SK 736 - ɐːjpi pɑɣ pɐːnə ʃopərqi

Text + Metadata Translation Audio + Metadata

Original Title	Dialect	Informant	Genre Form	Genre Content	ID	glossed	Audio
ɐːjpi pɑɣ pɐːnə ʃopərqi	surgut khanty (SK)	Kurlomkina, Jelena Petrovna	prose (pro)	Tales (tal)	736	–	Audio

Text Source	Editor	Collector
Csepregi, Márta. (1998). Szurguti osztják chrestomathia. Studia uralo-altaica supplementum 6. Szeged: József Attila Tudományegyetem. 82-94.	Csepregi, Márta; Sopočina, Agrafena Semënovna (Pesikova)	Csepregi, Márta (CS)

English Translation	German Translation	Russian Translation	Hungarian Translation
"The Frog Princess"	–	–	"A legkisebb fiú és a béka"
by Antalffy, Elaine In: Csepregi, Márta. 1997. Samples from the Genres of Ostyak folklore. In: Lázár, Katalin (ed.): Studies on Surgut Ostyak Culture. Budapest: Museum of Ethnography. 92-98.			by Csepregi, Márta In: Csepregi, Márta. 1998. Szurguti osztják chrestomathia. Studia uralo-altaica supplementum 6. Szeged: József Attila Tudományegyetem. 83-95.

Citation
Csepregi, Márta 1998: OUDB Surgut Khanty Corpus. Text ID 736. Ed. by Schön, Zsófia. http://www.oudb.gwi.uni-muenchen.de/?cit=736 (Accessed on 2024-11-21)

ɐːjpi pɑɣ pɐːnə ʃopərqi

1. əj mət[ɐ] ɬɐːtnə torəm qɒːn βɑɬ. qoːɬəm pɑɣ tɑjəɬ. tʲuː pɑɣiɬnɐm, tʲuː βoɬət, βoɬət, əj mətɐ ɬɐːtnə jɐːstəɬ: “nəŋ, tʲɑqɐ, ənəɬɣə jəɣtəɣ, uːʃe – otə –neː βətə kiːmɐ jəɣtəɣ. jɑβəɬ-nʲɒːɬ βəjitəɣ pɐːnə jəβtittən. qojɐ nʲuːɬəɬ qoɬə kɵrɣəɬ, pɐːnə tʲuː tɒːɣinə neː tʲə βəjitəɣ.”

pɐːnə ənəɬpi leːl sɐːr jaβət, nʲɒːɬ. tʲuː nʲuːɬəɬ ənəɬ tʲorɐs qoː qɒːt ɐːɬ oːβtijɐ kɵrəɣ. nʲuːɬəɬ ənəɬ tʲorɐs qoː ɛβinə noq βəji. kʉtəppi pɑɣəɬ nʲɒːɬ-lɛŋk jɛβət. ɐːj tʲorɐs qoː qɒːt ɐːɬ oːβtijɐ kɵrəɣ. ɐːj tʲorɐs qoː ɛβinə nʲuːɬəɬ noq βəji. tʲuː ɐːjpi mɐːtɐ pɑɣəɬ tʲuː lɛŋk kʉtʃ jɛβət, qoɬnɐm ɑntɐ oβərənɐm mən pɐːnə ɑntɐ qoɬnɐm kɵrəɣ, qojɐɣinə βuːɬi. pɐːnə tʲuː lɛŋkɬɐɬ kəntʃtʃɐɣə mənət.

2. mənət, mənət. tʲuː ənəɬpi pɑɣəɬ ənəɬ tʲorɐs qoː qɒːtɐ joβət. ɐːjpi pɑɣəɬ, kʉtəppi pɑɣəɬ ɐːj tʲorɐs qoː qɒːtɐ joβət. tʲuː ɐːjpi pɑɣəɬ , oːs tʲuː ɐːjpi, jəmɐt ɐːjpi, əj mətɐ qorɐ joβət. jəŋkkəŋ tʲuːmint qor. tʲuː qornə teːmi oːpit oːβtijɐ toβə kɵrəɣ, tʲuː nʲuːɬəɬ. pɐːnə iːɬnɐm tiːɬmɐɬ tɒːɣi. ɑntɐ qoɬnɐm tiːɬi? pɐːnə mən, mən, tʃɯːmɬəli, tɒːɣitɬənə tʲuːmint poːm ɬʲuːmi qɒːtəli ojəɣtəɣ. tʲuː poːm ɬʲuːmi qɒːtəlijɐ jɑqə ɬɑŋ. teːm ʃopərqi tot neːβriɬəɬ. jɑqə ɬɑŋmɐɬɐ ʃopərqi tot jɛtʃənə neːβriɬəɬ. pɐːnə pəsɐn tʲuːmint, jəmɐt tʲuːmint. jəmɣə uːtʃijɐ ɬiːtotɐt uːmti. pɐːn tʲuː ɬiːtotɐt uːmti. tʃɐːj uːtʃ jɐː jiːnʲtʲ pɐːnə mən. tʃɐːjə, ɯːɬə ɯːməɬtə qoː!

3. ʃopərqi toβənə jɐːstəɬ: “nʉŋ, otə, pɒːri βɛrtinkɐ. nʉŋ mənɐ, mɐː pɯːrnə jʉɬəm. pɐːnə əj ɬɐːtnə tʲuːmint sʉj uːtʃijɐ, əj soŋnɐm məɣ tɒːɣərtɐɣə jəɬ. əntə tɒːɣərtɐɣə jəɬ, ot, tʲuːmint tɐːrəm sʉj sʉjməɣɬəɬ tʲuːmint . məʃmətɐ pɑtəlitə sʉj. nʉŋ ɐːɬ qɑnʲtʲəkintɐ. jɐːɣ əjnɐm keːmnɐm nʉrəɣtəɬət. nʉŋ ɐːɬ nʉrəɣtɐ. keːm kʉtʃ ɬʲiːβətɬət, əj mətɐ βɛr-pə əntəm. pɐːnə jɑqə ɬɑŋɬət. oːs ɯːməɬɬət, oːs jəmɐt ɬiːtɐɣə, jeːnʲtʲtʲɐɣə jətiɬkɐ, oːs əj tʲuː sʉj oːs əjpɐ sʉjməɣɬəɬ. nʉŋ ətʲə keːmnɐm ɐːɬ nʉrəɣtɐ. jɐːɣ ɬʉβə nʉrəɣtəɬət. jɐːk kʉtʃ nʉrəɣtəɬət, əj mətɐ βɛr-pə əntem. pɐːnə toβənə jɐːstəɬət: “tʲɑqɐ, oːs keːmə əntə mənɬəβ. tʲiːt qoːɬəmətɣə ottɐɬkɐ, tʲiːt uːrɐsɬəɬojəβ.” nuː, ɒːməsɬət. qoːɬəmətɣə əj mətɐ ɬɐːtnə tʲi, əj toβənə tʲuː sʉjɣə jəɣ. əj soŋnɐm qɒːɣətʲɣəɬ. pɐːnə nʉŋ tʲuː ɬɐːtnə tʲə nʉrəɣtɐ, qoːɬəmətɣə tʲuːmint – otə – sʉjəɬ ɬiːrti piːttɐɬkɐ. jeːŋ βɵkkəŋ mɐːtɐ jɐːɣnə kɐːtɬəɣəɬɬo, əj tʲuː ɐːrit nʉŋ mənɐ pɐːnə keːmə ɬʲiːβtɐ. keːm kʉtʃ ɬʲiːβətɬən, mɐː tʲi joβətɬəm.”

