑqɐ. əj ɬɐːtnə noq kʉtʃ βɛrəɣɬəɣ, quːntintə qotəɬ teːmi. tʲuː iːmi quːntintə kiːɬmɐɬ tɒːɣi. teːmi əj tʲuː ɒːntəpɬɐɬnɐt nɛripəɬ. pɐː ɒːntəp jəmsi qɒːt pɛləkɐ qɑtəɬtəɬɬɐɬ, pɐː ɒːntəp pəɣi qɒːt pɛləkɐ. pɐːnə tʲɑqɐ ɬʉβ noq kiːɬ. ontəɬnə noməqsəɬ: “tʲɑqɐ noq kiːɬɬəm. məntə neː βosəm βəɬe.” tʲuː iːminə oːs quːɬɐt ɬiːtotɐt ɬiːpti. pɐːnə tʲuː iːmi ɬʉβɐtiɬnɐm jɐːstəɬ: “nʉŋ βəɬe niːŋəŋ piːɬ, quːjəŋ piːɬ kəntʃtʃɐɣə mənɬən, məttə. tʲiːmint məttə mɐː qɒːt muːɬəm jɛtʃənə tʲeːt leːk. jəmɐt jəm kʉrməŋ leːk. tʲuː leːk qoβit mənɐ. tɐːm tʲi mənɬən, mənɬən, məntɐnnə qoːɬəm tɒːɣinə βiːɣiɬɬo. «eː, təɣnɐm ɬeːjɬɐ! məŋ sɛkkəŋət, məŋ βiːtʲəŋət!» – nʉŋ toβnɐm ɐːɬ ɬeːjɬɐ! məntə βɛrɐ ɐːrjɐɬɐ. qoːɬəm tɒːɣinə βiːɣiɬɬo. pɐːnə tʲuː mənɬən, mənɬən, tɑm əj qɒːtɐ joβətɬən. tʲuː qɒːtɐ pɐːnə jɑqə ɬɑŋɐ. jiːməɬmin jɑqə ɬɑŋɐ. pɐːnə ɬeːjəɬɬən, jəmsi qɒːt pɛləknə tʲiːmint quːɬɐŋ-pɐːrəŋ, tʲiːmint tʃeːmotɐnət ɒːməsɬət. nʉŋ tʲi tʃeːmotɐnəti əj tʃeːmotɐn βəjɐ. pɐːnə keːmnɐm kiːrəɣɬɐ, tuːβe. ɐː pəɣi qɒːt pɛləknə siːkkəŋ-sɒːrnʲəŋ suːntukət ɒːməsɬət. tʲi suːntukət ɐːɬ nʲoβɐɬtiɬɐ. tʲiːt quːɬɐŋ-pɐːrəŋ – ot – tʃeːmotɐnəti əj tʃeːmotɐn βəjɐ pɐːnə jʉβɐ, pɐːnə əj tʲuː liːkən qoβit pərɣinɐm təɣnɐm jʉβɐ pɐːnə. tɐːm əj tʲuː jʉtɐnnə, əj tɒːɣinə əj tɒːɣiɬɐnə ətʲə βiːɣiɬəɬo. «nʲoqsəŋ jɑβən tojnə βɑɬtə neː, moːqqəŋ jɑβənnə βɑɬtə neː təɣnɐm ɬeːjɬɐ: məŋ sɛkkəŋət, məŋ βiːtʲɐɣət.» ɐːɬ ɬeːjɬɐ toβnɐm, tɑm joβəttɐnkɐ tʲi tʃeːmotɐn tʲi ɬɛpəŋ oːβtijɐ noq uːmte.” 