4. pɐːnə tʲuː qoː toβə tot quːɬ. ɐːɬəŋ noq kʉtʃ βɛrəɣɬəɣ, teːm muːnt qojɐɣi ɬiːtot uːtʃ βɛrəntəɣ. pəsɐnət uːtʃət keːβrəmət, tʃɐːjət uːtʃət. noq kiːɬ, tʃɐːj jiːnʲtʲ.

pɐːnə tʃɯːməɬ tot βoɬ, pɐːnə mən. tʲuː jɑqə joβətmɐɬ əj jɐːkkəɬnə nʲɑɣɬi: “nʉŋ jɐː ɬʉβ, ɐːj pɑɣ, ot, məʃmətɐ ʃopərqit-pɐːrəpətnə nʲuːɬən noq βəji?” tʲuː ɐːj pɑɣ əj mətɐ ot-pə əntə jɐːstəɬ. tʲuː mətɐ pɯːrnə oːs tʲuː leːliɣən ot niːŋkənnɐt joβətɣən. tʲuː pɒːri βɛrtɐɣə jəɣmiɬɐ. tʲuː jɐːɣ pɒːri βɛrət. tʲi jeːnʲtʲtʲɐɣə, ɬiːtɐɣə jəɣət, əjpɐ ɛpɬəŋ ɬiːtotət. pɐːnə tʲuː pɒːri βɛrmiɬnə...

5. tʃɐːj sɐːrpinə, tʲuː pɑɣiɬnɐm torəm qɒːn jɐːstəɬ: “qɑtʲɐ teːm ɐːtnə nʉŋ... nəŋ tʲi iːmiɬən mʉβ siːr nʲɐːnʲ ɬʉβə βɛrɬət, qoɬ tɒːɣiɬ ɐːɬəŋkə kiːtʃɐ. qɑtʲɐ qojɐɣi jəmɣə nʲɐːnʲ βɛrəɬ.”

oːs tʲuː niːŋɬɐɬnɐm mənət. pɐːnə pɯːr qɑtəɬ tʲuː nʲɐːnʲɐt tʲə joβtət. ənəɬpi pɑɣəɬ nʲɐːnʲ iːɬə poːn[tʃ]ɬəmtəɣ, jɐːstəɬ: “teːmi tʲɑqɐ ɑɬə βɑɬtə qɑtəɬnə ɬiːtɐɣə.” oːs kʉtəppi pɑɣəɬ nʲɐːnʲ ɬeːjɬəɣ: “ teːmi ɐːj jiːməŋ qɑtɬətnə ɬiːtɐɣə qoti jəɣ.” oːs tʲuː ɐːjpi mɐːtɐ pɑɣəɬ nʲɐːnʲ kʉtʃ βəj, kʉtʃ ɬeːjəɬtə(???) iːɬə poːn[tʃ]ɬəmtətəɣ suːntukəli iːɬə kʉtʃ poːn[tʃ]ɬəmtətəɣ: “tʲuː neː qoːtti? tom pɐːjɬəɣ siːkkəŋ nʲɐːnʲ, ɐːr pəkət βɒːtʃət-uːtʃət, tʲuː nʲɐːnʲnə.” pɐːnə jɐːstəɬ: “βoːt tʲɑqɐ!” poːn[tʃ]ɬəmtətəɣ, pɐːnə sɒːrɣɐ ɯːɬə tɑβrəmtətəɣ. sɒːr sɛməp jɐːɣnə jɐː βuːji, oːs qojɐɣi nʲɐːtʲɣə ɬeːjɬəɣəɬ, tʲuː jɐːɣnə əntə-pə βuːji. “tʲɑqɐ teːm nʲɐːnʲ toŋqə jəm. ənəɬ mɐːtɐ jiːməŋ qɑtɬətnə ɬiːtɐɣə. jɐː, tʲeːt tʲi. oːs nʲɐːnʲ βɛrəntət, nəŋ tʲuː niːŋɬən. oːs ɬʉβə jɛrnɐs βɛrɬət. qoɬtɒːɣiɬ ɬʉβ jɛrnɐsɐt βɛrɬojəm.”

pɐːnə tʲuː jɛrnɐs βɛrɐt oːs. pɯːr ɐːɬəŋnə jɛrnɐsətɐt tuːβɐt. tʲuː ənəɬpi pɑɣəɬ jɛrnɐs βəj, jɐːstəɬ: “ teːmi tʲɑqɐ ɑɬə βɑɬtə qɑtəɬnə ɬomtəɣtɐɣə. roːpitɬənə tɑjtɐɣə.” oːs kʉtəppi pɑɣəɬ jɛrnɐs βəj: “ɐː teːmi poβəɬtɐɣə jɑŋqiɬtɐɣə jəm jɛrnɐs.” oːs tʲuː ɐːjpi mɐːtɐ pɑɣəɬ tʲi jɛrnɐs βəj, pɐːnə jɐːstəɬ: “oːɣ, tʲɑqɐ! teːmi toŋqə jəm jɛrnɐs, teːmi ənəɬ mɐːtɐ jiːməŋ qɑtɬətnə ɬomətɬi.”

6. pɐːnə tʲuː pɯːrnə pɒːri βɛrət. jɐːɣ jeːnʲtʲtʲɐɣə jəɣət, ɬiːtɐɣə jəɣət. ɐːr pəkət ɛpɬəŋ mɐːtɐ otət βɛrət, tʲuː ɬiːtot βɛrəntətə jɐːɣɬɐɬ. pɐːnə tʲuː jəmɐttʃək lɑskɐmiɬ kiːmnə, tʲi əj mətɐ ɬɐːtnə keːmən tʲi norɣəməɣ, sʉj toŋqə pɐːjɬəɣ tɐːrəm. pɐːnə jɐːɣ keːmnɐm nʉrəɣtət, tʲuː ɐːj pɑɣ jɑqən ɒːməsɬ. keːm kʉtʃ joβtət, əj mətɐ βɛr-pə əntem. jɑqə ɯːmɬət, oːs sɐːrnɐm jeːnʲtʲtʲɐɣə-ɬiːtɐɣə ɬɛjɣəmət. jəmɐttʃək oːs ot – jeːktɐɣə ɬɛjɣəmiɬ kiːmnə, tʲuː jeːktɐɣə ɬɛjɣəmiɬ pɯːrnə, əj mətɐ ɬɐːtnə oːs əj tʲuːmint sʉj tʲi ɬiːrti piːt. jɐːɣ əjnɐm keːmnɐm nʉrəɣtət. keːm kʉtʃ joβtət, əj mətɐ βɛr-pə əntem, kʉtʃ ɬeːjɬəɣəɬət. oːs jɑqə ɬɑŋət. pɐːnə jɐːstəɬət: “tʲɑqɐ, oːs, keːmnɐm əntə mənɬəβ – tʲiːt uːrɐsɬəɬojəβ.” pɐːnə oːs ɬɛjɣəmət, jeːktɐɣə-jeːnʲtʲtʲɐɣə uːtʃ pɐːnə oːs əj mətɐ ɬɐːtnə qoːɬəmətɣə tʲuːmint sʉj tʲi ɬiːrti piːt. tʲuː ɐːj pɑɣ keːmnɐm qoːβəɬɣijəɬ. jeːŋ jɐːk kiːnʲtʲɐ βɵkkəŋ jɐːɣnə kʉtʃ kɐːtɬəɣəɬɬi, əj tʲuː ɐːrit keːmnɐm nʉrəɣtəɣ, pɐːnə əj ɬɐːtnə niːŋəɬnɐt tʲeːt jɑqə ɬɑŋɐɬ. pɐːnə tʲuː jeːktɐɣə uːtʃ jəɣət.

7. pɐːnə əj mətɐ ɬɐːtnə, tʲuː pɒːri tərməm pɯːrnə, tʲuː mətɐ βɑɬmiɬ pɯːrnə, əj mətɐ ɬɐːtnə torəm qɒːn iːmi joβin noq βɛrəɣɬəɣ. teːmi mʉβəɬi? qɒːt ɬəɣpi toːqqɐɣɐ mɐːtɐ noq qotəɬ. ɬʉβ noməqsəɬ, qoti jəɣi oːs? qɑtəɬɣə jəɣ mʉβə, tʲi qoβit mɛrə ɑɬɬi? pɐːnə keːmnɐm mən. keːm kʉtʃ ɬʲiːβət, keːmən pətəɣɬem. tʲi qɒːti ɐːr soŋnɐm nɐːj tʲoːləɣɬəɬ. jɑqə ɬɑŋ. nɐːj βətʲəɣɬəɣ mʉβə qoti jəɣ, noməqsəɬ. jɑq qɒːt loqit tʲi ɬeːjɬəɣəɬtɐɣə, ɬeːjɬəɣəɬtɐɣə βɛrəɬ. tʲuː ɐːjpi pɑqqəɬ-mɛnʲɣəɬ qɒːt loqijɐ kʉti toɬ sɒːɣət nɐːj tʲoːlɐɬ. pɐːnə ɬʉβ kʉtəɬnə nʲɑβmiɬəɬ: “tom pɐːjɬəɣ siːkkəŋ ɐː! ɬʉβ oɬəŋ noːptəɬ qoβit məŋ tʲeːnə məŋɐt βɑɬɬ, tʲi siːβəɬnɐt.” pɐːnə tʲuː ʃopərqi soβəɬ ɬʉβ oːβtiɬnə tot ɑɬɐɬ. pɐːn tʲuː ʃopərqi soβəɬ nɐːjɐ jɛβəttəɣ. keːr nɐːj noq ʉɬtəɣ. tʲuː tɛləkkə jəɣmɐɬ kiːmnə pɐːnə tʲuː tɛlək oːβtijɐ toβə jɛβəttəɣ, tʲuː soβ. pɐːnə tʲuː neː qoɬɐtti mənipəɣ.

8. tʲuː qoː joβin pɐːnə noq piːt. jiːstɐɣə jəɣ. uːʃə qoti jəɣ? mʉβ ʃir βɛrət tʲiːt βərɐt? pɐːnə iːɬnɐm soːtʃəm. jɑqən βɑɬtə kiːtʃəɬ-pə βɑɬɬəɣ jəɣ. tʲə mən, mən. əj tɒːɣinə qɒːɬɣiɬəɬ. ɬeːjəɬ: joβin mənəɬ. toβə joβin məntɐɣə jəm. ɛtər ɐːtəli qoːsət tʲeːt – otə – təɣnɐm ɬeːjəɬɬət noːməɬtɐ. tʲuː mən, mən. əj tɒːɣinə – otə – noməqsəɬ: “tʲi oɬəŋ ot quːɬməɣtəɬəm, mɐː təɣənə noːmən jɑŋqiɬtɐɣə jəɬəm quːntə, oːs tʲeːɬ ɬiːrti piːttə nɛŋi pɑqi, peːβ pɑqi əʃo joβin jɑŋqiɬəɬ.” qɒːɬtɐŋ qoɬɐt, ɬeːjɬəɣəɬtɐɣə jəɣ, nɐːj ʉɬtɐŋ qoɬɐt, juːɣɐt. teːmi ɬeːjəɬ: mɒːqi sɐːr quːntɐ juːɣ tuːβəm tɒːɣi. oːs sɐːrnɐm mən, mən. “oːs mɐː qɒːɬtɐm pətɐn juːɣ tuːβi.” oːs mən, mən. tɐː, teːm ɒːɬnə-pə tʲiːt juːɣ tuːβi. pɐːnə sɐːrnɐm βɑɣ leːk, kɛβ leːkkə jəɬ. pɐːnə tʲuː leːki mən.

9. mən, mən, əj ɬɐːtnə qɒːtɐ joβət. tʲuː iːmi... iːmi totti. jɑqə ɬɑŋ.

“nʉŋ, tɑm, qɯːɬɣəlem, nʉŋ mʉβɐt joβtən? tət qɯːɬɐ nʉŋ, məttə.” tʃɐːjɐt uːtʃ jeːnʲəɬti tʲuː oːpiɬnə, tʲeːtʲoːpiɬnə. pɐːnə nʲɑβməɬ: “nʉŋ tot pɐːjɬəɣ, qɯːɬɣəlem, jəm neː tɑjɬən?” “ɐː, tojəm, məttə.” “oːs tʲuː neː qotti jəɣ?” “əj tʲuː ɐːŋkəlemnə iːɬə puːtəpti. pɐːnə mɐː, məttə, ɬʉβɐt kəntʃɬəm.” “ɐː, məttə, mɐː βəɬe əntə βuːɬəm nʉŋɐt mʉβəɬijɐt pɐːmtəptɐɣə. sɐːrnɐm mənɐ. kʉtəp tʲeːtʲoːpe βɑɬɬ. mɐː pɐː βɛrɐm ɬʉβnə məʃmətɐ jɐːsəŋɐt jɐːstəɬi, jəm mətɐ.”

10. pɐːnə pɯːr qɑtəɬ sɐːrnɐm mən. tʲi mən, mən. noːməɬtɐ qoːsət ɬʉβɐtinɐm ɬeːjəɬɬət. pɐːnə quːɬməɬtɐɣə noməqsəɬ. juːɣɐt ɬeːjɬəɣəɬ: “jɐː, tʲɑqɐ, ɯːɬə quːɬməɣtəɬəm. mɐː iːt təɣənə noːmən jɑŋqiɬɬəm, oːs tʲeːɬ iːɬə ɬiːrti piːttə nɛŋi pɑqi, peːβ pɑqi əʃo jɑŋqiɬəɬ, joβin.” qɒːɬtə juːɣɐt ɬeːjɬəɣəɬtɐɬnə, teːmi mɒːqi quːntɐ juːɣ tuːβəm tɒːɣi. oːs sɐːrnɐm mən, mən. mɒːqi ɒːɬnə-pə tʲəɬ juːɣ tuːβi. oːs sɐːrnɐm mən, mən. oːs teːm ɒːɬnə juːɣ tuːβi. pɐːnə tot sɐːrnə βɑɣ leːkkə, kɛβ leːkkə jəɬ. iːtpə qoːtʃəɣɬəɣ. pɐːnə tʲuː leːki mən. mən, mən. tʲuːmint qɒːtɐ joβət. tʲuː qɒːtnə... tʲuː jɑqə ɬɑŋ.

“qɯːɬɣəlem, nʉŋ məttə – qɯːɬɣəlem, pətʲɐ βɑɬɐ! mɐː nʉŋ tʲeːtʲoːpe βosəm.” tʃɐːjɐt uːtʃ jeːnʲəɬtʲətəɣ, ɬiːtotɐt ɬiːpəttəɣ. pɐːnə tʲuː tʲeːtʲoːpiɬnə pɯːriɬi: “nʉŋ tʲɑqɐ qɯːɬɣəlem, toŋqə jəm neː tɑjɬən?” “ɐː, jəm neː tojəm, məttə.” “oːs məttə tʲuː neː qotti jəɣ?” “ətʲə ɐːŋkəlemnə iːɬə puːtəpti.” “mɐː nʉŋ məttə... sɐːr məttə... mɐː nʉŋɐt... jɐːsəŋɐt jɐːstətə, mʉβ ʃiːr mətɐ jɐːsəŋɐt jɐːstətə qol əntə βuːɬəm. tʲeːt sɐːrnɐm mənɐ. ɐːj tʲeːtʲoːpe βɑɬɬ. tʲuː tʲeːtʲoːpenə, moːʃet, məʃmətɐ otɐt jɐːstəɬo, jəm mətɐ kɵɬɐt.”

11. sɐːrnɐm mən pɯːr qɑtəɬ. tʲuː mən, mən. qoːsət ɬʉβɐnɐm ɬeːjəɬɬət, noːməɬtɐ. pɐːnə noməqsəɣəɬ: “ ɯːɬə quːɬməɬtətɐɣə-pə jəm. mɐː təɣənə iːt joβin jɑŋqiɬɬəm, oːs tʲeːɬiɬi ɬiːrti piːttə nɛŋi pɑqi, peːβ pɑqi əʃo jɑŋqiɬəɬ, joβin”. pɐːnə tʲuː ɬeːjɬəɣəɬtɐɬnə, teːm juːɣ ɐːŋkɬət. mɒːqi quːntɐ juːɣ tuːβəm tɒːɣi. pɐːnə sɐːrnɐm mən, mən. mɒːqi ɒːɬnə tʲəɬ tuːβi. oːs sɐːrnɐm mən, mən: tɐː teːm ɒːɬnə juːɣ tuːβi. pɐːnə toɬ sɐːrnɐm βɑɣ leːk, kɛβ leːkkə jəɣ. tʲuː leːki mən, mən, qɒːtɐ joβət. tot ɐːj tʲeːtʲoːpiɬnə ətʲə pɯːriji, ɬiːtotɐt uːtʃ ɬiːpti. “nʉŋ toŋqə jəm niːŋəli tɑjɬən?” “ɐː-ɐː- məttə mɒːqi tojəm.” “oːs qoti jəɣ, tʲuː neː?” “əj tʲuː ɐːŋkəlemnə iːɬə puːtəpti. nʉŋ mɐːnt məʃmətɐ uːrnə əntə pɯːɣərtəɬən?” “mɐː nʉŋɐt pɯːɣərtəɬəm. qoɬtɒːɣiɬ, qɑtəɬ jɛtʃənə ɯːɬə qɑnʲɐɣtɐ, sɐːrəɬtɐ ɯːɬə qɑnʲɐɣtɐ. tʲuː neː tʲi joβətɬ. kɐːtəɬɬe quːntə – nʉŋ niːŋe, əntə kɐːtəɬɬe – əntə nʉŋ niːŋe.”

12. əj tʲuː pɯːr qɑtəɬɐ jəɣ. pɯːr qɑtəɬnə, əj mətɐ ɬɐːtnə qɑtəɬ jɛtʃə mətɐ kiːmɐ joβtəmɐ, qotəŋ lɛləɣtɐɣə tʲə jəɣ. pɐːnə tʲuː neːnɐm jɐːstəɬ: “nʉŋ qojɐɣi tʲeːt tɑjɬən? qɑntəq qoː ɛpəɬ.” “mɐː mətɐ tət qojɐɣi əntə tɑjɬəm. ɐːtəlemnɐm βɑɬɬəm.” “əntɐ, tʃɐːjə jɐːstɐ, qojɐɣi nʉŋ tɑjɬən tʲeːt?” “qojɐɣemnə joβətɬojəm? mɐː teːm ɐːtəlemnɐm tət βɑɬɬəm.”

pɐːnə qoːɬəmpɐ mɑɣəɬti lɛləɣ, əj tʲuː ɐːrit qɑntəq qoː ɛpəɬ. tʲuː tʲeːtʲoːpiɬ jɐːstəɬ: “tʲɑqɐ, əj mətɐ qɑntəq qoː-pə əntem. mɐː tət ɐːtəlemnɐm βɑɬɬəm.” pɐːnə qotəŋ ɛβəɬ tʲuː iːmi, tʲi ɯːɬə βɯːɣəɬ, neːβrəməɣ, qɒːt ɬəɣpijɐ. jɑqə ɬɑŋ. pɐːnə tot βoɬ, βoɬ. məntɐɣə jəɣmɐɬɐ pɐːnə tʲuː qoːnə tʲi kɐːtɬəmti. tʲuː qoː, ɑntɐ, ɯːɬə qɑnʲimtəɣəɬ. tʲuː neːnɐt nʲuːɬ tɑɣtɐɣə jəkkən. tʲuː neːnə ɯːɬnɐm jɛβətɬi, tot noq ɬʲuːɬʲəmtəɬ. oːs qoːnə tʲuː neː ɯːɬnɐm jɛβətɬi. tʲuː qoː pɐːnə βɵβəɬ qoɬ. əj ɬɐːtnə tʲi – otə – ɬʲiːɬʲtʲəmtəɣ: “tʲɑqɐ, teːm neː tʲeːnə ɬɛjɣəɬ, mɐː oɬəŋ tʲuː neː ɯːɬə tɑɣiptɐɣə.” βɑɬə oːβtijɐ βɵβ sɒːɣət rɛβiptəɣ pɐːnə toβənə ɬʲiːɬʲtʲəmtəɣ: “iːt tʲeːnə niːŋət quːj jɐːɣ kiːnʲtʲɐ βɵkkəŋət, tʲəɬ iːɬə ɬiːrti piːttə nɛŋi pɑqit, peːβ pɑqit oːs mʉβəɬi-pə βɛrəntəɬət. oɬəŋ oːs ɬiːrti piːttə jɐːɣ, neː tʃɯːmɬəli əj βərtə ɬɐːŋki tʃoːp kiːm qoː kiːnʲtʲɐ βɵβɬəɣtʃək βoɬ???.” pɐːnə tʲuː neː kɵtəɬɐ tʲə piːt. pɐːnə jɑqənɐm tʲi tuːβtəɣ.

13. tʲuː jɑqə joβətminɐ... jɑqən-pə əntə βoɬɣən, ɑntɐ qoɬ βoɬɣən... kak qɒːt, βɑq qɒːt βɛrɣən. pɐːnə tot βɑɬtɐɣə jəkkən. əj ɬɐːtnə tʲuː ənəɬpi leːliɬ keːm ɬʲiːβət. pɐːnə ɬeːjɬəɬ, iːttən, tʉɬɣin. jɑqə ɬɑŋ pɐːnə ɐːtʲiɬnɐm jɐːstəɬ: “jɐː, nʉŋ ɐːtʲi, torəm qɒːn βosən. pɐːnə mʉβɐt tʲeːnə? tom ɐːjpi mɑnʲemnə, qɒːtnɐm ɛŋkrəmtəm, keːr tuːrpɐɣəɬ nuːm βɑɣɐ mɐːtɐ niːjəɬ, nɐːj nʲɐːɬmət kiːlɐɬət. məŋ tuːrpɐ tojəβ ɛŋkrəmtəm, ɑɬə quːj ɐːmp ɬəɣ tojəli rɛβisɬəɬi, βɒːtnə, pɐːnə noq əntə jəmɣə βətʲəɣɬəɬ. noqnɐm tuːɬi, əj tot qɒːt oːβtijɐ βɒːtnə rɛβəsɬəɬi, pərɣinɐm joːβəɬɬi.” “sɐːsɐr, ɬʉβɐt βɛrtə uːr βɑɬɬ.”