5. pɐːn tʲɑqɐ tʲi mən. tʲuː iːminə tʲi pɐːmiɬi. tʲi mən, mən. tʃɒːpəŋqɐ ɐːt, qoːɬəm tɒːɣinə tʲi βiːkkətəɬi: “eː, nʲoqsəŋ jɑβənnə βɑɬtə neː, nʲoqsəŋ jɑβənnə βɑɬtə neː! təɣnɐm ɬeːjɬɐ! məŋ siːkkəŋət, məŋ βiːtʲəŋət!” ɬʉβ pɐːn ɛŋkrəmtəɣəɬ. toɣnɐm kʉtʃ ɛŋkrəmtəɬ – sɛm-pɛlkət, ɬuːɬ-pɛlkət. qoːɬəm tɒːɣinə βiːkkətəɣɬi pɐːnə əjnɐm ɛŋkrəmtəɣ. əjnɐm ɛŋkrəmtəɣəɬ, ɐː tʲeːt tʃɐːjə tʲuː qɒːtɐ tʲi joβət. tʃɒːpəŋkɐ mən, mən, tʲuː jɒːɣɬɐɬ βiːɣəm tɒːɣijɐ tʲuː mən, qoβən-pə əntem, qɒːtɐ tʲi joβət, pɐːnə tʲɑqɐ, tʲuː qɒːtɐ joβətmɐɬ ɬɐːtnə (tʲuː iːmi jɐːstəɣ: “nʉŋ tɑm suːmintɐɣə ɯːɬətətʃək tiːɬe, toβənə jɑqə ɬɑŋɐ!”) ɬʉβ nʲɐːrəɣ βɛntʃɐt tʲeːnə jɑqə ɬɑŋ. tʲɑqɐ tot kiːrəɣɬəɬ, ɬeːjəɬ, tʃɒːpəŋkɐ – otə – jəmsi qɒːt pɛləknə quːɬɐŋ-pɐːrəŋ tʃeːmotɐnət ɒːmsiɬət. pɐː qɒːt pɛləknə tʲiːmint sɒːrnʲəŋ suːntukət ɒːməsɬət. jəmɐt siːkkəŋət toβɐ! ontəɬnə noməqsəɬ: “tʲɑqɐ tʲiːt mɐːnt pɐːnɐm pɐːmiɬən, quːɬɐŋ tʃeːmotɐnət mʉβɐt βəɬɬɐm! mɐː siːkkəŋtʃək ot βəɬəm, suːntukəti βəɬəm.” pɐːnə tʲɑqɐ, tʲuː pəɣi qɒːt pɛləknə βɑɬtə əj suːntukliŋki tʲi nʲərkəmtətəɣ. jəmɐt siːkkəŋ sɒːrnʲəŋ suːntuk. sɑrɐŋ keːmnɐm qoɬɐt tuːβtəɣ. pɐːnə tʲi tuːβəɣ keːm. keːm piːtmɐɬɐ pɐːnə noq tʲi quːntəmtəɣ. tʲi tuːβtəɣ, tʲi tuːβtəɣ. tʲi pərɣinɐm mənmɐɬ, əj tʲuːtɬɐɬnə oːs βiːɣɬi: “təɣnɐm ɛŋkrəmtɐ! təɣnɐm βoɬəmtɐ, məŋ sɛkkəŋət, məŋ βiːtʲəŋət!” ɬʉβ ɛŋkrəmtəɬ. tʲi mən, mən, pɐːnə tʲuː pɯːrəs iːmi qɒːt qɒːnəŋɐ-pə joβəttɐɣə jəɣ, pɐːnə ontəɬnə noməqsəɬ: “əntɐ, teːm tʃeːmotɐn ɑntɐ mʉβəɬi tɑjɐɬ? tʲeːkim ɬɐːɣərt.” pɐːn ɬʉβnə… ɬʉβnə pɐːn tʲi tʃeːmotɐn jɐːɣlitɐɣə tʲi βɛri, ɑntɐ mʉβəɬinɐt mʉβ? mʉβ kɵtʃəɣnɐt, mʉβəɬinɐt tʃeːmotɐn – ɯːɬə tɑβrəm suːntuk – ɬʉβnə pɐːnə jɐːɣlitɐɣə tʲi βəri tɑmɐn βəsəɬi. pɐːnə βərɐt tʲoːrəmtəɣ, tʲɑqɐ toɣə ɛsəɬ, ontəɬnə noməqsəɬ: “tʲɑqɐ oːʃ mʉβ ɐːŋkenoʃ?” ɬʉβnə toɣə ɛsɬi, pɐːnə oːs tʲi quːntəmtəɣ. 