14. pɐːn tʲi ɬɛβəɬɐ jɐːstəɣ: “qɑtʲɐ, tom ɐːj pɑɣ təɣə βɯːɣittən.” ɬɛβəɬnə tom ɐːj pɑɣ toβə βuːɣi. pɐːnə jɐːstəɬ: „mɐː mɒːqi jɯːsnə jəɣəm nɐːrkɐs juːqqən, niːŋ juːqqən toj. pɐːnə tərmɐɬ pɯːrnə mɐːnə ɬʉβɐti poni, ɯːɬə tʃeːβijəmɐɬ ɬɐːtnə. toβə jɑŋqɬən, noq kəntʃiɣəɬɐ.” pɐːnə, jɑqənɐm, ɬʉβ, qoti jəɬ ɬʉβə? torəm qɒːn ɬʉβɐti jɐːstəɬ toɣə! pɐːnə jɑqənɐm jiːstɐɣə jəɣ pɐːnə jɑqənɐm mən. jɑqə, quːtəɬɐ joβəttɐɣə jəɣmɐɬɐ, sɛm jəŋkəɬ iːɬə moːŋəttəɣ pɐːnə jɑqə ɬɑŋ. tʲuː iːmiɬ jɐːstəɬ: “mʉβɐt, məttə, ɐːtʲennə mʉβ ʃiːr jɐːsəŋɐt jɐːsto? nʲɑɣmin təɣnɐm jʉɬən?” “mʉβ tɒːɣi jiːsŋəɬ mɐːntem jɐːstəɬ.” “əntɐ, jiːsmin βəɬe jɑqənɐm, jʉβən. jɑqənɐm ɬɑŋtɐɣə jəɣmɐnnə sɛmɣəɬɐ iːɬə moːŋətɣəɬɐ. tətti tɐː, sɛm jəŋkɬɐ!” quːβər pətə ɬʉβɐti pɐːmtətəɣ. “ pɐːnə βəs ɯːɬ leːβnɐm mɐːnt kiːtɣijəɬ. jəɣəɬ qɑɬəm ɬɐːtnə, məttə, niːŋ juːqqəɬ, nɐːrkɐs juːqqəɬ toβə pɑnɣəɬ. tʲuːtɣən kəntʃtʃɐɣə mɐːnt kiːtəɬ.” “nuː, qoti jəɬ ɬʉβə torəm qɒːn jɐːstəɣ quːntə – qoti jəɬi! jɑŋqɐ βəs! toːp-pə mɐː kiːtʃɐɣem əj kʉrəp ɬɐːpɐs βərɐ, oβərɣə.”

15. pɐːnə tʲuː iːmiɬ ɬɐːpɐsɐt βɛrtəɣ, oβərɣə əj qɒːnəp ɬɐːpɐs. pɐːnə toβə tɑβərtəɣ. pɐːnə mən. iːmiɬnə suːβəmɐt məji, pɐːnə pɛrtəli. suːβəm βɒːjməli pɐːnə ɐːj pɛrt puːləli. pɐːnə tʲuː pɛrt puːl oːβtijɐ pɐːnə suːβəm βɒːjməli oːβtijɐ ɬɑqqint pɐːnə iːtpə mənəɬ. əj tɒːɣinə mən, mən. teːm məɣ ontnɐm βəs tʲuːmint. tʲuː βəs əj mɑtʃɣə ɯːɬnɐm. tʲi tuːβi, tuːβi, əj ɬɐːtnə tʲi neːβi tɒːɣijɐ tʲi kɵrəɣ. qɑtɬəŋ-uːtɬəŋ torəmɐ tʲi kɵrəɣ. toɬ sɒːɣət əj sɐːrnɐm. əj tɒːɣinə ɬeːjɬəɬ: tʲuːmint tʃiːn moːqəp tɒːɣi. kʉtʃ jəmɣə ɬeːjəɬtɐɣə jəɣ – teːmi qɑntəq qoː tʲi ɬoβət-soβət toβənə ɬʲɒːɬʲət. pɐːnə toβnɐm əntə ɛŋkrəmtəɣ. sɐːrnɐm mən. oːs əj tɒːɣinə ɬeːjɣəɬəɬ: jɛki poːməŋ mətɐ, kʉntʃəŋ poːməŋ mətɐ toβ lɒːt tʲuː. toβnɐm kʉtʃ ɛŋkrəmtəɣ – teːmi qɑntəq qoː oːptət. pɐːnə sɐːrnɐm mən, toβnɐm əntə ɬeːjɬəɬ.

16. oːs əj tɒːɣinə jɐːɣnə tʲi βiːɣɬi: “təɣ ɐːmtətɐ, təɣnɐm əŋkrəmtɐ!” toβnɐm kʉtʃ ɛŋkrəmtəɣ – βɐːnʲəm pɛlkət, nʲoɬ pɛlkət, ɬuːɬ pɛlkət. pɐːnə toβnɐm əntə ɛŋkrəmtəɣ, sɐːrnɐm mənəɬ. oːs əj tɒːɣinə mən, mən. kɐːt iːmiɣən-iːkiɣən ənəɬ ɒːtʃnʲi pɐː qoːnə pɐː nʲərimtəɬi. tʲuː nʲərəɣɬəɣən. leːŋktə qol əntə βuːɬɣən. əssoŋnɐm ɬʲeːβətɬəɣən-pɯːtɬəɣən. oːs sɐːrnɐm mənəɬ. oːs əj tɒːɣinə kɐːt iːmiɣən-iːkiɣən əj ɒːtʃnʲi puːləli liːŋkkən, kɵt ɬɒːŋqər ɬoβit ɒːtʃnʲi puːl. tʲuːtnɐt ɑɬɬəɣən. tʲiːkin-miːkin keːm əntə ɛt. pɐːnə toɬ sɒːɣət sɐːrnɐm mən, mən. əj tɒːɣinə oːs ɬɑβ ɬʲɒːɬʲəɬ . tʲuː ɬɑβ pɐːnə... tʲuː ɬɑβ tʲuːmint... əj pɛlkəɬ... pɐːnə... pɐːnə ɑntɐ tʲeːɬiɬtɐ qojɐɣi mʉβə jɐːstəɣ, tʲiːt... tʃɐːjə, tʲuː ɒːtʃnʲi iːmiɣən-iːkiɣənɐ joβətmɐɬ əj toɣənə, tʲeːɬiɬtɐ qojɐɣi mʉβ jɐːstəɬ: “tʲiːt qɑtɬəŋ-qotɬəŋ torəmnə βɑɬminnə tʲiːt tom pɐːj ɬ əɣ ɬʲeːβitmin-pɯːtmin βoɬɣən, tom pɐːjɬəɣ ɐːtəmɣə βoɬɣən. tʲuːtəɬnɐt tʲeːnə iːtpə βɑɬɬ. iːtpə əj tʲuː jiːmin-tʲuːnʲin tʲuːnʲɬəɬɣən.”

17. oːs sɐːrnɐm mən, mən. tʲuː iːmiɣən-iːkiɣənɐ joβət ɐːj ɒːtʃnʲi puːləli iːmi. tʲeːɬiɬtɐ qojɐɣi mʉβə jɐːstəɣ: “tʲiːt qɑtɬəŋ-qotɬəŋ torəmnə βɑɬminnə jəmɣə βoɬɣən. nʲuːɬnɐm ɐːtəm βɛr əntem βoɬ, pɯːt qɵɬ, ɐːtəm kɵɬ. iːtpə tʲuː jiːmin-tʲuːnʲin tʲuːnʲɬəɬɣən.” oːs sɐːrnɐm mən, mən, oːs ɬɑβ. əj pɛlkəɬ, ɐː əj pɛlkəɬ tot əntem. tot suːtʃəɣtəɬ iːʃo. pɐːnə tʲeːɬiɬtɐ qojɐɣi mʉβə nʲɑβəm: “tʲi ɬɑβ jɯːrəqsəm ɬɐːtnə tʲuː ɬɑqqəŋ jɑqqən əj pɛlək ɬiːn-ɬiːnə βəjittən, əj pɛlək jɐːɣɐ ɬiːpti. iːtpə tʲuː jiːməɬ-tʲuːnʲəɬ tʲuːnʲiɬəɬ.” oːs sɐːrnɐm mən, mən. oːs əj tɒːɣinə ɬɑβ. tʲuːmint βojəŋ ɬɑβtʃəɣ. əj lɒːtɐ əntə qɑnəɬ. əssoŋnɐm mɐːtɐ jeːkmin suːtʃəɣtəɬ, neːβərɬ. tʲeːɬiɬtɐ qojɐɣi mʉβ jɐːstəɬ: “tʲi ɬɑβ tʲiːt pɒːriɬəmɐɬ ɬɐːtnə jɐːɣɐ əjnɐm mɐːtɐ ot məj, ort qoːnə əjnɐm jɐːɣɐ ɬiːpti, ɬiːn-ɬiːnə əj puːl-pə əntə βəjəkkən. iːtpə tʲuː jiːməɬ-tʲuːnʲəɬ tʲuːnʲɬəɬ.”

18. oːs sɐːrnɐm mən, mən. oːs əj tɒːɣinə ənəɬ qɒːtɐ tʲi joβət, tot tʲuː pɛrt puːləkkəɬ, suːβəm puːləkkəɬ ɬuːnʲtʲiɬɣən. jɑqə ɬɑŋ, ənəɬ mɛri iːkitʃəɣ ɯːɬən ɑɬɐɬ. tortəɣɬəɬ. oːs ənəɬ mɛri iːmitʃəɣ tot noːmən ɒːməsɬ. pɐːnə tʲuː iːmitʃəɣ jɐːstəɬ: “nʉŋ mʉβɐt jʉβən uːtʃijɐ?” pɐːnə ɬiːtotɐt-uːtʃ ɬiːpəttəɣ. tʲuː qoː jɐːstəɣ: “oːs mɐː mɐː kiːnʲtʲɐɣəm ənəɬ ɬuːŋqnə-kɐːɬ[t]nə kiːtɬojəm.” pɐːnə tʃɐːjɐt-uːtʃ jənʲəɬtʲi. əj ɬɐːtnə iːminə tʲuː iːki noq rʉβəttɐɣə βɛri. tʲuː iːki tortəɣɬəɬ. tʲuː iːminə rʉβəttɐɬnə, tʲuː iːkinə βɛrəɣɬəmɐ tʲuː iːki kʉtʃ təɣə sɐːŋkkint, teːm oːβpi mɛtʃɐ joβəttɐɣə jəɣ. tʲuːkim pərɣi potəɣmin tʲuːkimɐ jəɣ. pɐːnə tʲuː iːkinə pɯːriɬi: “βəɬe nʉŋ mʉβənnə təɣə kiːto?” “oːs mɐː mʉβənnə kiːtɬojəm – tʲuː qoː jɐːstəɬ – mɐː kiːnʲtʲɐɣəm ənəɬ ɬuːŋqnə-kɐːɬnə kiːtɬojəm.” “nʉŋ, kəs, mʉβəɬi kəntʃtʃɐɣə kiːto?” “βəs mɐː nɐːrkɐs juːqqən, niːŋ juːqqən. jəɣəm jɐːstəɬ, ɬʉβ jəɣəɬ qɑɬəm ɬɐːtnə toβə pɑnɣəɬ.” “tʲɑqɐ mənɐ jɑqənɐm! mənɐ jəɣən torəm qɒːn qɒːtɐ! pɐːnə oːβpiɬɐɬ pɛləkkə jəɣtiɬɐ. pɐːnə sɒːrɣɐ jɑqənɐm nʉrəɣtɐ, tʲuː iːme ɯːɬə tɑβrəm ɬɐːpɐs jɒːɣnə ɛβəttɐɣə βɐːri.”

19. pɐːnə jɑqənɐm əj tʲə toβənə tʲɯːrɣəɬtətəɣ. əj tʲuː jɑqənɐm tʲɯːrɣəɬtəmɐɬ tʲuː nʲɑmrəɣ ɬɑβət, ɬɑβ pɛlkət, tʲuː βɐːnʲəm-ɬuːɬ pɛlkət, nʲoɬ pɛlkət, βuːjɬɐɬ mʉβə əntə. mɑtʃɣɐ tʲɯːrɣəɬtətəɣ. əj ɬɐːtnə tʲiː, keːm pɑtəqint, jɐːɣ tɑjtə βɒːtʃɐ, βɒːtʃ jɛtʃəɣɐ, pɐːnə tʲuː torəm qɒːn qɒːtɐ ɬɑŋ, sɒːrɣɐ mɐːtɐ, oːβpit pɛləkkə jɛβtəɬ, pɐːnə tʲuː nɐːrkɐs juːqqən, niːŋ juːqqən təɣə jɑqə norəqintɣən. pɐːnə oːs quːtəɬnɐm nʉrəɣtəɣ. toβ kʉtʃ joβət, pɯːqem ɛpəɬ, ɬʉj ɛpəɬ. … pɐː qoː ɬɐːjəmnɐt, pɐː qoː piːlɐnɐt, noq sɛβriɬəɬ, ɬoːnt pɛŋknɐt, keːβinɐt. tʲuː βɑq kʉrɐp ɬɐːpɐs qɒːnt ɛβətɣiɬət, tʲuː neː noq βəjɣiɬət. pɐːn tʲuː sɐːr iːɬə kiːtəɬ, pɐːnə niːŋəɬ noq tʲi βəjtəɣ.