6. tʲi mən, mən, pərɣinɐm mən. tʲuː iːmi qɒːtɐ joβət, tʲuː iːminə pɐːrtmɐɬ sɒːɣət tʲuː suːntukəɬ sɑrɐŋ qoɬɐt ɬɛpəŋ βɛntʃ oːβtijɐ noq piːɣəttəɣ. jəmɐt ɬɐːɣərt, noq uːməttəɣ. pɐːnə tʲuːt pɯːrnə jɑqə tʲi ɬɑŋ, tʲuː pɯːrəs iːmiɬɐ. jɑqə ɬɑŋmɐɬɐ… pɐːn ɬʉβ jɑqə ɬɑŋmɐɬɐ tʲuː pɯːrəs iːmi qoːɬɐt tʃɐːɬʲiɬʲəɣ ɬʉβɐt. ʉɬpɐɬ əjnɐm ɐːtəm qoːɬɐt jəɣ. nʲɑβəm, tʲuː iːmi pɐːn nʲɑβəm: “eː – jɐːstəɬ – nʲoqsəŋ jɑβən toj neː! moːqqəŋ jɑβən toj neː! qoβ ɐːrəɣ, qoβ mɒːnʲtʲ əntə tuːβmɐ tɒːɣi!” ontəɬnə noməqsəɬ: “tʲuːt oɬəŋ mʉβəɬi kɵɬ?” tʲuː βɛr βoɬi, tʲuː iːminə tʲeːt ɬiːtotɐt-uːtʃ ɬiːpti, tʃɐːjɐt-uːtʃ jeːnʲəɬti, ɑɬtə lɒːtɐt βɛri. ɯːɬ ɑɬintəɣ. pɐːnə ɐːɬəŋkə jəɣəm ɬɐːtnə noq tʲi βɛrəɣɬəɣ. tʲuː pɯːrəs iːmiɬ quːntintɐ kiːɬmɐɬ tɒːɣi! pɐː ɒːntpət jəmsi qɒːt pɛləkɐ qɑtəɬtəɬɬɐɬ, pɐː ɒːntpət pəɣi qɒːt pɛləkɐ. pɐːnə tʲɑqɐ ɐːɬəŋkə jəɣəmɐ ontəɬnə noməqsəɬ: “mɐː βəɬe məntə neː βosəm!” tʲuː iːminə ɬiːtotɐt-quːɬɐt ɬiːpti, pɐːnə tʲeːt tʲə mən. tʲuː iːmi jɐːstəɬ: “jɐː ɐ, tʲuː nʉŋ βəjəm, nʉŋ nʉŋnɐm kɵtɐt-kʉrɐt βəjəm suːntuke, ɑɬintɐ ɬɐːtnə tɑm, quːtʲŋənɐ ɯːmte toβ.” 7. jɐː, tʲeːt pɐːn tʲə mən. jɑqənɐm tʲi məntɐɬnə tʲuːkim ɬɐːɣərt. ontəɬnə noməqsəɬ: “tɑm ɬəɣpiɬ toβ sɒːrnʲi βɑɣɐt tɛɬəɬ. jɑqə oɬəŋ joβtəntem!” tʲiːt qoβ mən, mʉβ βɐːn mən. pɐːnə tʲuː quːtəɬɐ tʲə joβət. quːtəɬɐ joβət, tʲuːkim mɛt, tʲɑqɐ. tʲuː ɑɬintmɐɬ ɬɐːtnə tʲuː suːntukəɬ quːtʲŋəɬɐ uːməttəɣ, βɑɬijɐ. tʲeːt tʲuː βɛr βoɬi. 8. oːs tom niːŋəɬɐ mɒːnʲtʲ mən. əj qɒːt puːɣəɬ qɑrijɐt βɑɬɬəɣən. ontəɬnə noməqsəɬ: “mɐː tʲuː əj niːŋem tʲiːt təɣə ɬɒːɣətɬətɐɬ-pə əntem. tʲiːt oɬəŋ mʉβəɬi βɛrəɬ? sɑr əj niːŋem qɒːtɐ ɬɒːɣətɬəɬəm. mʉβ qɒːnʲtʲtʲɐɣə pɐːr jəɣ, βəs qotti jəɣ?” pɐːnə tʲɑqɐ əj niːŋəɬ qɒːtnɐm tʲə mən. əjəɬ qɒːtɐ jɑqə tʲə ɛt, oːβpi tʲi puːntʃəɣ, teːmi əj sɛm pɛlək mɛŋk iːki qɒːt muːɬ jɛtʃənə tot ɒːməsɬ. teːmi əj niːŋəɬ ɬoβi kɛriɬɐɬ nɐːjnɐm ɬʲɒːɬʲɬʲət, jɐːŋkɐ kɛritɐt, əj sɛm pɛlək mɛŋk iːki tot ɒːməsɬ. toɣnə nʲɑβəm: “mɐː əjpɐ ɬiːtə βər-nʲɐːrəɣ puːləli oːs tʲeːt βɑɬtɐɬ tɒːɣi.” pɐːnə ɬʉβ tʲuː qɑnʲtʲəqintəɣ pɐːnə oːβpi tɑβrəmtətəɣ, pɐːnə quːtəɬnɐm nʉrəɣtəɣ. tʲɑqɐ ontəɬnə noməqsəɬ: “tʲɑqɐ βoɬtə kiːm əntem. mɐː mətɐ soŋnɐm mənɬəm. tɑm tʲi mɛŋk iːkinə qoɬnɐm əntə tuːɬojəm.” pɐːnə tʲɑqɐ ɬʉβ βɛrəksəɣ-pɑnɣɐntəɣ pɐːnə əj mətɐ soŋnɐm tʲə mən. kʉrɣəɬnə tʲi tuːβi. ontəɬnə noməqsəɬ: “mətɐ tɒːɣinə oɬəŋ mətɐ qɑntəq qoː ojəɣtəɬəm. qɑntəq qoː-pə mʉq qorɐsəp?” əj mətɐ soŋnɐm pɐːn tʲi mən. tʲi mən, tʲi mən, ɑntɐ qoβ mən, ɑntɐ mʉβ βɐːn mən. əj ɬɐːtnə iːttənɣə jətɐɣə jəɣ. tʲuːkim mɛtmin ɐːtəmɣə jəɣ. 9. tʲɑqɐ əj ɬɐːtnə mɒːqi ɒːɬnə ɛβtəm ɐːŋkɬətɐ joβət, qɑntəq qoː ɛβtəm juːɣ ɐːŋkɬətɐ joβət. mətɐ kiːm mən – teːm ɒːɬnə ɛβtəm ɐːŋkɬətɐ joβət. toβə noməqsəɬ: “qɒːt qoβən əntem βəɬe. ɬʉβ mətɬi βɑɬɬ.” ɐː tʲi mən, mən, tʲɑqɐ sɐːrnə əj qɒːt tot ɒːməsɬ. tʲɑqɐ noməqsəɬ: “kʉtʃ mʉβəɬi-pə βɑɬɐ, jɑqə ɬɑŋɬəm. teːm mɛtmin tʲə torəm pətɐɣə jəɣəm! jɑqə ɬɑŋɬəm, kʉtʃ mʉβəɬi βɑɬijɐt!” ɐː pɐːnə tʲɑqɐ jɑqə tʲə ɬɑŋ tʲuː qɒːtɐ . teːmi pɯːrəs iːmi… pɯːrəs iːmi teːmi əj tʲuː ɒːntpətnɐt ɬɛjɣəɬ. pɐː ɒːntpət jəmsi qɒːt pɛləkɐ qɑtəɬtəɬɬɐɬ, pɐː ɒːntpət pəɣi qɒːt pɛləkɐ qɑtəɬtəɬɬɐɬ. ɐː ɬʉβ jɑqə ɬɑŋ pɐːnə toβə ɯːməɬ. tʲuː iːminə pətʲɐɣɐt-uːtʃ βɛri, pətʲɐ βɛrɣən. nʲɑβmiɬəɬ: “nʲoqsəŋ jɑβən toj neː! moːqqəŋ jɑβən toj neː! βəɬe mʉβəɬinə təɣə iːrɣo, mʉβəɬinə təɣə muːnʲtʲo?” “ɐː mɐː, tʲɑqɐ – jɐːstəɬ – əjnɐm ɐːtəɬemnɐm – jɐːstəɬ – qɑntəq qoː-pə əntə βuːjiɬəɬəm. ontɐmnə toβənə noməqsəɬəm: əj mətɐ soŋnɐm mənɬəm. nʲiːtʃi əj mətɐ tɒːɣinə qɑntəq qoː βɑɬɬ. ɐːtəmnɐm βɑɬɬəm.” tʲɑqɐ tʲuː iːmilinə tʃɐːjɐt βɛrəmti, ɬiːtotɐt βɛrəmti, ɬiːtotɐt ɬɑqqəmti. ɬiːkkən-jiːnʲtʲɣən, tʲuː iːminə ɑɬtə lɒːtɐt βɛri. əjəɬ jɐːstəɬ: “nʉŋ, mɛtəm neː, ɑɬintɐ.” tʲuː iːmi-pə ɑɬintəɣ. 10. əj ɬɐːtnə noq kʉtʃ βɛrəɣɬəɣ, tʲɑqɐ teːmi keːmən əjnɐm jɑqə qotəɬ. teːmi pɯːrəs iːmiɬ quːntintə kiːɬmɐɬ tɒːɣi, əj tʲuː ɒːntəpɬɐɬnɐt ɬɛjɣəɬ. pɐː ɒːntpət jəmsi qɒːt pɛləkɐ qɑtəɬtəɬɬɐɬ, pɐː ɒːntpət pəɣi qɒːt pɛləkɐ. toβənə ɬɛjɣəɬ. pɐːnə tʲɑqɐ tʲuː iːminə ɬiːtotɐt quːɬɐt βɛrənti. ɬiːkkən-jiːnʲtʲɣən, pɐːnə tʲuː iːminə tʲi pɐːmiɬɬi. oːs pɐːn tʲuː iːmi nʲɑβmiɬəɬ, jɐːstəɬ: “tʲeːt mɐː qɒːt potʃəŋ pɛlkɐmnə kʉrməŋ leːk. jəmɐt jəm kʉrməŋ leːk. tʲi leːk qoβit mənɐ – jɐːstəɬ. – tɑm tʲi mənɬən, mənɬən, qoːɬəm tɒːɣinə βiːɣiɬəɬo. tɑm nʉŋɐtinɐm jɐːstəɬət: « təɣnɐm ɛŋkrəmtɐ! təɣnɐm βoɬəmtɐ! məŋ sɛkkəŋət, məŋ βiːtʲəŋət βosəβ!» nʉŋ ɐːɬ ɬeːjɬɐ. qoːɬəm tɒːɣinə tɑm βiːɣiɬəɬo. tɑm tʲuːt pɯːrnə mətɐ qoβit tɒːɣi mənɬən, qɒːtɐ joβətɬən. tʲuː qɒːtɐ jɑqə ɬɑŋɐ, tʲuː qɒːtɐ jɑqə ɬɑŋɐ, pɐːn tom əj mətɬi-pə əntem sɛmti. əj qɒːt pɛləknə tʃeːmotɐnət ɒːməsɬət, pɐː qɒːt pɛləknə sɒːrnʲəŋ suːntukət ɒːməsɬət. nʉŋ tɑm jɑqə ɬɑŋɐ, jiːməɬmin jɑqə ɬɑŋɐ. pɐːnə quːɬɐŋ-pɐːrəŋ tʃeːmotɐnəti əj tʃeːmotɐn βəjɐ. tom sɒːrnʲəŋ suːntukət ɒːməsɬət, tʲuːtət ɐːɬ nʲoβɐɬtiɬɐ, pɐːnə tʲuːtenɐt keːm kɐːrimtɐ, tɑm pɐːn jʉβɐ.” 11. jɐː, tʲeːt tʲə mən, tʲi iːmi pɐːmiɬmɐɬ sɒːɣət, tʃɒːpəŋqɐ, tʲuː iːmi qɒːti tʲuːmint kʉrməŋ leːk. tʲuː kʉrməŋ leːk qoβit tʲə mən. tʲi mən, mən, tʲɑqɐ tʃɒːpəŋqɐ, əj ɬɐːtnə βiːɣiɬtɐɣə tʲə βɛri: “tʲɑqɐ təɣnɐm ɬeːjɬɐ! məŋ sɛkkəŋət! məŋ βiːtʲəŋət βosəβ!” ɬʉβ əntə ɛŋkrəmtəɬ, toɣpi βɑɬtə suːmintɐɣəɬ pɛlək ɯːɬə nʲərimtəɬtəɣ. tʲeːnə qoːɬəm tɒːɣinə βiːɣiɬɬi, βiːtʃipə əntə ɛŋkrəmtəɬ. pɐːnə tʲɑqɐ, tʃɒːpəŋqɐ, tʲi mən, mən, pɐːn qɒːtɐ tʲə joβət. tʃɒːpəŋqɐ, tʲuːmint qɒːtɐ joβət. pɐːnə nʲɐːtʲəlikkə jɑqə tʲi ɬɑŋ. jiːməɬmin jɑqə ɬɑŋ. jɑqə ɬɑŋ, ɬeːjɬəɣəɬ, teːmi tʃɒːpəŋqɐ jəmsi qɒːt pɛləknə tʲiːmint quːɬɐŋ-pɐːrəŋ tʃeːmotɐnət ɒːməsɬət, pəɣi qɒːt pɛləknə sɒːrnʲəŋ, siːkkəŋ tʲiːmint suːntukət ɒːməsɬət. ontəɬnə noməqsəɬ: “mɐː mʉβɐt tʲi sɒːrnʲəŋ otət jəmnɐm βəɬɬɐm!” tʲuː iːminə pɐːrtmɐɬ əj mətɐ quːɬɐŋ-pɐːrəŋ tʃeːmotɐn – lɐːkʃiti əj tʃeːmotɐn iːɬməɣtəɣ. pɐːnə keːmnɐm kɐːrimtəɣ, tʲuːtnɐt keːmə piːt pɐːnə pərɣinɐm liːkəɬ qoβit iːtpə mənəɬ. tʲuː məntɐɬnə … tʲuː məntɐɬnə, tʲɑqɐ əj tʲeːnə qoːɬəm tɒːɣinə βiːɣiɬɬi: “təɣnɐm ɛŋkrəmtɐ! təɣnɐm βoɬəmtɐ! məŋ sɛkkəŋət, məŋ βiːtʲəŋət!” ɬʉβ əntə ɛŋkrəmtəɬ. 12. tʲi pɯːrəs iːmi qɒːtɐ joβət… tʲi pɯːrəs iːmi qɒːtɐ joβət, tʃeːmotɐnəɬ ɬʉβnə ɬɛpəŋ oːβtijɐ noq ɬɑqqəmti. tʲuːtɬɐt jɑqə ɬɑŋ tʲɑqɐ pɐːnə, tʲɑqɐ tʲuː iːmiɬnə quːntintɐ ɬiːtotɐt βɛrmɐɬ tɒːɣi, tʲuː iːmiɬnə ɬiːtotɐt ɬɑqqəmti. jɐːstəɬ: “ɬiːtɐɣə-pə jəɣən, ɑntɐ, nʲɑmrəɣ qɑtəɬ...” tʲuː iːmiliɬ tʲuːkim jəm! pɐːn tʲɑqɐ… tʲeːt ɬiːkkən-jiːnʲtʲɣən. pɐːnə ɑɬtə tɒːɣijɐt βɛri, tʲuː iːmiɬnə, pɐːn: “ɑɬintɐ – jɐːstəɬ –, mɛtəm neː.” pɐːnə tʲuː pɯːrəs iːmiɬ-pə ɑɬintəɣ. ɐːɬəŋnə noq tʲi βɛrəɣɬəɣ, teːmi pɯːrəs iːmiɬ quːntintɐ kiːɬmɐɬ tɒːɣi! ontəɬnə noməqsəɬ: “teːmi mɛrə-pə ɑɬɬəm.” ɬʉβ-pə noq ɬʉk. tʲuː iːmiɬnə tʲeːt oːs ɬiːtotɐt uːmti. tʲuː iːmiɬ pɐːn jɐːstəɬ: “jɐː, tʲeːt jɑqənɐm mənɬən. jɑqə joβəttɐ ɬɐːtnə tʲi tʃeːmotɐnən tɑm, ɑɬinttɐ ɬɐːtnə toβ ɑsəm uːɬŋənɐ ɯːmte. tɑm quːtʲŋənɐ ɯːmte. tɑm nʉŋɐtinɐ mətɬikkə jəɣ, əntə jək quːntə – əntɐ.” ɐː tʲeːt ɬiːβmɐɬ-jeːnʲtʲmɐɬ pɯːrnə pɐːnə tʲe mən. tʲuː tʃeːmotɐnəɬ tʲə βəjtəɣ. əj tʲuː quːtəɬnɐm tʲə mən. 13. tʲə mən, mən, ɑntɐ, qoβ mʉβə, ɑntɐ βɐːn mʉβə mən, quːtəɬɐ tʲə joβət. jɑqə joβət, tʲɑqɐ ɬiːβmɐɬ-jeːnʲtʲmɐɬ pɯːrnə, tʲuːkim mɛt, pɐːnə ɑɬintəɣ. pɐːnə tʲuː tʃeːmotɐnəɬ, tʲuː iːminə pɐːrtmɐɬ sɒːɣət pɐːnə quːtʲŋəɬɐ uːməttəɣ. əj ɬɐːtnə ɐːtnə noq tʲi βɛrəɣɬəɣ, ontəɬnə noməqsəɬ: “teːm mɐː mɛrə-pə βojəmtojəm. teːm əjnɐm jɑqə qotəɬ.” noq kʉtʃ ɯːməɬ, keːmnɐm məntɐɣə kʉtʃ jəɣ, pɐː tɒːɣijɐ pɐː βɒːqqintəɬ. keːmən pətəɣɬəm. jɑqə tʲi ɬɑŋ, teːmi ɬʉq quːtʲŋəɬnə tʲiːmint sɒːrnʲəŋ iːki tot ɑɬɐɬ, tʲuːmint teːmi iːki tot ɑɬɐɬ. tʲɑqɐ tʲuːtəɬɐ ɯːɬə ɑɬintəɣ pɐːnə. tʲɑqɐ ɐːɬəŋ noq tʲi piːtɣən. tʲɑqɐ mʉβ jəɣɬən, mʉβ ɐːŋkiɬən nʲuːɬɐ məjiɣən. tʲuːmint tɯːsəɬɬi βiːtʲəp qoː, tʲuːmint qɑtəɬɬi βiːtʲəp qoː. iːtpə ɑntɐ tʲuːnʲinɐt-jəminɐt βɑɬɬəɣən. tʲuː pɯːrəs iːmi ɬʉβ pɑɣəɬ, mʉβəɬiɬ ɑntɐ, toβə məj. jɐː tʲe, oːsə! |