20. oːs qoβɬi βoɬət, βɐːnɬi βoɬət, əj ɬɐːtnə tʲuː ənəɬpi leːliɬ oːs keːm ɬʲiːβət. tʲuː ɐːjpi mɑnʲiɬ qɒːt tuːrpɐ tojnɐm ɛŋkrəmtəɣ. tʲuː tuːrpɐ toji nɐːj nʲɐːɬəm sɐːŋki motʃə, sɐːŋki, torəm βɑɣ motʃə tʲɒːləɣɬəɬ. əjpɐ toβnɐm ɑɬə pɑnəmti. ɬəɣ-ɬəɣə tuːrpɐ tojnɐm kʉtʃ ɛŋkrəmtəɣ ɑɬə quːj ɐːmp ɬəɣ tojəli rɛβisɬəɬi, pɐːnə βɒːtnə pərtɣə toβə poβɬi, qɒːt oːβtijɐ rɛβisɬəɬi. jɑqə ɬɑŋ pɐːnə tʲuː jəɣəɬnɐm jɐːstəɣ, torəm qɒːnɐ: “jɐː, nʉŋ, ɐːtʲi, torəm qɒːn βosən. pɐːnə tʲeːnə: tom mɑnʲem qɒːt tuːrpɐ tojnɐm ɛŋkrəmtəm, tʲuː nɐːj nʲɐːɬməɬ sɐːŋki βɑɣnɐm ɑɬə qotʃəɣɬəɣ. məŋ oːs ɑɬə quːj ɐːmp ɬəɣ tojəli iːti nɐːj nʲɐːɬəm rɛβisɬəɬi pɐːnə βɒːtnə əj tot otɬɐt, pərɣi rɛβisɬəɬɐt.”

21. “sɐː-sɐːr, ɬʉβɐt mətɐ uːrɐ βɛrtə βɛr βɑɬɬ.” pɐːnə oːs tʲuː ɬɛβəɬɐ jɐːstəɣ, məttə, təɣə βɯːɣittən tʲuː ɐːj pɑɣ. tʲuː ɐːj pɑɣ oːs toβə βuːɣi. jɐːstəɬ ɐːtʲiɬ ɬʉβɐtinɐm: “mɐː jəɣəm qɑɬəm ɬɐːtnə ɐːrəɣ ɐːrɣi juːqqən, mɒːnʲtʲ mɒːnʲtʲi juːqqən tojəm. əj pɛləknɐm kiːrəɣɬəɬɣən – sɒːt ɐːrəɣ ɐːrəɣɬəɬɣən, əj pɛləknɐm kiːrəɣɬəɬɣən – sɒːt mɒːnʲtʲ mɒːnʲtʲɬəɣən. mɐː tʲuːtɣəɬɐm noq kəntʃtʃə kiːm əntem. ɬʉβ nʉŋ toβə jɑŋqtɐɣə qol βuːɬən.”

pɐːnə [tʲuː pɑɣ] jɑqənɐm mən. jiːsmin mənəɬ ətʲə. jɑqə ɬɑŋmɐɬnə sɛm jəŋkɬɐɬ iːɬə moːŋɬəməɬ, pɐːnə jɑqə ɬɑŋ. iːmiɬ jɐːstəɬ: “torəm qɒːn jəɣənnə mʉβəɬi jəm jɐːsəŋɐt jɐːsto? nʲɑɣmin βəɬe jɑqə ɬɑŋən.” … “mʉβə mort əntə ɐːrɣəm-nʲɑβməm, ɑɬə mərt!” “əj tʲuː ɐːrit jiːsmin βəɬe təɣə jʉβən.” tʲuː kɵt pətɐɬ toβ tʃʉtʃəmtətəɣ: “sɛm jəŋkɬɐ-pə tɐː, təttit! mɐː kiːtʃəm βoɬ, əj sɛm jəŋk ɯːɬə əntə kɵrəɣtɐɣə. teːm sɛm jəŋk kɵrəɣ. pɐːnə qoti... mʉβəɬi jɐːsto tot?” “ɐː, məttə, ɯːɬ leːβnɐm kiːtɣiɬojəm ətʲə... ɐːrəɣ ɐːrɣi juːqqən, mɒːnʲtʲ mɒːnʲtʲi juːqqən kəntʃtʃɐɣə.” “jɐː βəs, qoti βɛrɬi, məttə torəm qɒːn jɐːsəŋ quːntə qoti βɛrɬi? nʉŋ mɐːnt məntɐnkɐ kiːt βɑq kʉrɐp ɬɐːpɐsɐt βərɐ pɐːnə toβə tɑβrɐ.” pɐːnə mən. ətʲə suːβəmɐt məji pɐːnə pɛrt puːlɐt məji, pɐːnə mən.

22. tʲi mən, mən. əj tɒːɣinə məɣ ontnɐm tʲi pɑtʲəqint. tʲuː məɣ ontnə qoβɬi mən, βɐːnɬi mən, əj tɒːɣinə ətʲə neːβi torəmɐ tʲi kɵrəɣ. tʲi tot qɑtəɬ-uːtʃ. əj tɒːɣinə ɬeːjɬəɬ – teːmi əjnɐm tʃiːn moːqqəŋ tɒːɣi. jəmɣə kʉtʃ ɬeːjəɬtɐɣə jəɣ – teːmi qɑntəq qoː ɬoβət, sɐːrnɐm mən, mən, teːmi jɛki poːməŋ, kʉntʃəŋ poːməŋ toβ lɒːt. kʉtʃ jəmɣə ɬeːjəɬtɐɣə jəɣ – tʲɑqɐ teːmi qɑntəq qoː oːptət. sɐːrnɐm mən, mən. əj tɒːɣinə ɬʉβɐtnɐm tʃoːβɬət, βiːɣɬət. toβnɐm kʉtʃ ɛŋkrəmtəɣ – ɬʉβɐtnɐm sɐːrnɐm βiːɣɬət: təɣnɐm ɛŋkrəmtɐ, təɣnɐm ɛŋkrəmtɐ. toβnɐm kʉtʃ ɛŋkrəmtəɣ. βɐːnʲəm pɛlkət, ɬuːɬ pɛlkət, sɛm pɛlkət, nʲoɬ pɛlkət.

pɐːnə sɐːrnɐm sɒːrɣɐ mən, tʲɯːrɣəɬtətəɣ.

23. oːs əj tɒːɣinə mən, mən, kɐːt iːmiɣən-iːkiɣən ɑɬɬəɣən. ənəɬ tʲuːmint ɒːtʃnʲitʃəɣ, βɒːtʃət-puːβɬət leːŋktə ɒːtʃnʲi, leːŋktə qol əntə βuːɬɣən. iːminə nʲərimtəɬi, oːs toɬ sɒːɣət iːkinə nʲərimti. tʲeːnə tʲi tɐːɬiɬəɬtən. əssoŋnɐm ɬʲeːβətɬəɣən-pɯːtɬəɣən. toɬiɬtɐ qojɐɣi mʉβ jɐːstəɣ: “tʲiːt ɬiːɬəŋ torəmnə βɑɬminnə ɐːtəmɣə βoɬɣən. əjnɐm ɬʲeːβətmin βoɬɣən. iːtpə tʲuː jiːmin-tʲuːnʲin tʲuːnʲɬəɬɣən. oːs sɐːrnɐm mənmɐɬnə, kɐːt iːmiɣən-iːkiɣən oːs ɑɬɬəɣən. kɵt pətə ɬoβit ɒːtʃpi puːlnɐt ɑɬɬəɣən. tʲiːkin-miːkin keːm əntə ɛt.

24. tʲuː sɒːɣət sɐːrnɐm mən, mən. əj ɬɑβ pɛlək ɬʲɒːɬʲəɬ. noməksəɬ: “oːs mʉβɐt tʲi ɬɑβ əj pɛlkəɬ?” tʲeːɬiɬtɐ qojɐɣi mʉβ jɐːstəɣ: “tʲiːt tʲə ɬɑβ ɬiːɬəŋ torəmnə βɑɬmɐɬnə pɒːriɬəmɐɬ ɬɐːtnə tʲuː ɬɑqqəŋ jɑqqən əj pɛlkəɬ ɬiːn-ɬiːnə kiːtʃɐɣin βəjittən, əj pɛlkəɬ jɐːɣ əjnɐmɐt ɬiːptətən, jɐːɣɐ əjnɐm ɬiːptətən. iːtpə tʲuː jiːməɬ-tʲuːnʲəɬ tʲuːnʲəɣɬəɬ.” sɐːrnɐm mən, mən. oːs əj ɬɑβ ɬʲɒːɬʲəɬ. tom tʲi βojəŋ, tʲuːmint nʲɑβəŋ ɬɑβtʃəɣ. əj lɐːtnə-pə ɬʲɒːɬʲtʲə qol əntə βuːɬ. əssoŋnɐm mɐːɣəɬti kiːrəɣɬəɬ, neːβərɬ, tʲɐːrəɣɬəɬ. tʲeːɬiɬtɐ qojɐɣi mʉβ jɐːstəɣ: “tʲiːt pɒːriɣə βɛrmɐɬ ɬɐːtnə tʲuː ɬɑqqəŋ jɑqqən mɐːtɐ əjnɐm jɐːɣɐ ɬiːptətən, tʲuː ɬɑβin. ɬiːn-ɬiːnə, qoɬ βuːɬi, puːl βəjəkkən mʉβ əntə βəjəkkən. iːtpə tʲuː jiːməɬ-tʲuːnʲəɬ tʲuːnʲɬəɬ.”

25. pɐːnə sɐːrnɐm mən, mən. oːs tʲuːmint ənəɬ qɒːttʃəɣɐ joβət. əj tʲi tʲuːmint ənəɬ iːmitʃəɣ noːmən ɒːməsɬ. oːs tʲuːmint iːkitʃəɣ ɯːɬən ɑɬɐɬ. pɐːnə tʲuː ənəɬ iːkitʃəɣ... ənəɬ iːmitʃəɣnə tʃɐːjɐt-uːtʃ jeːnʲəɬti. əj ɬɐːtnə tʲuː iːki noq rʉβəttɐɣə βɛrtəɣ: “tʲɑqɐ, iːki, noq kiːɬɐ nʲɐːtʲɣətʃək, nʲɐːtʲɣətʃək, ɐːtəm leːβ βuːjiɬɬəɣ qɯːɬɣən joβət. iːki, nʲɐːtʲɣə, nʲɐːtʲɣə!” pɐːnə tʲuː iːminə noq rʉβəttɐɬnə iːki təɣə-pə kʉtʃ sɐːŋkkint, toː oːβpi mɛtʃɐ kɐːtəɬ – tʲuːkimɐ pərɣinɐm potəɣmin jəɣ. pɐːnə ɯːɬə ɯːməɬ pɐːnə nʲɑβəmtɐɣə jəkkən.

“mʉβənə, məttə, təɣənɐm kiːto?” “kəs mɐː mʉβənə kiːtɬojəm? məttə,mɐː kiːnʲtʲɐɣəm ənəɬ ɬuːŋqnə kɐːɬ[t]nə kiːtɬojəm. torəm qɒːn jəɣəm-iːki jɐːstəɬ, məttə jəɣəɬ qɑɬəm ɬɐːtnə ɐːrəɣ ɐːrɣi juːqqəɬ, mɒːnʲtʲ mɒːnʲtʲi juːqqəɬ ɬʉβɐti pɑnɣəɬ. tʲuːtɣən kəntʃtʃɐɣə mɐːnt kiːt.” “tʲɑqɐ mənɐ sɒːrɣɐ pərɣinɐm. otə, toβə joβtɐ pɐːnə torəm qɒːn qɒːt oːβpit pɛləkkə ɬʲiːkiɬɐ. tʲuː ɐːrəɣ ɐːrɣi juːqqən, mɒːnʲtʲ mɒːnʲtʲi juːqqən ɬiːn-ɬiːnə toβənɐm jɑqinɬəkkən. pɐːnə sɒːrɣɐ mɐːtɐ tʲuː niːŋenɐm pətkəɣɬɐ. tʲuː niːŋe uːʃe ɬɐːpɐsəɬ kɵrəɣtɐɣə jəɣ, toβə kʉtʃ joβətɬən. pɐːnə oːs-pə ɐːɬ jʉβɐ. qoːɬəmətɣə təɣə jʉtɐnkɐ tʲɑqɐ noq ɬiːɬo jɐːɣnə.”

26. pɐːnə pərɣinɐm tʲi sɒːrɣɐ mən. tʲuː ɑntɐ sɛm pɛlkət, ɬuːɬ pɛlkət, ɬɑβ pɛlkət βuːjiɬ mʉβə əntə. pɐːnə mən. tʲuː torəm qɒːn oːβpijɐ joβət pɐːn sɒːrɣɐ mɐːtɐ oːβpi pɛləkkə jɛβəttəɣ. pɐːnə tʲuː ɐːrəɣ ɐːrɣi juːqqən, mɒːnʲtʲ mɒːnʲtʲi juːqqən jɑqə kɵrəkkən toβə. pɐːnə sɒːrɣɐ mɐːtɐ niːŋəɬnɐm pətkɐɣɬəɣ. tʲuː niːŋəɬ, toβə kʉtʃ joβət, ɬɐːpɐsəɬ kɵrɣitɐɣə jəɣ, tɒːnʲɐtɐɣə jəɣ. pɐːnə tʲuː jɐːɣ əjnɐm ɐːrɣə kiːtəɬ. tʲuː tɒːɣinə toŋkə pɐːj pɯːqem ɛpəɬ, βər ɛpəɬ, ɬʉj ɛpəɬ. pɐːnə tʲuː niːŋəɬ noq βəjtəɣ, pɐːnə...

27. tʲuː ɯːɬ leːβnə βɑɬmɐɬnə tʲuː iːki ɬʉβɐtɐ toβənə jɐːstəɣ: “jɑqə joβəttɐnkɐ kak quːtən, βɑq quːtən əjnɐm mɐːtɐ ɯːttən βəsət-uːtʃət kɛβɐt əjnɐm mɑləqqə βəriɬɐ, oːβpit-uːtʃət. pɐːnə ɬɐːpət ɐːt-qɑtəɬ mɛrə keːmə ɐːɬ ɬʲiːβtittən, jɑqən ɯːmsittən.” pɐːnə tʲuː jɑqə joβətmin ɯːɬə tɑβrəqsəqqən, kɛβɐt ɯːttən βəsət-oːβpit tɑβrɐt. pɐːnə tʲuː ɯːɬ tɑβrɐt oːβpit-uːtʃət... əj ɬɐːtnə keːmən, qoːɬəntəɬɣən, mʉβəɬi? tʲuː βɒːt tʲuːkim! tʲuː ɬɐːpət ɐːt-qɑtəɬ jɑqən uːməsɣən. pɐːnə əj mətɐ ɬɐːtnə keːmə tʲi ɬʲiːβətɣən. keːmə kʉtʃ ɬʲiːβətɣən, əj mətɐ ot-pə əntem. əj qɒːt əntem, əj βɒːtʃ əntem. əj mətɐ ot-pə əntem. βsjo!

Imprint - Privacy Disclaimer - Contact
Last update: 17-02-2022 - Visitors: